المنظورات الحسينية ـ 4 429


عن لسان حال زينب الكبرى تندب الهاشميين (عليهم السلام)
إعيوني جفّن إمن الدمع وأعيان وچبدي ذاب من الهضم وأعيان
أنه زينب ربيبة خدر وأعيان هظيمه وأنهدي لبن الدعيّه
* * *
الگلب عگب إخوتي بيمن يهنه الـدهر ما أنصف إويانه يهلنه
هاي الخيل غارتنه يهلنه ولا منكم عدل يحمي إلثنيه
* * *
يهلنه غوّت إبروحي ولمها وبعد مَيحَصِل وياكم ولمها
بگيت إرعه إبيتاماكم ولمها وأكف عنهـا الضرب وأشگف بديه
* * *
يرف گلبي إعله كل مأتم ونابي أونن ونة الثكله ونابي
ثغري ما بسم ضاحچ ونابي عگب عين الگضو بالغاضريه
* * *
روحي الدهر عزرها وهنها إو هذا النحّل إعظامي وهنها
النوايب علي سهلها وهنا إمصاب حسين بأرض الغاضريه
* * *
الجهاد إمن إخوتي دربه وساعه تلم الكـون ميلمهم وساعه
يفرحني الدهر ساعه وساعه عليه إيلملم أحزان البريه
* * *
جدنه خيرة العالم وبانه إو شرفنه ساد بالوادم وبانه
دهـرنه إتظاهر إبجوره وبانه عگب عين إخوتي إسباع الحميه
* * *

المنظورات الحسينية ـ 4 430


أنه زينب إو خـدري چان مثله ولا بالكون يحصل خدر مثله
گلبي بالمثلث هاك مثله إو دون حسين راويني المنيه
* * *
في عظم رزء كربلاء
عگلي ما سكن بالراس بس هام إو گلبي ما يحمل الفرح بس هام
أخيط إجروح رمي الدهر بس هام وأضمّدها إبمصاب الغاضريه
* * *
أنة وألم
سهم الدهر نيشانه وعينه هدم دار الحمه إلبيها وعينه
وحگ إچفوف أبو فاضل وعينه إمن أشوف إلماي أجر ونّّه خفيه
* * *
بكاء الحوراء عليها السلام
دمعي مثل دم حسين بالراي من سهم المثلث نبت بالراي
إو بيدي خنجر الجمّال بالراي گطع چف الحسين إو گطع بيّه
* * *
أنـه إبشده إو علي يصعب محلها إو ربوع الخير وافاها محلها
سُميّه وهند يتخدر محلها وأنه إربات الخدر صرت أجنبيه
* * *
النوايب أگبلت وأصـعب مردها عليّه إو صار دلالي مردها
چبدتي سهم المثلث مردها إو من إصواب الحجر علتي خفيه
* * *
ما أعظم مصيبة الشام
هلي تتذبح إگبالي وناره إو صبري هوّن إمصابي وناره
إلشام إلشام والمجلس وناره تشب إو تنطفي إبكل فاطميه
* * *

المنظورات الحسينية ـ 4 431


الفلك هدم عوالينه وذبنه إو سلتنه نار المخيم وذبنه
للإسلام جاهدنه وذبنه علم للدين برض الغاضريه
* * *
أخويه إلما فتر عزمه ولاچن أنياب الدهر عضنه ولاچن
إنذبح عطشان بأرض الطف ولاچن روه إمن السلسبيل العذب ميه
* * *
مر يصعب عليّه الدهـر مرهان چاسات الليـالي شفت مرهان
من ظل جسم أخويه حسين مرهان عله وجه الثره بالغاضريه
* * *
في رثاء العباس عليه السلام
چفوفي دمعة إعيوني حناها تحن روحي ولا يبطل حناها
وإعله العلگمي إضلوعه حناها وضهدني إصواب المفارج خويه
* * *
يحادي الظعن خل الظعن يسره عله الماله يمين إو ماله يسره
خل ينظر خوات حسين يسره إو يسمع ونة إسكينه الشجيه
* * *
عظيم إمصـاب غربتنه مهانه إشكثر عگب ألأهل تحمل مهانه
مهانه إمخدرة هاشم مهانه ضعت عگب إخوتي بالغاضريه
* * *

(تمت)



المنظورات الحسينية ـ 4 432




المنظورات الحسينية ـ 4 433


الفصل السابع
العودة إلى كربلاء (ألأربعين)

ويشتمل على القصائد التالية:
1 ـ باليسر زينب عالحرم ظلها «باليسر زينب ـ عالحرم ظلها» (گعده) 435
2 ـ يوم أربعين الحسين عليه السلام «ضعن الفواطم يحسين» (لطم) 438
3 ـ يوم ألأربعين «‘من الشام ردت زينب» (لطم) 441
4 ـ الهوسات 444
5 ـ ألأبوذيات 447


المنظورات الحسينية ـ 4 434




المنظورات الحسينية ـ 1 435


(1)
باليسر زينب عالحرم ظلها

«شيعتي»

باليسر زينب عالحـرم ظلها ردّت بالعيال وإبروس أهلها
وإتصيح هاذي كربله چا وين أهلنه
إبحامـي الضعينه من يـدلينه
* * *
فرفرت عالظعن روحي من وصل للغاضريه
ريت ماي العمه إبعيني ولا تشوف الفاطميه
إبكل گلب جمرة أحزان وكل ضلع حدره شجيه
إشحال التروح إميسره ما نظل بعد إمخدره
وإتظل غريبه إمحيره وإـّحوفها المنيه
نسمع إبزينب لاچن يهالناس
إمن اليسر ردت تلطم عله الراس
وتصيح جينه إمن اليسر وين الكفلنه
إيحامـي الضعينه من يـدلينه
* * *
هالله هالله إشلون وگفه وگفت إبدار المخيم
صدت إبعين المصيبه وشاهدت خدر المهدم
إو چنها تتصور النار وخيمه عالخيمه إـّلايم


(1) هذه القصيده غير موجوده في الدوايوين السابقه.
المنظورات الحسينية ـ 4 436


صـاحت ومدمعها سجم إبيـا دار أنزل هالحرم
چا وين حراس الخيم إو وين البخدري توزم
دار الخيم هاي چانت زهيه
شو مظلمه اليوم يهل الحميه
ما تغمض إعيون الحرم موحش نزلنه
إبحامـي الضعينه من يـدلينه
* * *
إشلون لوجت گلب صارت بين الگبور ومحنّه
هاي إلتنادي يالأكبر يا شباب إلما تهنه
إو ذيچ تصرخ آ يجاسم معرس وبالدم تحنه
إو هاي إلتدور عالطفل وإتصيح والمدمع يهل
عطشان يبني وتنچتل والشرب محروم منه
گوس الذي صاب نحرك رماني
وإبناظري طاح سهمه وعماني
ظليت أنوحن وأنتحب وأجذب الونه
إبحامـي الضعينه من يـدلينه
* * *
إحضنت گبر حسين زينب تلثم إترابه وتشمه
خويه خليتك رميه إو جسمك إمغسل إبدمه
إمگطع إبحد المواضي إو حرت بيه إشلون ألمّه
فجـارنه إصواب الحجر چتفنه بحبال الدهر
إو سهم المثلث بألأثر مرد لب إحشاك سمه
من عگب عيناك ما نمت ليلي

المنظورات الحسينية ـ 4 437


والكوفه والشام هدمت حيلي
راسك عله راس الرمح يبره الظعَّنه
إبحامـي الضعينه من يـدلينه
* * *
إو چني إبزينب إتنادي يا ربات الخدر گومن
إوياي نمشي للشريعه إو يم گبر عباس حومن
وإحچن الصاير علينه إو لا تعتبن لا تلومن
عباس ما يحمل عتب من گطع إلچفوف السبب
يسرونه والعز إنسلب وإبضعيف الصوت حنن
عالشاطي عفناه غصباً علينه
وإنخبره بالصار من عگب عينه
چي ما حضرنه إنـودعه إو نعتذر منه
إبحامـي الضعينه من يـدلينه
* * *
يالطحت من عتب سكنه إو گطعت جسمك إلغيره
إبطيحتك دهري سباني وأجفي ديره وأطب ديره
صابني سهم إلبعينك إو يبس إبگلبي نميره
ألله يصواب العمد صوبني والعز إنفگد
لا ظل أخو إو لا ظل ولد إولاعمام إو لا عشيره
من عگب عيناك دهري ولاني
يا خويه ظليت آني وزماني
إو لا ظل حميم إو لا حمه إلبيه إنتچنه
إبحامـي الضعينه من يـدلينه
* * *

(تمت)
المنظورات الحسينية ـ 4 438


(2)
يوم أربعين الحسين عليه السلام

«ميمر»

ضعن الفـواطم يحسين طب كربلا حاديها
من اليسر ردن بنات الهادي
الطف كربلا اورجنت ابحنها الوادي
اوعالگبر زينب اوچبت واتنادي
يحسين من كثر ابچاي عيني نشف جاريها
* * *
يبن أمي من خليتك اعلى الغبره
دم طبره من جسمك يكت ابطبره
بالله الچتل يحسين هين أمره
لاچن يبـو اليمه ليش لچفوفك امگطعيها ؟
* * *
الجمّال گص چفك الخاتم الخاتم ناله
والطمع غره اوهاي سوء أعماله
لاچن يخويه اشرادت الخياله
يبن أمي لضلوعك ليش بالحافر امهشميها ؟
* * *

المنظورات الحسينية ـ 4 439


يحسين ما مسلم إلحن الحالك
سهم المثلث جرَّه من دلالك
يبن أمي أدري بالسهم چتالك
اوذاك السهم مسجـي إسموم والچبدتك ماذيها
* * *
ضامي الگلب يحسين ذبحوك الگوم
اوظليت من شرب الميه محروم
امن الماي هل صح لك غسل يا مظلوم
لو جثتك يا مظلوم من دمك مغسليها ؟
* * *
يبن أمي ما تگعد تشاهد حالي
ابجمر المصايب منمرد دلالي
زينب أنا المحد يشوف اخيالي
عگب الخـدر للشامات أمشي ابيسر تاليها
* * *
يحسين يوم اللي مشه حادينه
اعله المعركه اعله اجسومكم مرينه
ردنه الموادع ما حصل بيدينه
يبن أمي واگلوب الـگوم خوف او رحم مابيها
* * *

المنظورات الحسينية ـ 4 440


يبن أمي ما تدري شنو الأذانه
اوشنهو الهظمنه اوشنهو البچانه
وگفونه بين ايدين ابن مرجانه
بحبـال من إيد الإيد لطفالك امچتفيها
* * *
واللي جرح گلبي جرح ما يلتام
الشام آه الشام من طبة الشام
الحال الأرامل من أصد والأيتام
تكسر الخـاطر وابنار گلبي يهيج إعليها
* * *
يحسين والثگل حنيني او نوحي
شاهدت عيني امصاب مارد روحي
ونة عليلك لچم بيها اجروحي
من كثرة الشامت گام ونْة الگلب يخفيها
* * *
يخفي ونينه لاچن ابروحه ايجود
ما يجزع او راضي ابقضاء المعبود
إيصد اليتاماك اودمع عينه ايجود
تبچي اعله حـاله الأيتام والونته اتنابيها
* * *

(تمت)
المنظورات الحسينية ـ 4 441


(3)
يوم ألأربعين

«ميمر»

إمن الشـام ردت زينب للغاضريه إتنادي
يا نور عيني إو يا عزيز الزهره
* * *
يحسين عفتك عله الغبره عاري
غسلك دمه وأچفان جسمك ذاري
روحي بگت عنك إوجدمي ساري
للشـام من سيروني أمشي وأدير إعيوني
للغاضريه وأختنگ بالعبره
* * *
أدري إبسهم چبدك يخويه إتبضع
إبگلبك إصوابه إو من گفاك المطلع
وبصواب هذا السهم گلبي إتگطع
أثر يخويه إصوابه جمرة حزن لهابه
يحسين ما تگعد تطفي الجمره
* * *
يحسين بالحافر تهشم صدرك
وعالغبره بيدي وسدتلك نحرك
إبممشاي خويه حيرتني إبأمرك
ويـاك ما خلوني وعنك غصب مشوني
يحسين وإشبيد التروح إميسره
* * *

المنظورات الحسينية ـ 4 422


يبن أمي منهوبين وإمگيدينه
إبساعة الممشه إعله الجثث مرينه
رادت تودعك يبن أبويه إسكينه
والگـوم ما خلوها بسياطهم لوعوها
إو ظلت عله إفراگك تجر الحسره
* * *
يحسين أريد أحچيلك إبجور إعداك
ومثل السهم عتبي يگطع بحشاك
تدري إبعليلك شعملو من بعداك
بالجـامعه إمطوينه بالسلسله إمچتفينه
والعبره تتكسر يخويه إبصدره
* * *
لو طفل متعوب وتنام إعيونه
ويطيح من الناگه ويشوفونه
من عالأرض لو رادو إيگيمونه
بضـرب العصي إيرچبونه يحسين ويركزونه
بچعوب ألإسنان إيتولم ظهره
* * *
يحسين تدري لختك إشماذيها
ذلة الحريم الفاجده واليها
ومن السياط إتيبست إيديها
حـال الحرم بالكوفه يحسين ريت إتشوفه
وتشوف گلب إلما جزع من صبره
* * *

المنظورات الحسينية ـ 4 443


وإلما عليه العين تغمض وإتنام
الشام آه الشام من طبت الشام
إبگوس اليسر كل ساع يرميني إسهام
يحسين وإلمـاذيني سهم الشماته إبعيني
إو دهري كسرني إو بيش أجبّر كسره
* * *
يحسين سوط إلبيه متني إتألم
هيّن ولاچن شفت أمضه إو أعظم
سوط التثنه إبثغرك إو بي وسّم
وهذا الفجـع دلالي راسك يخويه إگبالي
بالخيزرانه إيزيد ينكث ثغره
* * *
نار النوايب سلت شحمة چبدي
إگضيت العلي إبمهجتي وحد جهدي
واليوم إجيت إوياك أجدد عهدي
يحسين ما ترشـدني للوطن منهو إيردني
وإبنك عليل إو بعده مدرك أمره
* * *

(تمت)
المنظورات الحسينية ـ 4 444


(4)
الهوسات

«تجليبه»

رجوع السبايا
أنـاشد والنشد يلتهب جمرة نار يا ستار صيحو إوياي يا ستار
هذي كربله وين المخيم صار
والرايـه إلبالحد منشوره والثايه إلچانت منطوره
* * *
أخبـرك يالتناشد والگلب مجمور جمرة ظلم وجّت عاشر إبعاشور
حرگت خيم روعت حرم هدمت دور
والرايه إتگنطر راعيها وإچفوفه إشلون إمگطعيها
* * *
إو بعد النـوب أناشد والعگل مخطوف إلمن عالشريعه إمگطعات إچفوف
وإلمن هالأجساد إلمالي عين إتشوف
وإبدمها إشلون إمغسليها وإبذاري الريح إمچفنيها
* * *
إمغسليها إبدمـه وإمچفنه إبتربان إو عله كل جسم زور إمن النبل والزان
ثلث تيام وإلها ما حصل دفّان
عالغبره إشلـون إيخلوها وإبذاري الريح إيچفنوها
* * *

المنظورات الحسينية ـ 4 445


إو جسم حسين صاير للنبل مكوّر إو ميادين إعله صدره لعبت العسكر
إو ما ظل عظم سالم بيه متكسّر
مگطوع الـراس إمخلينه إو ما راعو حرمة هادينه
* * *
ظل حسين مطروح إو بني عدنان وأخبرك بالحرم من عگب عز إلچان
لا ظل حمه لا ظل خدر لا صيوان
إوبحبـال الكوفه إمچتفيها للشام إميسره إموديها
* * *
شكوى طفلة الحسين من ظلم ألأمويين

« حدي»

يبست إدينه إمن العصي يا زجر ما عندك رحم
وإحنه يتامه إبلا ولي يا زجر ما عند رحم
* * *
يا زجـر شن هذا الظلم يبست إدينه إمن الضرب
كلسا تروعنه إبچتل ثولنه منشوف الدرب
وإجسوم أهلنه إبكربله ظلت عله وجه الترب
يا زجـر ويانه إبرفج لتروع إگلوب الحرم
* * *
يا زجر لو راعي العلم حاضر إوبيده صارمه
ما چنت تگدر يا زجر تضرب ودايع فاطمه
يا زجر تدري چم متن بالخيزران إموسمه
والخيزران إعلـه المتن يمضي مثل مضي السهم
* * *


المنظورات الحسينية ـ 4 446


يا زجر ولاك الدهر واليولي لا بد ما يعف
وإشكثر گلبك يا زجـر قاسي ولا جورك يخف
وإحنه يتامه كربله وإشبيك ضيعت العرف
وأمنه الزچيه فاطمه إو جدنه النبي سيد ألأمم
* * *
فوگ السبي إو فـوگ اليتم يا زجر ولاك الدهر
أيتام وإبديرة غرب وإشمر علينه إبهالسفر
من المشي متفرگسه رجلينه وإعمانه السفر
وإجـدامنه متحرجه إو ما يحمل الشوك الجدم
* * *
يا زجر إنته تستچن وإعيونك إتنام إبرغد
وإحنه عمينه إمن السهر گلي إشتراوينه بعد
يا زجر گلبك يبتشر وإشچم طفل گلبه إنمرد
يا زجر هذي راحتك خلت بالگلوب الولم
* * *

(تمت)
المنظورات الحسينية ـ 4 447


(5)
ألأبوذيات
سكينه بنت الحسين عليهما السلام
صبر سكنه إعله صبر أيوب يرهه إو عن جسم الحسين الشمر يرهه
إو مثل زينب إشلون إيزيد يرهه يسيره إمچتفه إبحبل الرزيه
* * *
لا تسمها جـذب البرى أوَ تدري ربة الخدر ما لبرى والنسوع
* * *
مباراته :
براجع من العصمه خلعنها ولاچن چتل راحت خله عنها
إلبره ويه نسوعه خله عنها إربات إخدور ما تحمل أذيه
* * *
من لهذه ألأيتام
روحي ما تمل الصبر ملها وچبدتي إبنار سهم الطفل ملها
حرم وأطفال عندي ودار ملها وأهلها إتذبحت بالغاضريه
* * *
رعيت لكم أيتامكم
تلوج الـروح من شدة ولمها إو بعد ميحصل وياكم ولمهه
أتم أرعه إبيتاماكم ولمها وكف عنها الضرب وأشگف بديه
* * *
ماذا أقول إذا إلتقيت بشامت ؟
يبن أمي إلعليك الچبد ينسال إو دمع العين مثل إدمـاك ينسال
من مثلك عليه يحسين ينسال شگول إعله الترب عفته رميه
* * *

(تمت بعون ألله تعالى)

(طباعة عبدألله الحاج بدري الكربلائي)



السابق السابق الفهرس