«شيعتي»
طالع بتاريخ خيبر واعتبر ساعة أهواله او شوف منهو اللي يدك الحرب وايزلزل إجباله أو منهو يتراجف أبارح وأيتجفل من إخياله
مرحب ابلامات حربه اتغطرس اوطاگ اعلى راسه او جبل اصبح من حديد او رسخ بالميدان باسه گبل ميشاهد علينه گطع أمتون الفراسه
شارد ولن ابو مره عارضه ابصورة الكاهل تدري بالشيطان ساحر والسحر يغوي الغافل صاح يامرحب اشمالك ترجف ابجسمك مفاصل
زاغت الأبصار من يوم الأحزاب جهجر اوبلغت اگلوب الرجال أمن الحناجر بالمخاطر او من هذاك اليوم أمضه او اشد يوم ايهود خيبر
رد نزل للحومه مرحب منذهل حاير ابأمره عالبعد يزبد او يرعد ضايگ امن الخوف صدره اشما يذب گلبه أعله صدره يرد گلبه اوما ينحره
كبر او تكبيره يدوي صار بالأرض او سماها اوگُبل عالباب أباراده او حكم والباري اقتضاها أو لزم ملزمها ابيمينه او هزها للباب او دحاها
(تمت)
«شيعتي»
* * * لاتظل ياصاح واهم واهتدي ابضي النصاحه أخذ إرشادات حيدر وأخذ بالدارين راحه حيدر بارشاده ناجح من رسول الله نجاحه
* * * منهو ماخذ من محمد ترجمة كتب الجلاله او حمل بالإسلام مسند حادق ابنص الرساله او انفذ النصين بسم الساعد اوسيف العداله
* * * واعتبر غزوة تبوك او حكِّم الانصاف واشهد من طوه الرايات بيها او من نشر راية محمد غير فاروق الديانه البنه ابحد الدين مرصد
* * * وانشد الدار اعلى اهلها منهو خلاها ضحايه من نشر رايتها طلحه او سبعه طاحت على الرايه من علي ياخذ اصوابه گبل ما ياخذ الرايه
* * *
امن السمه ابدعوة محمد نزل قانون الأساسي نهجه روحاني او بشير او منذر او حربي او سياسي لو چنت ياصاح فني او فلسفي او علمي او دارسي
* * * وبضوه التاريخ شاهد خيبر اوعيِّن العينه من رجال الدين منهو الباح دمه او نصر دينه وانشد الرايه او تخبرك المن انطاها نبينه
* * * وصل حيدر بالفراسه احدود ما واحد وصلها او طاعته لله طاعه ما بها العالم مثلها اوصدر الباري اراده او والد حسين امتثلها
* * * او ظهرت امن الصبر آيه او خلت العالم ابريبه مثل ابن ملجم تجسر يالعلي والله اشمصيبه طبر راس الدين سيفه وأنصبغ بدماه شيبه
* * * (تمت)
«شيعتي»
ويه سير الفكر سير گلبك ابجو الموده ومن تصل دار العليها واضع الرحمان يده اهناك تلگله الگصد عند الما يخيب اللي يگصده
اهنا يهل طايح ابشده لو ردت چهف اليجيرك شاور افكار العقيدة وخل تدليك ابمجيرك التزم عروة الوثقى واعترف حيدر اميرك
حسن اعمال العقيدة لو چنت للدين ناصر كوكب النيات يزهر من مصابيح الضماير انوي الحيدر تزوره تنكتب (يالعبد)(1) زاير
زور من دارك اميرك لو منع جدمك زمانك وابَّريد النيه ارسل لايحه التضمن امانك واستلم صك الآماني وانته مرتاح ابمچانك
ابذاكرة حبك تذكر حيدر وحيدر يذكرك لونويت اتزور گبره يعتني ويزور گبرك وجه اعلى الحرم گلبك بالحرم گلبك يخبرك
احضر ابمأتم أميرك واغتنم أجر الزياره وانظر ابعين العقيده وشوف قدسية مزاره تلگه نوره الله وجلاله بالحرم ماخذ قراره
لا تگول اشلون اشاهد عالبعد دار المچارم اخذ تلفزيون عگلك شوف بي كل العوالم ولاتگول اشلون بالنيات احصل هالمغانم
لو شفت ياصاح گلبك مهتدي ابنور الإمامه طاير ابجوالموده وبالولايه اشتد غرامه هذا دستور الأساسي من التكوين انتظامه
يالمحب خل جنح گلبك يخفج ابجو ابتهاله واحرم ابثوب الولايه وادخل ابيوت الرساله وشوف برهان الإمامه وشوف عنوان الجلاله
خلي مرآة العقيده اگبالك وشوف المعاني تزهر ابروضة أميرك درر من سبع المثاني لوردت برهان مني حبك ايصدق بياني
حيدر الرف ابيمينه الملّة الهادي علم ابحملته يشهد الخندق وتعترف ذات العلم اشلون بالمحراب طاح وراسه نصين انجسم زلزل سماوات العله فگد الشهم عقد الوله خل المدامع هامله وعلى امصاب الدين اصبح منفجع منه الدليل * * * والطبيب الذبح شاة وسل عرگ من ريته وحطه بصواب الأمير وگصده ينظر حالته ومن عگب ساعه اظهره وناده يمعنه هل أته أدنت يحيدر ساعتك حالت امفارج حالتك ابدي يعزنه اوصيتك السم لعد مخ البراسك وصل يالمالك مثيل * * *
ودع اسراره الإمامه للحسن عقدالوله وگام يبديله الوصيه والمدامع هامله وثگب حن الفاطميين اونحيب العائله وگلب ابو السجاد انفجع ابهذا الخبر لمن سمع گام وعلى عوده وگع ولاحت اعلوم المفارج يبن محبوب وخليل * * * (تمت)
«شيعتي»
* * * فترة من الرسل مرت لامتحان البشريه لا رسول إو لا رساله إتنور أفكار البريه إتسمم الوادم فكرها وأركنت للجاهليه
* * * يا علي اودين الحنيف الأسسه إبراهيم مصدر للمعابد والعباده والجلال الله منظر لون ما ينطوي ازمامه ابچفك او سيفك يحيدر
* * * ياعلي راية محمد عشگتك واتعشگتها اوخضت بيها احروب جمه او عالحرايب دربتها والها يو ابفتح مكه من على الكعبه انشرتها
* * * ياعلي ابروح الفراسه جسمك الحربي ترعرع باشط إبضربة الصارم ماهر ابفن المصارع سجلت تاريخ بسمك لعد ( عمر بن ود ) مصرع
* * * ياعلي ومن شطر مرحب سيفك الماضيه اشفاره نفذت دعوة محمد وأخذ هالدين انتصاره إنهار عرش الخيبرية وقلعة الباب انهياره
* * * مبدأ الإسلام بيك انتصر واترتب نظامه ومثل مانفذت حكمه جنودك اتنفذ احكامه واعلى خط النار حتى النصر ناوين الإقامه
* * *
ياعلي واشرعت منهج حربي واتقدس مقامه وقادة الإسلام درست نهجك إو نشرت أعلامه واخذ چاس النصر جيش اعراگنا او حامل وسامه
* * * (تمت)
|
