او قايس اركان الديانه كل ركن حيدر أساسه وشوف ضرب السيف إلمن وإلمن افنون الفراسه
وحد المعبود سيف المرتضى او أيد حبيبه يحضر الشده او يحلها ولعد كل داعي مجيبه ماسمع زينب تنادي ياعلي زينب غريبه
وانتخه الزينب ابوها الكربلا ابليل اعتناها شافها اتلم باليتامه وللغري اتوجه نداها صدت اوشافت سواده صاحت او كبر بچاها
سمعته او رفرف گلبها او صاحت اوحنت اوونت ردتك اتشاهد بناتك من عليها الخيل هجمت والصواوين اعلى روس الحرم بالنيران وجت
بويه ردتك گبل ساعه اتحضر بموسط العسكر تشل جرح الضهد جاسم تشد طبرات البالاكبر اتعين الحسين اعلى أخيه عالنهر مثله اتخوصر
(تمت)
«هجري»
إبشارع ألإسلام والد يهوى حيدر چان إلي وأمي من ثدي الموده رضعت إبحب الولي إو صرت من أمي وأبويه إو صار ورثي حب علي
شعر جسمي إبهالشهاده إو مني كل مفصل شهد من هلي تغذيت بيها إو صارت إبريجي شهد گبل ما تولدني أمي إو گبل ما صير إبمهد
أحمد الباري الجعل لي (إبحب علي) قسمه ونصيب إو لعد داعي الحق دعاني إو صرت أنه إلصوته مجيب گبل ما تنمزج روحي إبجسمي وأتغذه إبحليب
إبجسمي من ثبتت قواي إو بالحياة إترعرعت إلزمت أصل إوفرع ديني إو بالكتاب إتوثقت وإعرفت حيدر (أميري) حين بالرب آمنت
إو من ثبت إيمان گلبي إو رسَّخ إبذهني اليقين إشهدت بالمعبود ربي إو صدقت طاها ألأمين إو سجلو إسمي وصفاتي العله إمتوني كاتبين
إو من دبه إعله الگاع جدمي إو عدل سرت إعله الصعيد إو كمل إرشادي وعرفت إللي يضرني إمن إليفيد شاهدت آية التبليغ إبقرآن المجيد
من صفه العيش إبحياتي إبحب علي سالم عشت إو من رماني الدهر مكسور إو بالشده طحت صحت ( يا بالغوث أغثني) يا علي أدركني إنجحت
إو من تدانتني المنايه إو للرحيل إتهيأت چني ميت عالولايه إو بالثلاثه إتشاهدت إو عالمناكب چني محمول إو بالحفره إنزلت
شاهدت ليلة الوحده إو من سنه الفكره فقت صرت أحسّب بالمعاد إو چني بالمحشر صرت إو چني إبسلسله سبعين إذراع إتگيدت
(تمت)
«شيعتي»
* * * يا علي ورب البريه إختاركم من عالم الذر إو جعل هذا الكون بيكم كائنه وإلكم تصور وإنتو أقطاب ألأفلاك السبعه وألأفلاك تفتر
* * * يا علي إلكم الباري صاغ تيجان السياده من سنائه ومن بهائه نوركم نور بلاده (وإصطفاكم وإبولاكم طوّگ الباري عباده)(2)
* * * أو سلطنت هالدين بيها إعترفت أديان العوالم الملوكيه المحمد وإنته بالأسرار عالم وإنبنه عرش الديانه إبعزمك إو شفرة الصارم
* * * يا علي المعبود فضل حبكم إو سدر قراره لليواليكم منازل جنته وتحريم ناره وإحنه من روضة ولاكم هالفضل نچسب أثماره
* * *
منح باري الكون خلقه من المبدأ للنهايه أنبياء وأُل ألعزم وعيّن أرباب الوصايه إشما سدر مرسوم منها إمرشح إبنور الولايه
* * * يلي للتوحيد صارم حاسم إبچف العداله وإنشرت دعوة محمد رغما إعله أهل الضلاله إو ترجمة محكم كتاب الباري بلفاظ الرساله
* * * (تمت)
«شيعتي»
(تمت)
«شيعتي»
يا علي إختارك الباري إبعلمه وإبغامض أسراره إوصورك من نور ذاته إو بهجتك بهجة أنواره إو صاغ إلك من لطف ذاته نفس بأحكام إقتداره
يا علي إستصفاك ربك صفوه من عطفه إو وداده وإنته قنديل ألأحكام اليزهر إبأفق السعاده وإنته بالسته الجهات إموكل إبنص الإراده
يا علي هيكلك قدسي إو جوهرة تقديس ذاتك إمن الخلگ غير إبن عمك ما تسلم درجاتك وإبمغيب الشمس لمّن ردت لا تقضي صلاتك
يا علي إبمصباح مدحك نور فاكرتي وشعوري لو سره إبفضلك لساني علي تتساهل أموري وآنه أقرلك بالولايه گبل ما قر إبنشوري
يا علي نشأتك حجه إعله الخلگ من مبتداها والتخوض إبّحر علمك روج طوفانك علاها إو ظافرت علم اليضدك غيض ألإبگلبه عماها
يا علي ألإيمان سيفك بالضماير غرز عوده إو زهت للإسلام روضه وأثمرت روضة سعوده والثمر يوم الغدير إنعقدت إبإسمك عهوده
يا علي إثلثميت آيه إتصرح إبفضلك وتشهد إو آية التبليغ نزلت بيها إنذار المحمد وأعلن إبخطبته الهادي إو صار إلك بالخطبه مشهد
يمن هذا الفضل فضلك نكرته أنذال العرب مثل ما للبضعه نكرو فدك والحگ إنغصب يوم هجمو عله الباب إو وجّرو نار الحطب
(تمت)
«هجري»
يالثبت عندك الإيمان علي زوج البتول الساع أبين لك الغزوه إصغي وسمعني اشأقول بث ابوسفيان دعوة باطلة ضد الرسول
* * * والكتايب عالمدينه من غدت متكاثره اتحاصرت واعيون أهلها من الفزع متطايره او كل فرد تذكر الآيه بلغ گلبه الحنجره * * *
* * * العامري طفح المهلوب اوللخندق عبر راغت الشجعان عنه او گلطت سيد البشر يرتجز عمرو او يجول او ظنه بالهادي ظفر
* * * والنبي ناده منو العمرو او عله الباري جزاه مانهض من غير حامي الدين گال آنه كفاه حتى ناداها ابثلاثه او بس ( علي ) حيا نداه
بس حيدر الذل يَليَل او سطوات فرسانه * * * والنبي ناده يحيدر اخذ من هذا الحذر هذا ( عمرو بن ود ) إلفارس او حربه خطر گله وآنه ( علي الكرار ) وابن سيد مضر
* * * العامري من شافه ناده منهو للحرمه انتدب ناده ابن سيد الأبطاح او صهر المنتخب صاح بخ بخ يكفيك يحيدر هالنسب
* * * ابن عمك ما رعاك او ليه دزك تنچتل ابهذا رمحي لو خطفتك لنته ميت اولا عدل جاوبه كف هالمحاچي انچانك گول اوفعل
|
