خويه هاي أُمك الزهره إبعين فاجعتك شفتها إتواصل إجروح إلبچبدك وأنه إبدمعي خيطتها
* * * هذا أول طشت سحبت روح زينب ساحباته إوبعد ثاني طشت صك إعيونها إبسهم الشماته بالطشت راس الحسين إو عالفواطم نايباته
* * *
إو طاحن إچفوف الكفاله إو طاح عالشاطي لواها إو سهم إلتفرّس إبعينه صكها بالعين إو عماها
* * * (تمت)
«شيعتي»
* * * إشلون صيحة حزن صاحت من گلب مجمور لاهب زينب الكبره تراني هَيه يا حادي الرچايب بالظعن سانف يحادي وإنزل إبدار النوايب
* * * من طحت دون الشريعه إو طاح من چفك لوانه هجمة الخيل أدهشتنه حرم والعسكر ولانه والمخيم نار وجت والنهب صار إبحمانه
* * *
لو چنت يا گمر هاشم عدل ما تنهان زينب عن يتاماكم تشاجف والسياط إعليها تلعب
* * * أرد أسولفلك وأخاف ألچم إصواب إلماذي عيننك صحت بأرض الكوفه صيحه يا چفيل الظعن وينك گوم شوف إمخدراتك وإنظر إلحالة بنينك
* * * هالله هالله إشلون ساعة خطر مرت عاليساره إو گلبي خايف عالعليل إو أبد ما ياخذ قراره من سمع من گال زينب توگف إبقصر ألإماره
* * *
أذكر أيامك إو گلبي جمر يتلاهب حنينه والعيال إتصيح وين العلم والعباس وينه
* * * والسبي گابل الشام إو گابل إسهام الشماته كثر بعيالك رميها إو ما گصر عن ما ضياته والخطرعم إو عليلك صرنه نتخاطر حياته
* * * (تمت)
«شيعتي»
* * * ساعد ألله گلب زينب أربع إجروح إشيلمها إجروح مدميه إوثجيله إو تلهب إبجمرة سگمها لو من الزهره صبرها بالصبر زادت عله أمها
* * * هاك إخذ عن گلب زينب خبر وإتحمل مراره إو شوف گلب الحره زينب ليش ما ياخذ قراره إنجرح من ضلع التكسر جرح ما لإدواه چاره
* * * ما تگلي گلب زينب ليش حسراته ثجيله جرح من سيف إبن ملجم أثر إبگلب العقيله جرح ما ينشف نزيفه والگلب مينام ليله
* * * إشلون جرحين إبگلبها والگلب صابر ميجزع إو بعد أخبرك جرح ثالث صابها إبيوم الموادع حين شافت چبد أخوها الحسن بالسم إيتگطع
* * *
إو زينب إتشد إو تضمد وإبدواهن مستحيره لاچن إمخدره إبخدر إلما إبهالعالم نظيره
* * * طابن إجروح الثلاثه إو بعد جرح الغاضريه ما برح عن گلب زينب حتى وسدها المنيه إو خزن إبگلب المصيبه والمصيبه العالميه
* * * (تمت)
«شيعتي»
چني إبزينب عله التل واجفه إو تسچب العبره إو عله راس الحزن شبچت يالعلي وألله العشره إوبإنكسارالگلب صاحت يهالنايم عله الغبره
چني أسمع گمر هاشم من عله الشاطي ينادي يختي كفي العتب يختي والعتب مرد أفادي وجر النار إبدليلي إي وحگ جدچ الهادي
إصواب إلبگلبچ ضهدني مثل عامود المنيه لا عضد لا شوف عندي والعتب يصعب عليه لون عندي إچفوف يختي چنت أحامي الفاطميه
لون أدري الماي هيچي عمله يعمل بالفواطم نصبر إعله العطش چنه وبس وجودك يظل سالم هاي أسرار وإراده إتنفذت يا گمر هاشم
چني بالعباس ناده إهنا يزينب يا غريبه حرگ المخيم حرگني إو وجر إبگلبي لهيبه مثل ما وجر إبگلبچ جمر نيارن المصيبه
نادته إتهنه إبمنامك لسر گلبك وأگر عينك وألله لحميلك خواتك وأحفظ بعيني بنينك لاچن إلگطعت گلبي شفرة الگطعت يمينك
(تمت)
«شيعتي»
* * * من إجاني المهر خالي صابني إو صوّب دليلي يصهل إينادي الظليمه إو من صهيله إنهدم حيلي إو سهرت إعله الحرم عيني إو ما نمت يحسين ليلي
* * * آه وإلآه إشيضمد يا جرح بجروح گلبي مسهره وأرعه اليتامه إو عالعليل إعيوني تربي وأصبحت يحسين ولهه إو لا أوچد بعد دربي
* * *
زين العباد إمن اشوفه إيلوج من ثگل السلاسل إو تحفر الجامعه إبجيده إو گلبه يتواگد مشاعل
* * * هاك إخذ من بعض عتبي خوفي المعاتب يضهدك إو وليّة الشمّات وليّه والخبر يحسين عندك طبة الكوفه إمردتني مثل سهم المرد چبدك
* * * إنصبت يحسين إبمصايب والأشد وأعظم عليه سهم من الكوفه صكني أمضه من الغاضريه توگف إبديوان زينب ؟ من سمع يهل الحميه
* * *
وإطلعت مصيوبه منها وإگطعت للشام دربه إو عالرمح راسك إگبالي شايله إلميخاف ربه
* * * هالله هالله إشلون حاله بيها للمجلس دخلته إيزيد نوبه إيصد علينه إويصد نوبه إلروس أهلنه وإنعشت روحه الشماته إو گام بالخمره إيتهنه
* * * (تمت)
«شيعتي» أصل الوفه من الشرف والصبر فرعه
* * * شجرة الطيب إو أصلها الباري بكتابه ذكرها إنغرزت إبروضة محمد وأنمه من حيدر ثمرها إو غصن من هالشجره زينب قدس المعبود سرها
* * * عقد من جوهر الحكمه إنصاغ وجدان العقيله إنچست بثياب الجلاله إمخدره إو عاشت جليله إتخلقت بأخلاق جدها إوزهت بخلاق الجميله
* * * يالتناشدني إعله زينب هاك إخذ مني صفاها من ظهر إيمان نزلت محفظ العصمه حواها إنولدت إبيت الرساله وإبحجر طاهر رباها
* * * فاطمه سادت نساء ألــعالم إبنص ألإراده إشتارثت دون الحواري زينب إمن أُمها العباده حوت من جدها وأبوها إو من السبطين السعاده
* * * من الشرف حالات سته إنجمعت إزينب الكبره هيبة الهادي إو منطق حيدر إو عصمة الزهره حازت إمن الحسن حلمه ونالت إمن حسين صبره
* * * عن نزل زينب يناشد حده بسيوف الگرايب إو زور دون النزل چانت شابچه إرماح الغوالب صدگ عگب النزل هذا زينب إتمسّي إبخرايب
* * * زيبن إلچانت أميره إو هند چانت جاريتها الخادمه أضحت أميره وألأميره إميسرتها من عگب خدر المحصّن بالخرايب شاهدتها
* * *
عن وطنهم هند سألت گالت إلها إمن المدينه گالت إلها إلمدن كثره إو ردت إعليها الحزينه من مدينة نبي الرحمه إومن بني هاشم العينه
* * * (تمت)
|
