«هجري» يامن إبدنياك غافل عن حديث الغاشيهأظن ما قاري القرآن وتعلم ما هيه * * * يها الجابع بالمعاصي ونايم إبوادي الظلال ومتخذ هزوه حديث الغاشيه ويوم الأهوال إالوعد وياك يوم البيه يعرضون ألأعمال الغاشيه تلگاها حدّام إبنارٍ حاميه * * * لو كلام الحگ تچذبه إتحرِّفه عن موضعه تنتمي العاد وثمود الچذِّبو بالقارعه وبالقيامه إيصير وجهك من وجوه الخاشعه عامله ناصبه(1)تسقي (ماءَعينٍ آنيه)(2) * * * إو لو چنت عن المحارم تنهه نفس اللايمه وتعتبر محكم كتاب ألله حجّه قائمه بالمعاد إيصير وجهك من وجوه الناعمه النزلت ألآيه إبذكرها السعيها راضيه * * *
فازو إلإلهم عقيده ثابته إبعلم اليقين تدخل الجنه إبسعيها بسرم آمنين ولإبصريح ألآيه مذكور جزاء العالمين ( سلسبيلٍ ورحيقٍ وقطوفٍ دانيه)(1) * * * إهنا يهل مالك عقيده ثابته إبيوم المعاد إو مرح فوگ ألأرض ممشاك إو سعيك بالفساد إنتبه ليهلكك الريح مثل مل هلك عاد گبلك وتذكر ألآيه (هل لهم من باقيه)(2) * * * طيع للمتولي أمرك وإبأمورك راجعه لا تخالف عن كلامه إو تصم إذن السامعه إو تدعي إبدعوة الگلبك بيها فرعون إدّعه هم يصحلك موسى وتصير دعوتك واهيه * * *
لو چنت تكتال للناس إو بيك أمأمِّنه أبد لا تنقص الميزان إو تعصي بيّنه إتنذرك ألآيه الشريفه عصت گبلك (مدينَ) لا چن أخذتهم الصيحه إبليل أخذه رابيه * * * إصلح إبدنياك أمرك تنتمي للصالحين إحسن وإشكر النعمه تنتسب للشاكرين إتبشرك ألآيه على ألله ِ جزاء المحسنين جنة الفردوس ( لا تسمع فيها لاغيه)(1) * * * إبحالة ألإحضار دونك من يحضرون البنين إلهم بأول وصيتك وصّي إبنصرة الدين مثل ما وصّه الحسن أولاده أبنصرة حسين للمظلوم جاسم فداله أوجوده ويّ حسين سار إبوصية عوده باح إدماه دونه إو بذل مجهوده من حمه سوگ المنايه بذل سوم الغاليه * * *
من سگط من ظهر مهره وراسه بالطبره إنجسم وعرف چتاله إصوابه إو شبح عينه إعله الخيم وبضعيف الصوت ناده دحضر إدركني يعم عالتربان جاسم يجود إبروحه والعدوان حربه إعله حربه إتلوحه ومن الزان كثرت إبجسمه إجروحه هلّه هلّه إو بالحوافر ترض جسمه العاديه * * * وإنمرد گلب أبو اليمه من سمع جاسم يصيح آه لمن حضر يمه إو شافه عالغبره طريح إيلوج من شدة إصوابه إو عالترب دمه يسيح طاح حسين عالقاسم إو جَرْ ونّه ويناديه يالبالعرس متهنه يا عريس گبلك إبدمه إتحنه يا إبن أخوي الخلف بألله إو هاي دنيه فانيه * * * وزينب العرس إبن أخوها زينتله حوفته ( والحرم ملتمه يمها بلهفه تنطر جيّته)(1) ساعه لن حسين مجبل عالمخيم شافته بين إيديه جاسم نجيع إبدمه عالمصيوب صارت النسوه لمّه
تمسح هاي دمه وألأخرى إتشمه وإعله إبنها إتحوم رمله والظهرها حانيه * * * شبگته ونادت ذخرتك يا وليدي العازتي يولِدي ردتك وصيِّ إو تمشي خلف إجنازتي ( ما دريت)(1)إتضيع مني إبكربله يا ضيعتي يا جسّام لعمي عليك إعيوني لن حسين ينده يرمله هوني جاسم راح وأحمد تضحَّه دوني ودي إبنچ يم أخيّه أو ظلي عدهم باچيه * * * والمصيبه التجرح الروح إو تچمن بالدليل من سگط من ظهر مهره حسين ساجد للجليل عاف عبدألله أخوته وإعتنه إبدمعه يسيل للميدان يصرخ يعمي يحسين والمظلوم شافه وهمل دمع العين ناده حسين رايد يعبدألله وين ليَّه ليَّه يابن أخويه لا تصيبك داهيه * * *
والطفل طاح إعله عمه إيودعه إو يبدي الحنين ولن من الجيمان سياف إو هوه سبط ألأمين خاف عبدالله إعله عمه إو شگف عنه باليمين ما تدرون گطعت يمينه الطبره مد حسين إيده إو ضمه الصدره گام إيفيض دمَّه إو تدارك أمره وإعله صدر حسين ذبحوه الگوم الباغيه * * * (تمت)
(8)
«هجري» لايغرك هوى الدنيا تره الدنيا غاويهاتمسك ابعروة الوثقه لا تگع بالهاويه * * * لايشغفك هوى الدنيا اوياخذك بيها الغرام عبرة للحي مثلوها ولا تظن الها دوام خاف تفرش لك ردنها لاتدانيها اوتنام صيرصاحي واجفي عنها لوشفتها زاهيه * * * لاتشم وردة الدنيا لو شفتها زاهره حلوه بالظاهر تجدها والهرش دفله تره لاچن انشغ ورد رشح المصطفى سيد الوره تجد رايحته زچيه اوفرع شجرة زاچيه * * * لا تسالم يد الدنيا وابّحر غيها تفوج چم وچم سابوح گبلك لايمه املاطم الروج اتجنب الدنيا او حاذروگفة البيها تلوج طالع التاريخ واتصفح حديث الغاشيه * * *
انذرك بالغاشيه الباري وانت مشغول الفكر ملتهي ابزينة الدنيا وبحسنها مستقر لوردت بينك وبين الناس تجعل لك ستر كل وكت راقب الساعه التدري بيها آتيه * * * راقب الآتيه الساعه واصغي النفخة الصور او ميِّزابعقلك اشيجره ابحالتك يوم النشور من لهيب الحاطمه او حر الشمس مخك يفور امنين متفر الجهنم تسمع الها داويه * * * واحذر الظن بالتراق ولفت الساق بالساق وبصريح الآية ذاك اليوم للباري المساق ينجه ذاك اليوم كلمن جعل بالعروة الوثاق والذي عنها تخلف هوه ابنارٍ حاميه * * * عروة الوثقه اتعرفها وبعد ما يحوج بيان ساعة التفزع الوادم گلب صاحبها بأمان والذي ينفصل عنها خله يتبوء مكان بالسعير او من يطبها يختصر له ابزاويه * * *
حيدر الوثقه او تخبرك عنه سورة ( هل أتى ) وآية التبليغ تشهد والغدير ابيعته التگف بالميعاد عريه اگلوبها من اولايته بالسلاسل يسلكوها وبجهنم جاثيه * * * ابتهج واشرح دليلك يامن الحيدر لزيم امضه من البرق تمضي اعله الصراط المستقيم وبأثر نورابو اليمه تطب جنات النعيم يبشرك التنزيل بيها اتعيش عيشه راضيه * * * يالتموت اعله الولايه اتوثق او صير ابيقين اتفوز باثمار النعيم اوتشرب ابماي المعين لو رويت احشاك اريدك تذكر اطفال الحسين والعباس راعي الوفه لا تنساه دون الماي گطعوا يساره او يمناه والعامود طرهامته اوسال ادماه انصاب جوده او فاض مايه او بگت سكنه ضاميه * * * طاح ابو فاضل ولاچن سور العيال انهدم وابو اليمه ايلوج گلبه او واجف ابحد الخيم لعد عباس ايتربه وساعه لن طاح العلم والمظلوم احنى العضيده اضلوعه
عالوجنات سالت لخوه ادموعه صاح ابصوت من چبدته إلمفجوعه ابمهجتي يانور عيني اسهام فگدك ماضيه * * * ضعف حال حسين ياوسفتي وگلَّت حيلته للمعاره انعطف محني ومن توسط صحبته واحد واحد دعاها ولا مجيب الدعوته آنه حسين ياصحبتي وتنسوني مفرد بين سبعين الف عفتوني اندب وين صحبتي وما تحيوني ياكرام الحگ معاكم عارضتكم داهيه * * * وانعطف لجسوم هاشم صاح والعبره اتهلي يخوتي ويولاد عمي ويابنيني وياهلي ياعزيز الحسن جاسم ياوليدي ياعلي ياشبان فوگ الثره اشها لنومه اجسوم اشبول هاشم عمامه وگومه عالتربان ماجت اتريد الگومه ناده يصحابي تهنَّوا بالجنان العاليه * * *
ودع أصحابه ضحايه وسدّر الشاطي الفرات ناده ياعباس عگبك بعد شتفيد الحياة اعيون أُميه اليوم نامت والفواطم ساهرات حال حسين ريتك يشيعي اتشوفه لمن طاح دون الگطيعه اچفوفه للمعبود يبديله جور الكوفه ويشم عباس ابوريده والمدامع جاريه * * * ماتناشدني اشيگله چان ودموعه تسيل يعباس اشلون بصرك بالحرم واگرب الليل من يحامي خدر زينب وانت عالغبره چتيل وآنه حسين ساعه وتجدني مذبوح وعالتربان مثلك يخويه مطروح ومثل ادماك دمي من جروحي ايفوح الخلف بالله ياعضيدي وهاي دنيا فانيه * * * (تمت)
(9)
«هجري» يا من إبدنياك شاغل نفسك إبطول ألأملأظن غافل ما دريت الگبر صندوگ العمل * * * يامن إبدرب المعاصي تهت وأنفقت العمر منشغف بهواك سكران وجاثم بالسُكر إنتبه لا ينبطش بيك وينحط ألأمر إتصير للمخلوگ عبره وينضرب بيك المثل * * * لو حضرت الشر تجنب لا تنبشه الشر يمس أبد لا تطغه إعله جنسك إو عله راسك تِنِّكس لا تجر نار الگرصتك وإكتسب عزّة نفس ولو تصير إبمال غيرك حاتم إيصيبك خجل * * * إكرم المتولي أمرك تصبح إنته إعليه أمير وإسأل إللي أدنه منك تبگه بين إيديه أسير إستغني عن (من ما تشاء) إتصير إله إبعصره نظير هالمعاني حكم قدره إبترجمة مير النحل * * *
بعد أوصيك إبوصيه دوك إخذ حچيي سند إبليس لو جاك إبمواعيده تره إيخون العهد(1) گلّه فوگ وحدر شفتك وإشبعت من الوعد عاهدت من گبلي آدم ليش عهدك ما كمل * * * يندم الجسمه صحيح إو والف الجَربه وگرب يبتلي أبّلواها لا شك يكتسب منها جرب مثل عند أهل الفصاحه إيمثلونه بالحطب چم وچم أخضر بسعر اليابس إبنار إشتعل * * * لا تعض زندك أبنابك يوگف إبريجك دماك وبيك من يمضي إصوابك حاير إتظل إبدواك إتصير مثل إللي عليها المثل يتعبَّر شجاك عله أحداجه الجمل لو صد ينفصخ جيد الجمل * * * والطبع لو چان مغروس بأعصاب البدن لا تظن بيه إيتغير إلّه ميلفَّه الچفن والظرف ينضح إشما بيه وبجوفه إنشحن وحنظل إيأثر الحنظل لو يعجنوه إبعسل * * *
يالتبدل الزين بالشين والغالي إبرخيص وإنته تدري إبهاي مالك من عذاب ألله محيص لاچن ألإنسان علّي يمتنع عنه حريص هالخبر واضح بيانه وبكتاب ألله نزل * * * لو چنت تعرف وتحرف تنصح وما تنِّصح تصير مثل اليمثلوهم والمثل بيهم يصح إيشيدون إقصور ضخمه ساسهن ماي وملح هاي من قلة ألإدراك ومن كثر الجهل * * * لو ردت منهج يوصلك ذروة العز والعله إنهج إبمنهاج سبط المصطفه خير المله إشلون نهضه نهض للدين إلحسين إبكربله يحسين يالماضي بيك إصوابك يحسين وألله إن ذكرت إمصابك گلبي إبنار يحترگ مثل أطنابك مثل مجره دم رضيعك دمعي عالوجنه همل * * * لو صبح يوم القيامه إو وگفت الوادم إصفوف يطب للمحشر حسين إمگطع إبحد السيوف جثته إبلا راس عاري البدن مگطوع الچفوف آنه حسين وآنه عزيز الهادي للمعبود يشچي الهظم وينادي
يارب شوف جمر العطش بفادي وأنظر الجمّال بيّه إشصنع وبحالي إشعمل * * * بين إيديه يشيل راسه ويبدي صوته إمن النحر يا إلهي أنظر جبيني إنفلع بصواب الحجر يا إلهي الخيزرانه خلّت إبشفتي أثر يا معبود وأنظر الشيبي إمخضب يا معبود وأنظر الخدي إمترب يا معبود أنظر دليلي إمصوب إمگطع إبسهم المثلث چامنه بيه العلل * * * يا إلهي أنظر الجثتي بالمواضي إمخذمه يا إلهي إبحافر الخيل إضلوعي إمهشمه يا إلهي وهذا ثوبي ناجع إبفيض الدمه يا علام وإنته إلبصير إبحالي وإللي صاب گلبي ومرد دلالي يوم البيه راحت سبايه إعيالي والجره إعليها ضهدني والجره إبحالي سهل * * * يا إلهي والفرضته علّي بالطف بي گمت عله الغبره إلك ساجد من عله غوجي طحت عهدك وياي الشفاعه وإعله عهدك واعدت آنه حسين والوعد هذا يومه
يا رب وين حگ شيعتي المظلومه چانت دوم تبچي علَيْ مهظومه إتريد حگها اليوم مني وچيف أخليها إبوجل * * * يرد من ألله جوابه يبن سيد المرسلين شافع إمشفع ومسموع كلامك يا حسين إبدمك إشريت الشفاعه وبين إيديك العالمين هاي النار بيدك وهاي الجنه يا مظلوم إطلب إشما تتمنه وإللي إعفيت عنه تره إنعف عنه والعليهم شمل غيظك غيظي من گبلك شمل * * * (تمت)
(10)
يا حسين أدريك گلبك عله المذنب ينچسر رادتي لو شلت راسك بيدك إبيوم الحشر بأُمك الزهره (أحلفك)(1)لتتشفع للشمر چي يحسين تشفعله ويحز نحرك شذنبك چان يرضخ ركبته الصدرك حتى إضلوع جنبك رضخها إبظهرك يا حسين الگص وريدك هم إله بفضلك أمل * * * (تمت)
(11)
«ميمر»
(تمت)
(12)
«ميمر»
رج ماي عصرك وإخذ صافي الوديان ما دمت حي للخرس لتصير إلسان نام إبرغد والكون كل ساعه إبشان
من الطمع لا تفتح إبوجهك باب توگع بأيراد ومصارف وحساب وللدنيه من (تجفيك)(2)لتوجه إعتاب
إنتبه لو غافل چنت عن هالراي إرگه إبعلو من ينحدر سيل الماي وأهل المثل بينولك العدله إبهاي
واجد لتصعد لو شفت صافي إهواك وعألأرض لا مرح تمشي إبممشاك لا تنغفل وتدوس جمرة دنياك
لتبيح سرك تظل للسر مكتوم ما يحصل اليكتم السر إبهاليوم وحمل الرها عن قوتك بي لتگوم
عد المهالك لا تهيم إبشرها جنَّب حِجرها وإنفطم من دُرها وإيد الذي ما تگدر إتناحرها
روضة حياتك من تطبها مسرور إخذ الثمر وإترك حياة الناطور لا تذب حبلك عالدرب يالمغرور
|
