چى تخلي حسين ابنها ايلوج من حر الظمه حتى منك غسل ما شافت تغسل بالدمه
* * * (تمت)
(41)
«هجري» حيدر البنّاس مثَّل صفة معبود الصمدوالشرع بالسيف چلمة (قل هو ألله أحد) * * * لو ما داحي باب خيبر ما علم رف للإسلام إو لا ثبت ساس النبوه إو لا ركن دينه إستقام وأشرع التوحيد حيدر لاچن إبحد الحسام وإرتفع سورالمسلمين إبسر إسمه إنرصد * * * إسم حيدر سر ألأعظم وإسم من ذيچ ألأسماء من حفظهن آدم إو أنبأ ملائكة السماء وإسجدت له إلهالكرامه وإمتثالا للنداء إو عله إبليس الباري دمدم من تكبر ما سجد * * * إو لعد آدم جعل نفسه إبليس من الناصحين گله عن هالشجره ليش إمنعك رب العالمين إنتو بالجنه موّقت لو أكلتو إمخلدين إنغوه إو لاچن من الجنه الغوي والمغوي إنطرد * * *
حين آدم من الغفله إنتبه أقسم عالإله بالأشباح إللي جعلها إبصلبه وبسرها إو نجاه إشلون إبن إللي أبوه إتمسك إبعروة ولاه توبة الوالد قبلها الباري إبجاه الولد * * * إبليس خط للمكر خطه والخديعه إتأسست من هذاك اليوم وأصحابه عله خطته مشت روح فتنه إبليس بثها إو بيها خلگ ألله إبتلت إو عالدناءه الناس يمنه إيسار تلعب منطرد * * * منطرد تلعب الوادم فاجده عشر العقول غالب إعليها طمعها إو ما تحافظ عالأصول لو ما شان الناس هذا چان ما عگب الرسول تبعت الدنيه إو هواها إو خالفت نص الوِرد * * * إنچان يا نص ينشدونك حيث لن النص چثير گلهم النص التأيد بي علي إبيوم الغدير لون بي تعترف سحقا لعد أصحاب السعير التعترف وإتعود تنكر ما عليها معتمد * * *
دوك يا راعي العقيده إتوثّق إو صير إبيقين إبساعة إلما يغني المال إو لا تنفع بنين ذاك يوم إلي تفوز البلولايه إموسمين إو يندم إللي غير حيدر چان ذاخرله ضُمد * * * يالتود إيخف سؤالك من كتابك بالحساب إو بينك إو ما بين نار الحاميه إتحط لك حجاب إتجنّد إبحب ألأمير إو بعد لا تخشه إو تهاب وإعتقد لاهب جهنم من يشم ريحك خمد * * * ما تمس النار جسمك وردك إبجنة الخلد كوثر إو لو ردت تشرب بألله من گبل الوِرِد إبگلب ظامي صيح يحسين يمعطوب الچبد
* * * آه يوم الرد ألأكبر عله حسين إمن الحرب يگله بويه العطش فتني إو حمس چبدي والگلب وأبو اليمه إنعطف لأبنه إو گامت إعيونه تصب
* * * حط أبو اليمه لسانه إبثغر ألأكبر مهجته إنخشع لمن هجس چبد حسين أحر من چبدته صاح يا مظلوم بيك العطش مسَّت جمرته
* * * رد ألأكبر وأبو اليمه بگه إربيه بالخيام إو لن إجاه الصوت بويه إعليك من عندي السلام وإنخمش چبد إبو اليمه إو وجّر إبگلبه الضرام
* * * شبگ ريحانته حسين إو شم عزيزه إمن النحر وإنصبغ شيب أبو اليمه من دمه ألأكبر حمر گام لاچنه إمخوصر محني من عنده الظهر
* * * والمصيبه التشعب الروح إو تچمن بالدليل ساعة البين الفواطم طرحو ألأكبر چتيل من خدرها إطلعت زينب صارخه إبدمعٍ يسيل
* * * (تمت)
«هجري» أنزل القرآن حجه عالخلگ رب السمهمصدره ايأيد محمد وابمحمد خاتمه * * * نور أنزل على النور النور قرآن الرقيب شاهد الفضل الرساله والحبيب الله حبيب موعظه او فلسفه او حكمه او عن فم القدره خطيب نص ( هدى لا ريب فيه) المتقين اتـّرجمه * * * ما بليغ امن البلاغه اكتشف معنه باهره ميتعذرها الشعور او تنمزج بالفاكره إله ما من سنا القرآن تجدها امنوره او بعضاً اليختلس من طي بطن آيه محكمه * * * لو ردت تنظر الوجه الله يا راعي اليقين دوك مرآة الجلاله النسخ كتب المرسلين ايكلمك تكليم موسى بيه رب العالمين اليتلي آيات الشريفة ويجد ربه ايكلمه * * *
يالتود تعلم كرامة فضل قرآن المجيد عن خبر مسند أخبرك إصغي سمعك واستعيد شافع امشفع المحفوظ يجي يوم الوعيد ابمنزله او جاه وجلاله اومجد سامي او عظمه * * * من يدك الباري سبعه اويطوي السبع العظام او تنبعث مافي القبور او تنحشر خاص اوعام اصفوف تصطف البريه ابهندسة قدره اونظام ( ميه او عشرين ألف ) صف تگف بالمحكمه * * * أمة الهادي جمعها يعد ( ثلثين ) النفوس او ( ثلث ) باجي الأمم لاچن واجفه امهبطه الروس او على الجاحد ذاك يوم اتوضحه للآيه ( عبوس ) او تأتي ابگلب سليم البالولايه اموسمه *** او مصحف الحگ للقيامه يطب والوادم قيام اموشح ابنور الجلاله او مرتدي بالاحترام للإسلام ابصفة مسلم يجي او يقرأها السلام تنبهر بي وابجماله او حسن نطقه او مبسمه * * *
او يرد يتصور شهيد او يجدم اعله الشهداء وابصفة مبعوث مرسل يجي الصف الأنبياء او تحتفي بي وابجلاله او حسن خلقه والبهاء او تجي السيد المرسلين الأنبياء امسلمه * * * اتگله ياحكمة الباري الختم بيك المرسلين يا( نبي ) هذا ؟ يگلهم ماتعرفونه الأمين هذا قرآن الجليل أو حجته اعله العالمين ايحبب الباري اليحبه اوخاصم اللي خاصمه * * * يرد يتصور ابصورة ملك وامقرب جميل تعتجب بيه الأملاك او تحمد الربها الجميل يجزي اوينتهي العرش الله ويناديه الجليل ياكلامي الصادق الناطق او حجتي القائمه * * * يا كتابي هل وجدت الخلگ تشكر نعمتي ؟ ايجاوبه القرآن يارب منها حفظت عزتي او منهم اللي ضيعوني واستخفوا حرمتي اسهرت عين اللاحظتني والجفتني نايمه * * *
إي وحگ عزتي او جلالي يرد من الله الجواب يا كتابي اليوم أثيب الواضبك أحسن ثواب اعليك أعاقب خصمك اليوم أشد واعظم عقاب والذي ابتطهير مسك ما تمسه الحاطمه * * * او يشفع القرآن للچانت ترتل آيته يشفِّعه او ينعم الباري على أصحابه ابنعمته او حلل يچسيها او يتوجها او تفوز ابرحمته بالنعيم اتعيش عيشه راضيه اومتنعمه * * * هذا فضل الثقل الأكبر شامخ السبع الشداد وابثقل ثاني أخبرك فضله ابيوم المعاد من قبل ذات الجلاله ايهتف هاتف بالعباد غضوا الأبصار طبت للقيامه ( فاطمه ) * * * تطب للمحشر ابگلبٍ منصدع تبدي الونين تشچي للباري الظليمه امكدره اوباچيه العين ياإلهي ابعصرة الباب سگط مني الجنين
* * *
چني أتصور المحشر وأنظر الزهره البتول امعلگه ابعرش العظيم او تبدي شكواها او تگول شاهدت يارب عزيزي حسين رضّنه الخيول
* * * إصغي ابسمع الحقيقه واسمع الزهره اشتصيح ياإلهي امصاب محسن خله دلالي جريح او تجري عيني مثل مجره أوداج عبدالله الذبيح
* * * ياسميع اعرضت كل هاي المصايب رادتي اوياك أصالحها ابدعوتي وانته منجز دعوتي رحمتك تشمل او تنجد من جهنم شيعتي
* * * (تمت)
«هجري» خير الأعمال الولايه وبيها دين الله كملوالذي عنها تخلف ما يفيده كل عمل * * * ما يفيد العمل إلا ابنور عصمه اترشحه التدرس بعلم الولايه بالمواقف ناجحه والذي يحفظ درسها بامتحانه ايسامحه حيدر اليمضي كتابه وبالخلد جاره نزل * * * ابحالة الإحضار لمن على القبله يمددوك وتتله عند راسك عديله وبالثلاثه ايشاهدوك انچان بلسان الفصيح ابديتهن انت ابن أبوك حيث لن ثالث شهاده مره وأحله من العسل * * * أحله من الشهد للثابت يقينه ومعترف ومره للي عرض عن حب الأمير ومنحرف اشلون اوصف لك مماته وحالته ما تنوصف ايگوم يرطن بالشهاده ويهجر ولفظه هزل * * *
ابليلة الوحده الحسابك منكر ايجيك ونكير وينتصب كرسي النور ويجلس اعليه الأمير انچان ميت عالولايه مطلق السانك يصير ولو شغل ما إلك بيها السانك اخرس وانشجل * * * ينشدونك منهو ربك تستقر رب العلى وعن نبيك ينشدونك تعترف خير المله وعن امامك ينشدونك لوگلت عقد الوله يخفض اجناحه نكير لهيبته ومنكر جفل * * * لون كتاب الأملاك اتصير والجن والبشر والسبع تبحر مداد اتصير واقلام الشجر ماحصت معنه الفضيله الواضحه ابنص الخبر الما يموت اعلى الولايه نطفته بيها خلل * * * انظر الگلبي وشوفه امنور بحب الولي الساني بثالث شهاده ما يدور إلا « ابعلي » انچان حب الوصي رفضاً آنه أول رافضي وبيه ما تأخذني لومة لايم وشرح العذل * * *
ياإلهي اشهد عليه بالولايه معتقد حب علي يرضيك عني لا چن ابغيض اليضد لوچسبت ارضاك يارب شنهو تأثير العبد خل يطگ راسه بجهنم كلمن اغتاظ وزعل * * * تدرى شيشوف بجهنم من جحد حامي الجار يگوم من طبگة طبگة ينتقل عگب المرار من يصل طبگة السبعه مسكنه ودار القرار ما تريد اتشرف وجهه يربض عليها ابتبل * * * والذي ابعروة الوثقى اتمسك وحبل المتين من الذنب عاري ابقافلة الحشر گلبه أمين ليش متمر الجهنم ينشدونه المذنبين يگلهم إلكم وآنه مالي بيها ناگه ولا جمل * * * بالحشر للخلق ميزان وكتاب وحاسبين والموالي لو عليه اذنوب كل العالمين ايحطهن ابچفه وچفه حب أمير المؤمنين تثگل بأمر الإله البيها حب خير العمل * * *
نشأة الكوثر كرامه من الباري للرسول وعين الساقي وصيه المرتضى زوج البتول من المعبود السقايه اختصبت الفحل الفحول
* * * نزل للشاطي ودليله من الظمه ناره تشب غرف من الماي گصده يروي چبده المنعطب وذكر چبد حسين ظامي وعالنفس گام ايخطب
* * * يعذل ابنفسه ويگلها وانهمل دمعة العين يا نفس هوني ابجاري الماي لا تتنعمين چني انظر بالمخيم حالة أطفال الحسين
* * *
حافظ إعله الجود قصده يوصله ويسجي العيال لچن مادون المخيم حاجب المحتوم حال وبعمود افضخوا راسه وگطعوا اچفوفه الانذال
* * * طاح أبو فاضل ولاچن عمد بيت حسين طاح من اجاه الصوت خويه ادركني صك راح براح وشافته زينب ونادت يابن حي إعله الفلاح
* * * اشلون حاله الوقف بيها حسين عد راعي اللوه محني مثل القوس ظهره وهرش دلاله التوه ناده يا صارم يميني ويامن العيني ضوه
* * *
انحنى اعليه وجلس عنده وشال راسه من الثره مسح عن وجهه دماه ودمعه لمصابه جره وأبو فاضل يرد خده أعلى الترب وايعفره
* * * بين ادين حسين فاضت من ابو فاضل الروح ودعه ورد للمخيم منفجع دمعه يفوح وزينب ابچتل ابن أبوها علمت وگامت تنوح
* * * (تمت)
«هجري» نوّر الكعبه الجليل ابنور صهر المصطفىاو للمله ابمحكم التنزيل الحيدر وصفه * * * نطفة الكرار حين المن ظهر عوده انزلت صاعقه نزلت ابمكه والجبال اتزلزلت اركنت للأصنام أهلها والأصنام اتكورت او بگت مكه اتمور وتميد بهلها راجفه * * * او ببو طالب لاذت الگوم او ماخذها الوجل او من صعد عالجبل ناده علَي منواكم سهل يالعرب لو چان تردن ميندك الجبل اساع ينفذ امر مني او يهلك اللي خالفه * * * جاوبوه لمرك تجدنه يبو طالب طايعين وبالتآمن بيه وياك ترانه امأمنين ادركنه من هالرجفه لا ننجعل بيها هالكين يا شريف الكعبه يا صاحب الرايه الرايفه * * *
گلهم الرحمن كون حجته اتمسكوا ابولاه آمنوا بالوصي وعوده رفع للباري يداه دعه المعبود ابثلاثه والجبل هاد ابدعاه او أمنت من آمنت بيه اگلوب الخايفه * * * او يوم بالكعبه الجعفر خاطبه حيدر جنين او طاح مغشي اعليه والأصنام خرت ساجدين وامه نادت هذا شانك يبني ياگرة العين بالأرحام او خارج اشلون جلالك والصفه * * * هوت « مريم تلد عيسى » بالقدس اوحي الجليل هذا معبد ما هو مولد آوى الجذع النخيل او فاطمه ولدت إبطن الكعبه حماي الدخيل الباري ابميلاد حيدر راد بيته ايشرفه * * * وانفتح ركن اليماني او فاطمه بيه ادخلت حوه او آسيه أو مريم عدها وأم موسى احضرت للعمل وضعت الحره او بيه مسروره اطلعت اتشعشع الإيمان نوره والشرك ضيه انطفه * * *
والنبي خله لسانه ابثغره حين اللي انولد انفجرت اثناعشر عين من اعلوم الصمد چنه يوم « الترويه » البيه رسول الله شهد والذي يشهد محمد بيه منهو ايحرفه * * * او گام يتخاطب الهادي اويا ابن عمه ايكلمه گله اقرا لي الحفظته امن الهده او متعلمه من المبدأ قره القرآن على الصح واختمه وقره كل كتب السماويه ابفصاحه ومعرفه * * * او ثاني يوم امن الولاده بس نظر « طه » البشير لبن عمه اعرفه الكرار او گام اعليه يشير مد يمينه الهادي وتناول من الحره الأمير او گبل ذاك اليوم سماه محمد ( عرفه ) * * * ابحضن ابو طالب الحيدر حين شافه ( أبو جهل ) گله ابنك أعمه ودواه ترب جدم الهبل اتراب جاب ابعينه راد ايرشه او خير العمل باليمين الطمه او لي غاد ( لبو جهل ) اگطفه * * *
امن المهد للحيّه حيدر من توجه ناظره من عصرها ابچفه خله اضلوعها متكسره افتخرت الأم ابولدها او خلت اسمه ( حيدره ) هم تريد اشهود هاي او يحوج الها عارفه * * * شرد اوصفلك الموصوف بآيات الوحي مالعد مرسل كتاب انقره او ميوصف علي ما بلغ معناه حيدر لانبي او لا وصي بس محمد وهوه منه او بيه وبفخره اكتفه * * * لون جن إوإنس كتاب إو سكان الشداد والأشجار اتصير أقلام والبحور المداد لوتظل من مصدر الدنيا تبحث اليوم المعاد ( نبأ عمه ) ما تفسره او تظل بي مختلفه * * * إوتنطويله الأرض طي السجل لوهم واعتنه لو ردت من عندي ابهاي دليل او بينه امن المدينه للمدائن سار السلمان ادفنه
* * * نعم والهز المهد بيه نزل من السمه او حضر دون حسين جده او عوده وامه فاطمه شافته جثه بلا راس امعفر بالدمه
* * * مد رسول الله يمينه او عاده ابراس الحسين او ركب الراس اعلى جسمه اودار ابو اليمه العين ابوجه جده اوگام يشچي حالته ابون وحنين
* * * يجد عطشان اذبحوني او فطر دلالي الضمه يجد شرب الماي منهو على الضامي امحرمه يجد ما تنظر اضلوعي امن السحگ متهشمه
* * * يجد هذا المرد گلبي او وسع جروح السنان روسنا او سبي الفواطم مرت تودع الأبدان وعلى متن الحره زينب يطگ عود الخيزران
* * * (تمت)
|
