اتلوذ ناس ابناس من الخياله الخيل بالحافر سحگت أطفاله
وبچبد عطشان وبگلب مكسور اتحسب ابجدها ولن گصر من نور
والرضيع انصاب بالنحر حربه ضامي وعلى الماي عينه تتربه
من يحامينه وحرم ظلينه سلّبو عزنه وإچتلو والينه
صاحت البضعه والدمع غدران تلطم اعله الراس تنسف التربان
ابكربلا مطروح ظل على الغبره سهم البگلبه طلع من ظهره
جسم ابويه حسين وانترك عاري وبگت ترعانه هيبة الباري
(تمت)
«المستهل : ميمر + چلمه ونص»
* * *
* * *
* * *
* * *
* * *
* * *
* * *
* * *
* * *
* * * (تمت)
«شيعتي»
كفلت بناتك من عگب واليها اتلم ابيتاماها وتحن عليها
تتطلب الطفله وبالفجوج اتحوم نوبة اتعثر نوب تگع نوب اتگوم
ما ندري بيها ابها الفله صارت وين مرت يتيمتكم علي گبل ابحين
وهاي الزلم تتخاطف وهاي الخيل ينهض عليلچ بعد ما ظن بي حيل
من زغر سني يتمتني يحسين يابويه هذي جثتك راسك وين ؟
ولاچنت اظل ابكربلا بلا والي ريتك عدل بويه وتشاهد حالي
(تمت)
«هجري» نزل قانون العداله للرسول امن السمهاو حيدر بصارم القدره للبريه ترجمه * * * إلك ياراعي العقيده أشرح ابضمن الأبيات واخبر الغافل ابجسم الدين من بث الحياة والمن اثياب القياده اتفصلت بالغزوات بلچن ابضمن المعاني اتفيق بعض النايمه * * * رشح الباري حبيبه اوختم بيه المرسلين او شاءت الحكمه العباده ترتضي الإسلام دين اتنظمت بالناس فرقه للإله اموحدين بالسياسه الأحمديه او سيف حماي الحمه * * * نزل منهاج الديانه من الباري للأمين والرسول اشرح الوادم او دعه الوادم لليقين اوحدر كل أخطار سجل شرح أمير المؤمنين حبره دم أهل الضلاله او قلم شفرة صارمه * * *
او يوم غزوة بدر من چانوا أذله المسلمين نزلوا النصرتهم أملاك الجليل امسومين اتوله أمر الموت حيدر والزمه ابچف اليمين جسم حگ اعله الحرايب بالمهند جسمه * * * اويوم غزوة أحد من صاب المسلمين الرهب او تركت الهادي وحيد او شردت ارجال العرب حيدر الحامه الرسول او كشف عن وجهه الكرب حين شاف الناس عنه شارده اومتهازمه * * * اتعجبت أملاك السمه اوگرت للإسلام الأبصار بالشجاعه الحيدريه وابفضل حامي الجار لافتى إلا علي لاسيف إلا ذو الفقار صاح حبرائيل واحنه نكتفي ابهالغانمه * * * او لعد عمرو ابن ود منهو اللي برز يوم الأحزاب غير حيدر واچتله او حرر للإسلام الرگاب او من چتل مرحب او منهو ابساعده أقلع الباب او من فتح سبع الحصون او عرش خيبر هدمه * * *
ماتعرف أجدام من عالروح چانت ثابته وارفع الباب الدحاها ابعزم قدره ابراحته او عبر أصحاب الرسول اعليها صاحب هل أتى هم تريد اشهود هذي او تحوج إلها محكمه * * * اتباشر الدين ابقوات الأحمديه واستقام او بالفراسه الحيدريه ارتفع من عنده القوام لاچن اتعارض ابفگد المصطفى سيد الأنام او مضه ابگلب الدين سقمه والدليله ألّمه * * * من اصواب الدين ذابت مهجته او ضعفت قواه والأطبه اعجزت عنه او مادرت شنهو دواه او من عرض لحسين حاله عالجه ابدمه او حياه
او گصد بي للگوم گصده يروي چبده امن الظمه * * * اتوسط حسين الحرايب والطفل بيده يلوج ناده هذا النهر جاري او بيه يتلاطم الروج او عالرضيع اشچان ذنبه ايموت ضامي ياعلوج
ندري ما يحرم الماي اعليك واحنه انحرمه * * *
بين ميخاطب الگوم حسين ابن سيد الرسل حرمله سهم المثلث عينه ابنحر الطفل آه من صد أبو اليمه او شاف طفله منچتل
ياحكيم احكم اببيني اوبين گوم الظالمه * * * ريت ذاك الحين لبن حسين تنظر حالته گبل نار السهم نار العطش ذوب چبدته آه سهم القدر لمن طوگ صار ابرگبته
احتسب بالله او عالمخيم لوه اعنان امطهمه * * * رد أبو السجاد لاچن طفله بين ايده ذبيح او يرفس ابرجليه وايده اودمه من نحره يسيح شافته زينب اوصاحت خويه والضامر جريح
من نظر دمعة اسكينه تجري عالخد ساجمه * * *
آه وام الطفل حن النيب حنت عالفصيل أوچبت دون ابو اليمه اتگله مفجوعه الدليل مدت ايديها الوليها اوخذت عبد الله چتيل
اوشيفيد الدر وابنها حرمله ابسهمه افطمه * * * (تمت)
«هجري» ماسوه حيدر اببطن الكعبه مولود انولدآيته ايكلم الوادم مثل ( عيسى بالمهد ) * * * من لطف رب البريه انصاعت الحيدر نفس اومن سنا نور الجلاله نور ذاته تقتبس والعلم من فم القدره ادرسه او حافظ عالدرس والهبط محترج جنحه من درس منه صعد * * * إسمع بتكوين آدم خبر راويه النبي من تصور عطس اوحمد ربه اوجاه الوحي لو مريد أجعل محمد منك او أنشأ ( علي ) إي وحق عزي او جلالي چان ما ذچرك وجد * * * رفع بأمر الباري آدم راسه لمن آمره لعد ساق العرش مكتوبه الأسماء او مزهره إسم للباري او محمد او إسم ثالث ( حيدره ) او غير الأسماء ( الثلاثه )الخبر ما ذاكر بعد * * *
الباري لمن خاطبه الآدم تدري اشچان الخطاب گله كلمن عرف حق المرتضى اتزكى او طاب او لعد حقه اللي ينكره انلعن يا آدم او خاب هالخبر مشهور والتخفيه ياخذها الحسد * * * أقسم الباري ابجلاله الطاع حيدر ايدخله بالنعيم او يعفي عن جرمه وان يعصي إله او يدخل اجهنم جميع اللي عصه عقد الوله حيث لو ما بالولايه العمل يتنور فسد * * * اهنا يالمستمع لو گلبك يشك ابهالخبر ابصفحة ( الرابعه امن الإرشاد) حقق بالنظر تلگه بيه الخبر واضح ( والخوارزمي ) ذكر عن ( ابن مسعود ) يروي او عن رسول الله استند * * * لا يغافل تظل مغفول او مكفوف البصر سمح ادروبك بالأعمال تره امواجه خطر ساعه لن تسمع ينادوك تولم للسفر انچان نور الوصي ايباريك تراك انته ابسعد * * *
لو چنت ياصاح عابد زاهد ابمد العمر او مالك ابحيدر علاقه راح كل تعبك هدر ايصير مثل ابليس شانك من تجبر عالأمر او خرج من عدها رجيم اولا أقل منك عبد * * * لاتظل تبحث بالأخبار او تتصفح كتب خوفي ابوادي الأوهام تطيح واتيه الدرب دوك اخذ مني نصيحه او صبر مأمون الگلب لو يقينك بالولايه ثبت لاتبحث بعد * * * الباري ابنور الولايه جعل ترشيح الأعمال او گلب صاحبها ابأمان امن الخطر يوم الأهوال ابحب (علي ) يدخل الجنه ابلا جواب اولا سؤال او لايجد عالحوض مانع لومن الكوثر ورد * * * بعد اوصيك ابوصيه يالموالي او يالمحب من تكف عالحوض ظامي او تود من عنده الشرب رادتي تذكر احسين او عطش چبده المنعطب
اهنا ينهر العلگمي اتمنيت مايك لا جره او لا اگلوب أطفال الحسين تظل اموجره اولا ابكترك يگع مصيوب يضاري الگنطره
* * يالتود حسين دومك صيح والعبره اتهمي ريت مايك يجف وايغور ينهر العلگمي امن العطش خليت مجمور گلب چم فاطمي
* * * اشلون عين اللي تشوف الماي جاري او ماعمت من البچه اعله حسين وادموعه مثل دمه جرت شربتك يالماي حسره ابگلب ابو اليمه بگت
* * *
|
