في وداع الإمام علي عليه السلام «هجري» درات أفلاك النايبه وتزلزل الكونوتفيض العيون وتهاوت املاك السمه الحيدر يودعونه * * * چني ابعالم العلوي او بي صرخ روح الأمين ادموم راس الدين بيها اتخضبت شيبة الدين اتفصمت عروة الوثقى وانگطع حبل المتين
واشراف الأملاك گطعوا سباح الچيد جرحه يشدونه * * * دارت افلاك النوايب والحزن بالكون لاح والكدر عم الوسيعه وضاگ صدر الانشراح وفار تنور المناحه او طفح طوفان النياح
ضاع الصبر ضاع
شيصبر اگلوب المثل حيدر يضيعونه * * * من عگب ما صعد بيّه للفلك جنح الخيال وشفت من عظم الوداع اشلون متغير الحال وصبر ايماني كشف لي اشجره ابتوديع العيال
متگلي اشلون فوگ الدمه ابفيض الدمع شيبه يخضبونه * * * فاضت اجروح الگلب العالهالمصايب كاظمه مثل دم اصواب راس الفاض محرابه ابدمه وجرح من هاي الجروح ابگلبي ناره مضرمه
يالعندك اعلوم گلب المفارج ما يهيد او تغمض اعيونه * * *
چني بعيون الرساله ابوجه حيدر تستدير وچني بچفوف الإمامه اتغمض اعيون الأمير وچني بالسبطين تصرخ وبمحمد تستجير
وفراگ الأحباب مثل السهم والله ابعين اللي يصيبونه * * * وبضعيف الصوت ناده يالحسن كف دمعتك اصواب البراسي ضهدني لا تلچمه ابونتك يولدي وارحم شبابك لا تمرد چبدتك
وتسلم الدين والدين اريد ابمحفظ العصمه تحفظونه * * * چني ابحيدر ينادي يهل بيتي امودعين وشبگ سبطين الرسول وبالنحرشم الحسين انچان يبني افگدت عودك هاي اخوتك حاضرين
من تظل مرمي إعله الوطيه ابغير تچفين والگوم يحسين بسهام وبزان ونبل جسمك يدفنونه * * * بحالة الإحضار حيدر دار عين الرايته وشاف عين الرايه تجري مثل جرحه الفرگته صاح يالرايه اعله هونچ ذاخر اليومچ فته
والگلب مجمور وروح الموده اعله النهر وياك مرهونه * * * شاهدت جمرة وداع ايذوب من عدها الدليل تسعر ابزينب وعباس او حماي الدخيل صاح اخذ زينب وديعة والدك وانته الچفيل
ما تنصف الگوم جرح الأخت بوادع اخوها ما يخيطونه * * *
اشلون توديع العليه القلم واللوح انفجع اشلون توديع العليه العرش والكرسي انصدع اشلون توديع العليه الدين دلاله انگطع
وادهشهم الروع من رادوا الحيدرعلى القبله يمدونه * * * (تمت)
«هجري» اليوم أضحى الدين فاجد هيبته او سور الحمهوالحسن وحسين أضحت تسچب العبرة دمه * * * حين بالمحراب طاح المرتضى محي السنن لوما تختص الامامه ابضنوته شبله الحسن أبطيحته چانت السبعه على السبعه اتكورن
وگف دوران الافلاك أو هوت سكان السمه * * * صارم الصاب الصميده او طر جبينه ابسجدته صاب ضلع الزهره لاشك والرسول أبمهجته اوطر دليل الحسن شبله مثل ما طر هامته
او فجع گلب حسين ريحانة الهادي او يتمه * * *
ارد أعزي ابهالمصيبه الساده وأنشد شيعته من چتل چتال مرحب منهو يتم عترته او من دمه اصواب الإبراسه منهو خضب شيبته
او خله العيو ن المسهره ابرغد امست نايمه * * * من حضر يمه الطبيب اوشاف حالت حيدره آمر أيذبحون شاة او عرگ من ريته اظهره او حطه بصوابه او عگب ساعه أظهره اودمعه جره
حيث لن السم لعد مخ البراسك ولّمه * * * من سمع والد اليمه حسين ألفاظ الطبيب او عرف چتاله اصوابه او بعد عوده ما يطيب اولاحت اعلوم المفارگ بين محبوب او حبيب
فتح حامي الجار باعه او شبگ مهجة فاطمه * * *
او گام يتزود من حسين او يشمه أمن الوريد وصاح وينك يالذخرتك ذخر لحسين وعميد لن أبو فاضل ينادي نعم يالبعز فريد
وأسجي رضعانه العضيدك ماي لو مسها الضمه * * * يعباس او هاي زينب رابيه ابعز ودلال للغرب لساع أبداً ما بده منها الخيال أبشيمتك ظلت وديعه يالموزّم بالعيال
تگف دون حسين درگه او سور دون امخيمه * * * (تمت)
«شيعتي» حتمي تبليغ الرساله نزلت الآيه الشريفهللنبي وعينه الحيدر بانتخاب الحق خليفه * * * نزلت الآية الشريفه طبق قانون العداله بيها اخطار المحمد من قبل ذات الجلاله انچان متبلغ عبادي فما بلغت الرساله وانته الباري يعصمك امن المله جنب الخيفه * * * من عرف باطن الآيه امر الوادم الهادي من احداج الابل منبر نصبوا ابساحة الوادي ورفع حامي الجار بيده وگام بين المله اينادي من چنت مولاه هذا (علي ) مولاه ويريفه * * * بأمر رباني الحيدر ودعه أسرار النبوه وگام يد عليه ودعوته يبدي اخلاص الأخوه والي من والاه يارب ايده وعادي عدوه وخذ حيدر هالأماره ابطاعته وساعده وسيفه * * *
انصبوا صيوان الاماره وجلس بي ذات الرفيعه وگامت الاسلام تگصد ليه والأمره مطيعه رغماً اعلى الجحد فضله اتسلمه وتعقد البيعه بايعت منها ابگلب غش و منها بگلوب النظيفه * * * اعقد الحيدر ولايه المصطفى ونزلت الآيه اكملت الكم الدين اليوم بقرار الولايه ونعمتي تمت عليكم اتنعموا بنور الهدايه فازت الإسلام بيها مكرمه الهاذي الوظيفه * * * والذي ابده يقينه ناده ياحامي الحميه أصبحت مولاي انت اومولى إسلام البريه اشلون صار الأمر عگب الهادي واختلفت النيه اجتماع الناس ثابت ذاكرينه ابيا صحيفه ؟ * * * صارت الوادم ابگاله اختلفت بمعناة حيدر والذي ثابت يقينه زاد ايمانه وتنور والذي غيظه ابصدره امن الحسد گلبه تفسر والحسد ما يخله منه إلّه من ذاته عفيفه * * *
للنبي الحارث تعنه امن الحسد گلبه تمرد آمرتنه ابكل فريضه وطعنه امرك يامحمد ما كفت طاعتنه حتى ينتهي امرك الهالحد خلفت بينه ابن عمك يامر وينهى اعله كيفه * * * هالأمر رباني گله المصطفى گصر خطابك دعه الحارث يا آلهي هل خبر لو من كتابك صاعقه نزِّل عليّه لو يحل بيّه عذابك صاعقه امن السمه نزلت وجسمت الحارث نصيفه * * * آية الانذار نزلت طرق معناها المسامع سأل سائل ربه بعذاب صب واقع على الكافر يحل حتمي وما إله امن الناس دافع غفلت المخلوگ عنها وجعلت الآيه طفيفه * * * (تمت)
«شيعتي»
بسهم الگوم منمرد چبده ومجروح تصد علماي عينه وينازع بالروح
نفسه اتهون واخته يخاف اعليها الغيره ابنار تحمس چبد راعيها
وي ادماه منها انخبط دمع العين بويه الماي يحرم عليك ابيادين ؟
دگعد شوف خدر الفواطم وينه بروحه ايجود گام ويدير ابعينه
بشرب الماي ذچرك يعم عليها وانت ابفيض دم رگبتك شاريها
(تمت)
«شيعتي»
|
