* * * للإسلام اخفض اجناحك گله ابدي ثاني راي گله إخد جيشك او سدر صاح أتعير ابهاي انت فارس وآنه راجل حوِّل اتصارع اوياي
* * * اتشابچوا واتضغبر الكون او صار إلهم رعيد وگفت الصوبين تتفرج او للغايه تريد ساعه لن اتشوف ( ابو الحسنين ) مجبل من بعيد
* * *
يا ولد عم ابن عمه مثل صاحب ( هل أتى ) لو گلت مسلم للحسين فداله ابرگبته گابل الكوفه واهلها اغدرت بيه او خانته
* * * من سگط بالبير حال العسكر اعليه او ولاه بچت عينه اولبو اليمه حسين ابن عمه بچاه اضربه الأشعث عالمحاسن طبره والثغره براه
* * * من دخل گصر الإماره والعطش ذوب احشاه راد شربة ماي مسلم يطفي گلبه من ضماه إسگطت بالكاس الثنايه يحرم الماي ابدماه
* * * فوگ عالي الگصر صعدوه او جلاده معاه ناده دمهلني يجلاد ركعتين الصلاه ما تمهل ضرب راسه ابسيف لاچن من گفاه
* * * ماهظمني چتل مسلم مثل هظمة غربته صدگ هاني انچتل وياه اوسحبوا جثته طلعت الهاني عشيره خذت جسمه او دفنته
* * * اوظلت المسلم يتيمه امودعه عند الحسين اومن دره ابچتله حضنها او هاج گلبه بالحنين واليتيمه ابچتل ابوها حست او فاضت العين
* * * سلم الطفله بديها والمدامع هامله يختي هاي أول يتيمه من يتامه كربله او هاي بت أول شهيد او وصي بيها العايله
* * * (تمت)
«هجري»
* * * مثل نوح الصنع فلكه ابعين من رب البشر اوسار بالطوفان فلكه او نجه امته امن الخطر المصطفى ابناظر الباري رايه للمله نشر
* * * او آية إبراهيم تطفي النار بسرار الجليل والنبي آيته الرايه او بيها تأييد الخليل والحفظ آية محمد حيدر اليحمي الدخيل
* * * او آية الظهرت الموسى امن العصا اتشوش الفكر امأيدة ابآية الهادي او سجدت الها أهل السحر او آية الهادي حفظها الفتح جبهات النصر
* * * نشر هاي الرايه ساعد فتح من خيبر البوب او سجدت الها الرايه بالسيف جماجم بالحروب اومن ترف هالرايه تكشف عن الإسلام الكروب
* * *
جوهرة زينة العالم بالإراده امصوره تزهر ابتاج الولايه او بالولايه امنوره يالتريد اتشاهد التاج او ذيچ الجوهره
* * * يالشفت زينة العالم واعرفت بيمن ينور ابناظر الإيمان بالكون تبصر بالأمور تشوف سبع أفلاك باري الكون جاعلها تدور
* * *
لو گلت بيمن تسامه الغري او شامخ بالصفات والغري زوده ابأميره الدار رحه الكائنات من قبل ذات الجلاله اموكل ابست الجهات
* * * (تمت)
«هجري»
اتحير ابهالدين فكري اوهمت بفچوج الأهوال وانظمت شعر الخيالي اشما يوسع لي المجال لا تعارضني او تجادل قصر إلسان الجدال
أسس إبراهيم دينه من بنه بيت الجليل وارصده ابسر الولايه اوصار إله حيدر دليل او من هذاك اليوم لليوم ثبت دين الخليل
فكري من عگب الخليل اكتشف غايات الفنون شاهدت موسى او عصاته ( تلتقف ما يأفكون ) او من غصت بحر الحقيقه شفت كل شده تهون
للبريه اوجعل من صور الكون
اومن عگب موسى لعد هالدين زم (عيسى ) لواه يخلق امن الطين طير او لو نده ميت حياه استكشفت برج الحقايق شفت تأييده اوحماه
كل نبي اختصت له آيه او أيده ابماضي الزمان لون ياجاهل تردني ابجهلك او صفق اللسان دوك جبرائيل إنشده اوشوف حيدر وين چان
الباري من كونه الجبريل عرض له ابها الخطاب منهو آنه او منهو انته ؟ او نورمن خلف الحجاب؟ اتلجلج إلسان الأمين او ماعرف رب الأرباب
يالتحاجج لو تگلي هذا برهانك بعيد وين جبرائيل أشوفه او من دليلك أستفيد ثبت ابگلبك الإيمان تشوف اشما تريد
من سطع نور الولايه ابگلبي واكشف لي الستار عگب عيسى الدين شفته لبس تاج الانتصار ابساعده سيف الجلاله او مدرع ابدرع الوقار
گام هذا السيف ينهي او يأمر ابشفرة السيف او ينتقم امن الأديان الخارجه او ياخذ الحيف گتله هذا الدين بيمن شامخ او بيمن يخيف ؟
نجح هذا الدين وارتاح ببو الزهره البتول اوگامت اخيول الفراسه دون صيوانه تجول او حدر اكليل الجلاله المالگاها ابكل رسول
عهدي او بالدين مصيوب او يتطلب دواه ساعه لن الدين شفته بالنصر واسع مداه گتله ياهالدين منهو اصواب البگلبك براه ؟
گتله ياهالدين أشوفك تنفجع من الأخضاب لوشفت عريس تبچي أظن فاجد لك شباب صاح ماتدري ابيتيم الحسن حط بيه اصواب
گتله ياهالدين أشوف ابرگبتك نابت سهم صاح هذا السهم بي طفل أبو السجاد انفطم اوماتشوف اشعملوا الگوم الماعدهم رحم
گتله ياهالدين أشوف ابهامتك ضربة عمود گال هذا اصواب اجاني من سگط حامل الجود اوبگت روحي مثل عباس على الشاطي تجود
صحت بالدين أشوف ابگصتك صاير أثر گال هذا صواب الحسين الصابوه ابحجر اوهذا سهم الصاب گلبه اوصار مطلاعه الظهر
(تمت)
«هجري»
تبصر بايمانه گلبي واكتشف سر الإسلام ظاهر او باطن ابيمناك شفت هذا النظام وانته مظهر للديانه اوبيك دين الله استقام
من شفت شمس الديانه مشرقه اوملها مغيب شعرت بجسمي الحواس الخمس هالمنظر عجيب ياعلي او نورك هداني اوصار إلي ابمدحك نصيب
اومن شفت بدر الديانه فلك بالعالم يدور مزهر او ماله مغيب ابساگ عرش الله ينور او غصت ببحور الحقيقه او دورت مظهر النور
من تصورت ابدليلي الدين رسمه مرتسم اتبصر ابهالمعنه عگلي اوشاهد ابناظر علم ابنور مطبعة الهدايه گلبي طبعت هالرسم
يا علي التوحيد روح إو حيه الدين إو حجته وإنته للتوحيد روح إو بيك نشأت چلمته إو كل نبي ما چان تتدين إبدينه أُمته
واعله كل مركز الإيمان ترفع مركزه مقسم اوكل ذات مؤمن حد قواها حايزه اشما يحوز الخلگ إيمان بعدها عايزه
أخذت الوادم الإيمان ابثلاثه امن الأسرار بالهدايه والإطاعه او منهم ابذات الفقار لاچن البرهان حبك فطره ياحامي الجار
طالب الإيمان شرطه ايكون إله بيك اتصال ياعلي والجحد فضلك صار إيمانه ضلال لاچن الينجح ابحبك ناجح ابكل الأعمال
ياعلي ذات الفقارك راوه الأملاك العجب بالحروب اتطايرت بيها خراطيم العرب اشلون ببنوده اتچتف وانته چشاف الكرب
حلمك الصبر دليلك من إجتك فاطمه امكدره او ساقط حملها والضلوع امهشمه نادتك آنه الوديعه وانته حماي الحمه
ياعلي ابسطواك تتحلم فراعين الدهر لون ما چان ابوصيته ايگيدك سيد البشر چان ما سحبوك مچتوف اوعالزهره انجسر
لون ما يسگط يكرار امن الزهره الحمل چان ما بالغاضريه سهم يرمون الطفل اوسهم إبّدال الماي يسجوه ابحربه امن النبل
لون ما تهجم يكرار على الباب الجموع او ينكسر ضلع الزچيه او تظل منكسره او تلوع چان ما بالغاضريه ياعلي انرضّت اضلوع
(تمت)
|
