او من سماء الغضب ينزل ثاقب او يحرج المارد هاك اخذ حرب السلاسل لو ردت ياصاح شاهد
من مثل حيدر ابهذا الدين متكرس جهوده او بات بفراش الرسول وللخطر عارض وجوده للرساله سيف حاسم وللجهل دمر جنوده
(تمت)
«شيعتي»
* * * ياعلي نشئتك حكمه واحنه بالحكمة اهتدينه واشرعت نهج الإمامه واحنه عالمنهج مشينه انفرشت احجور الولايه أوبيها عالفطره ربينه
* * * نفذت بينه العقيدة أمر مرسوم الرساله او نعترف محكم كتاب الباري قانون العداله اونور هادينه هدانا إو ماركنـّه للضلاله
* * * واحنه من فاضل الطينه الزكيه طينتكم خلقنه السابقون انتوا ابرحمته واحنه بالرحمة التحقنه او من مواهيبه وهبنه الكم اوبيكم عتقنه
* * * ساعة التصفيه الوادم للحساب ايقدموهوم اوتذكر الآيه ينادي هاتف القدره قفوهم او عن مراسيم الولاية للخلگ من يسألوهم
* * *
إثلث معاني جوهريه الباري للهادي ذخرها إلكوثر وفاطمه اوروحه إبسر لواء الحمد سرها ياعلي وانت الحظيت ابفاطمه او منك ثمرها
* * * إلك يابا الحسن وگفه عالصراط إبنَص محمد راية الإسلام بيدك والها بالميعاد مشهد إتقرب القره الباري والبعد عنه ايتبعد
* * * ياعلي ما مثل مجدك مجد بالعالم ترفع إختارك الباري الحبيبه خيره من الكون أجمع او صار ميلادك أبيته اوصار إلك بالبيت مصرع
* * * (تمت)
«شيعتي»
* * * ابسورة الأحزاب طالع واكتفي عن المصادر او شاهد اگلوب الرجال إشلون بلغت للحناجر او زاغت الأبصار ذاك اليوم من ريب المخاطر
* * * هاك اخذ ياصاح خيبر شوف منهو اللي دحرها والنحور الخيبريه منهو بالصارم نحرها من دحه الباب ابيمين القدره والخلفه شمرها
* * * حيدر ابتعميم دين المصطفى كرس جهوده اومن طغات الجاهليه حفظ بالصارم احدوده وابظلام الخطر يعلگ للنبي شمعة وجوده
* * * سيف للإسلام حاسم حيدر ابچف العداله او نشر للملّه لواها او دمر اجيوش الضلاله گطب وابدعوة محمد داير افلاك الرساله
* * *
لوچنت ياصاح ديني مستميت اعله الديانه انهج ابمنهاج حيدر وارفع الدينك كيانه واصغي المحكم كتاب الباري واتصور بيانه
* * * مرشد او مصلح علينه بالافلاك العالميه او درس روح القدس منه معرفة رب البريه انچانك ياصاح تجهل هالمعاني الجوهريه
* * * الخايف امن النار راكع ساجد ايگضي حياته والمساجد لليعادي علي ما تضمن نجاته واليصلي ابلا ولايه اتسوگه لجهنم صلاته
* * * (تمت)
«شيعتي»
* * * للبشر جاعل الباري گلب محفظ للسراير والعقل مرشد الاكبر للحواس الخمسه صاير أتميز الحق من الباطل تنتبه بيها الضماير
* * * ياعلي صورك ربك من حسن ذات الجلاله واجعلك كوكب محاسن تزهر ابأفق الرساله نورك ابعين الهدايه او نارك ابگلب الضلاله
* * * ياعلي انشغفت ابحبك بس نفوس البشريه لاوحق من بالمحبه جعل محبوبه نبيه انشغفت ارواح الديانه والمعاني العبقريه
* * * ياعلي ماي الموده من ينابيعك تفجر مشرب الاسلام صار ابآخره او دنيا يحيدر اليوم من حبك وردنه او بالحشر نشرب الكوثر
* * *
اتعلگت بيك الفراسه او ذللت واتخيلتها او عشگتك روح الشجاعه او بالحروب اتعشگتها والمعاجزوالمغانم بالمواقف عانقتها
* * * من ملك مثلك يحيدر نفس جوهر لطف ربه ابگلب كل مؤمن غرسلك غصن واثمار المحبه وحبك إبعين الموالي نور بيه ايشوف دربه
* * *
او للافلاك ابسمه الرابع صور ابصورتك صوره والملك صاعد او نازل لعد تمثالك يزوره
* * * يا علي قربك عند الباري منتوج إلعباده واصبحت قائد الدين اوثبت هالدين القياده جعل ميلادك ابيته وارزقك بيه الشهاده
* * * مؤتمن عشت ابحياتك حتى اديت الامانه طيرة الهزت اعضائك هزت اعضاء الديانه او صارم الصابك يحيدر ناجع ابسم الخيانه
* * * (تمت)
«شيعتي»
يالتحاججني او تگلي امنين هالمعنه اعرفتها احروف تاريخ المعاني لمن ابعگلي اسبرتها جوهرة ذات الرفيعه ابمحفظ أسراره شفتها
تنخفي كل الأسرار او لعد هذا السر كرامه اشلون نور الشمس يزهر ماتغطيه الغمامه نور سر حب الولايه انتشر بالعالم نظامه
نور هذا السر تجسم روح بجسوم الفصاحه او بالگلب لو ثبت اصله تفرع اورود الملاحه ينسجي امن السلسبيل البيه للظامي ارتياحه
گصر السان الجدال ابهالمعاني لا تجادل لوردت مني يجاحد بعد برهان او دلائل چالگمر حب الولايه قدره الباري منازل
حب علي نور او تجله من مصابيح الجلاله تظن تطفيه الأفواه الماتصدگ بالرساله يتم نوره الباري رغماً على اخشوم اهل الضلاله
خلي التأويل عنك خوفي الگلبك يهمه واقتدي ابحر الرياحي الماگدر للسر يضمه اتجلت ابو جهه الولايه اوباح للإسلام دمه
أرد أناشد كل موالي او خل تجاوبني ادموعه للحرب اسلم الحر او سگط بموسط اجموعه الخيل للحرليش مثل حسين ما رضّت إضلوعه ؟
أرد أناشد كل موالي خل يجاوبني حنينه مثل جثة حسين للحر هل بگت جثة رهينه ؟ او خنجر اللي گص يمين حسين چى ماگص يمينه
ارد اناشد كل موالي خل يجاوبني نحيبه ليش م اللحر تفرهد بيت واعياله ابريبه لچن بعد حسين زينب اصبحت بالطف غريبه
انصبت مثلك يالموالي إبنايبه او ما شوف دربي چني ابمجلس يزيد او عيني اعلى الطشت تربي اوهذا عود الخيزران ايگطع ابسبّاح گلبي
(تمت)
|
