«شيعتي»
فرض عالمسلم يوحّد ربه ويقدّس جلاله ويعترف بألله عادل وإيتمسك بالعداله يهتدي إبنور الولايه وبيها تتحسن إعماله
والعدل ثاني فريضه ومن صفات الباري آيه إعترف بألله عادل بألأحكام إعله البرايه وإعترافك بالعداله ما يفيد إبلا ولايه
ومن أُصول الخمسه رابع فرض بالدين ونظامه فرض باري الكون عالمخلوق دستور ألإمامه مبدأ الدستور عقد الوله وبالمهدي ختامه
ومن أُصول الدين خامس فرض ميعاد القيامه صدگ إبيوم المعاد وبالعمل إحمل وسامه وألأعمال إبلا ولايه صفر عند أهل الكرامه
وبالصلا والصوم إفلح خمِّس وأدّي زكاتك وإخذ هالأربع فروع من الأصول إبواجباتك ونورهن حب الولايه وبالولايه إمنوراتك
وصا رحج البيت خامس فرع بشراف ألإطاعه والجهاد إيصير سادس فرع بي عزه إو مناعه وأمر بالمعروف سابع بيه للمصلح بضاعه
والولايه فرع تاسع طوگ وبجيدك قبوله وبالولايه الدين يكمل وجمعت إفروعه وأصوله والبراءه فرع عاشر صار بامر ألله ورسوله
هاي أصول الخمسه عندك وإحفظ الدينك أمانه ومن الخمسه إفروع عشره إتولدت لهل الديانه إمحصنه إبحصن الولايه وبيها للخايف أمانه
هاي أصول الدين وفروع اليلازمها تريده يقتدي إبوالد اليمّه المالوه عالضيم جيده ومن توجه عله القبله ومعرض الحزت وريده
إشلون حاله الوگف بيها حسين لايج بالمعاره إيشوف كلسا چبد منّه إيطيح والدم إيتجاره يعتني ويشيل جسمه والگلب تلتهب ناره
ما بگه لحسين ناصر غير طفل الچان يفغر إمن العطش يبسن إشفافه وإنچبد لونه وتغير وإذبلت وردة حياته وذاب دلاله وتفطر
إتگابلت زينب وأخوها للرضيع إتريد چاره والگلوب إتهيج نار وجمر يتجادح شراره والطفل دمعه إيتفايض من دليله ومن أثماره
(تمت)
«شيعتي»
يالذي إتريد السعاده ومن عذاب ألله كفاله إخذ من حيدر شهاده إبضمن قانون العداله إوبيها رسمك يطبعونه إبمطبعة ذات الجلاله
إتجنس بحب الولايه وإخذ من حيدر شهاده وإعتقد بألله ورسوله وإعترفله بالقياده وإنهج إبنهج البلاغه العله القرآن إستناده
أخذت الوادم أصول الدين وإفروع الديانه من أميرك يالأميرك ركز الدينك كيانه فلسفي وعلمي وإداري للوحي ترجم بيانه
والنجاح إبهالشهاده لو علي إبمهره ختمها إمصدقه إبحبك وحبك صورته إبگلبك رسمها إنچان رادو رسم منك تدري شتأدي رسمها
والحمل هاي الشهاده كون إله فكره قويه يهتدي إبنور الولايه للأمور السرمديه ويكشف آثار حيدر بالصناعه العالميه
حيدر بأفق الفصاحه گمر يتشعشع أنواره إنشد ألإيمان عنه وإكتشف غامض أسراره هيكله قدسي إو وجوده نور من نور إبتداره
حزت من حيدر شهاده إو بيها عنوانك تمجد وإحملت جنسيه تزهي إبنور ريحانة محمد إو سجلو إسمك حسيني إو خدمتك لحسين تشهد
(تمت)
«شيعتي» ياحيدر إمن التكوين سجلوا بسمك رايهوبسمك سرت بالإسلام عالقبلة الرسميه * * * والقلم باللوح سجل حكمه وللباري اقتضاها واغرس ابگلبك شجاعة زلزل العالم صداها وراية الملّ ابيمينك تنشر من مبتداها
ماغير يمناك الملك بالإيمان قوة اللاهوتيه * * * ياعلي بسمك الرايه علت للذروه العليه نسخت آيات الزمان او طوت رايات البريه وسالمت چف التهدم بيه عرش الجاهليه
ورفت بجو اليعترف بالتوحيد بالسلطنه الدينيه * * *
شلون رايه اتسلمتها ايدك من ايد الرساله ونور ايمانك چساها بنور عنوان الجلاله والفت سيفك وسيفك عمد ميزان العداله
لو چانت ابچف الحمل ثگل الكون من اوله وتاليه * * * خضت بالتاريخ أدور رايه ما تعلاها رايه شاهدت راية محمد بيد فاروق الولايه تصعد اجبال الحياة وتنزل ابحور المنايه
حاملها رب الهندسه والتخطيط بالقاعده الحربيه * * * اجمعت فاكرتي وحواسي الخمس واتطلّب معاني شاهدت هالرايه بيها ايلوح سر سبع المثاني شهد بالرايه شعوري واعترف گلبي ولساني
والرايه لو بالكونين تتشرف وتتقدس حاملها يچسيها المجد والتقديس من ذاته القدسيه * * * طرت بجناح العقيده وجلت بالأكوان جوله شاهدت رايه وعليها هيبة الباري ورسوله حامله الدين ونظامه وتنشر افروعه واصوله
سيفك يخبط الها الحرب ويصفيه والرايتك صافيه * * * قدمت ايمان گلبي وفكرتي واسع مداها شفت للإسلام رايه ونايمه الأمه بذراها ساعد القدرة حملها وعين كل حاسد عماها
تحمل نياشين النصر والتاريخ يتمجد ابماضيه * * * هاك اخذ گرة اعيونك يالمحب واسمع اخباره زود رايتنه ابعلينه وللحرب دارت مداره رايته تشهد ابفضله ثاني شاهد ذو الفقاره
والصافي دره ينشرح صدره النور من حيدر وطاريه * * * يوم شفت الرايه منها النور بالكون ايتبادر ويوم شفت الرايه تربي اعيونها المحراب حيدر صابها سيف ابن ملجم والدمه من اصوابه فجر
ومن عگب عينك ياعلي بيوم الضيج منهو ايتوزم بيه * * * ومثل هاي الرايه رايه شاهدت بالغاضريه اتصيح ياعباس مثلك رايتك ظلت رميه صابني سهم البعينك والعمود الگطع بيه
وچني عگب عينك رحت للشامات ويه الحرم مسبيه * * *
چني بالعباس دون المشرعه جسمه ايتگلب ايصيح بالرايه إعله هونچ لاتكثرين المعاتب ومن عگب عيناي حالچ خل يواسي حال زينب
وخلها تخضب بالوفه والمعروف تحزن على راعيه * * * (تمت)
«شيعتي»
* * * لو ردت يا صاح تعرف دينك ومعنه الديانه إنهج إبمنهج أميرك وإلتزم عروة بيانه وحافظ إبإيمان گلبك مثل حفظك بألأمانه
* * * كوكب ألإيمان نوره إبجبهة المؤمن علامه إو مالك ألإيمان أول مالك إبعرش ألإمامه حيدر إو رشّحه الباري إو شد رسول ألله وسامه
* * * نور إيمانك إبصدرك مشعل أنوار الوراعه بالورع تكتسب روح الفلسفه وعلم الصناعه طالع إبنهج البلاغه وإصغي سمعك لإستماعه
* * * إبناظر ألإيمان شخّص علي وعلوية كماله گبل تكوين العوالم صاغت القدره جماله حادق إبعرش الجليل ويزهر إبنور الجلاله
* * *
مركز ألإمان حيدر بي شهد سيد البريه ومن لطف حيدر توزع نور للمؤمن هديه إهنا يهل گلبك تنور بألأشعه العبقريه
* * * نور إسلامك تجله ونور ألإسلام عينك وصرت بعمالك بصير ونور إيمانك يعينك وغارست حب الولايه غرست إبگلبك يقينك
* * * روح للإيمان نشات حيث دين ألله ورسوله إبكربله أنصار أبو اليمه نشرت إفروعه وأصوله هذا إيمان الحقيقي إو ذاك من ذاك الينوله
* * * شوف إيمان ألاعيال للنصر دين ألله وحبيبه إشلون إيمان التصده وشگف طعنات المصيبه لا حمه ولا دار عدها حرم مسبيه وغريبه
* * * (تمت)
|
