(45)
«هجري»
* * * إبشارع ألإسلام والد يهوه حيدر چان إلي وأمي من ثدي الموده رضعت إبحب الولي إو صرت أنه إمن إمي وأبوي إو صار ورثي «حب علي»
* * * شعر جمي إبهالشهاده إو مني كل مفصل شهد إومن هلي إتغذيت بيها إو صارت إبريجي شهد گبل ما تولدني أمي وگبل ما أصير إبمهد
* * *
أحمد الباري الجعل لي (إبحب علي) قسمه ونصيب إو لعد داعي الحق دعاني إو صرت أنه إلصوته مجيب گبل مل تنمزج روحي إبجسمي وأتغذه إبحليب
* * * إبجسمي من ثبتت قواي إو بالحياة إترعرعت إلزمت أصل إوفرع ديني إو بالكتاب إتوثقت وإعرفت حيدر (أميري) حين بالرب آمنت
* * * ( إو من ثبت إيمان گلبي إو رسَّخ إبذهني اليقين إشهدت بالمعبود ربي إو صدقت طاها ألأمين إو سجلو إسمي وصفاتي العله إمتوني كاتبين)(1)
* * *
إو من دبه إعله الگاع جدمي إو عدل سرت إعله الصعيد إو كمل إرشادي وإعرفت إللي يضرني واليفيد شاهدت آية التبليغ إبقرآن المجيد
* * * من صفه العيش إبحياتي إبحب علي سالم عشت إو من رماني الدهر مكسور إو بالشده طحت صحت ( يا بالغوث أغثني) يا علي أدركني إنجحت
* * * إو من تدانتني المنايه إو للرحيل إتهيأت چني ميت عالولايه إو بالثلاثه إتشاهدت إو عالمناكب چني محمول إو بالحفره إنزلت
* * *
شاهدت ليلة الوحدة إو من سنه الفكره فقت صرت أحسّب بالمعاد إو چني بالمحشر صرت إو چني إبسلسله سبعين إذراع إتگيدت
* * * (تمت)
«هجري»
* * * فرض عالمسلم ( التوحيد ) إو تصديق الرسل إو يعتصم بفروع دينه وإبأصوله يتصل إيصدقه إبحب الولايه إو من علي ياخذ وصل
* * * (والعدل) ثاني فريضه والعدل شان المجيد إعترافك بألله عادل ليس ظالم للعبيد وإعترافك بالعداله إبلا ولايه ما يفيد
* * * إو من أصول الخمسه رابع فرض والباري أفرضه عالخلگ وهو (ألإمامه ) إو مبتداها المرتضه طالع إبتاريخ دينك وإخذ مني الموعظه
* * *
إو من أصول الدين خامس فرض تصديق (المعاد) صدق إبيوم المعاد إو بالعمل جد بإجتهاد وألأعمال إبلا ولايه صفر عد رب العباد
* * * إو (بالصلاه والصوم) إفلح (خمس ) إو أدي (الزكاة) وإخذ هالأربع فروع إمن ألأصول الواجبات إو نورهن حب الولايه إو بالولايه إمنورات
* * * إو من فروع العشره خامس فرع (حج بيت الحرام) و(الجهاد) الفي سبيل ألله سادس بالنظام إو هالفروع أحكام دين المصطفه سيد ألأنام
* * *
إو من فروع العشره سابع فرض معنا تنتهي (ألأمر بالمعروف) والثامن (عن المنكر نهي) والفروع العشره كلها بالولايه تقتدي
* * * إو من فروع العشره عاشر فرع بي عين الصواب إمن الولايه إللي تبره إتبره منّه ولا تهاب إتبره من عدوان حيدر وإكسب إبحبه الثواب
* * * هاي أصول الدين خمسه إبهالمعاني أتنظمت ومن الخمسه فروع عشره للديانه إتولدت إو زهرت إبحب الولايه إوبيهن الناس إهتدت
* * * هاي أصول الدين وإفروعه من المسلم تريد گلب بيه إيمان ثابت مثل الحسين الشهيد من توجه عله القبله إو أعرض الحز الوريد
أشرادت أنصار حسين دونه إتهاوت عز الديانه إتريده * * * ما بگه لحسين ناصر غير طفل إلبلمهد والطفل يابس دليله إو هرش دلاله إنمرد وأذبلت وردة حياته إمن الظمه لونه إنچبد
والطفل لو جف أللبن من ثديه لهو الثدي شيفيده * * * إشلون حاله الوگف بيها حسين وإعيونه تصد إيشوف كلسا بالمعاره منه يتلولح چبد يعتنيه ويشيل جسمه إو بي للمخيم يرد
وفـّه الحريمه والگلب يتمرد للمنصرع تمريده * * * إتگابلت زينب وخوها والگلوب إتهيج نار إمن الظمه إو فيض المدامع من سواد العين صار والطفل من عينه دون الدمع يتجادح شرار
وحسين مد إيده إو تناول طفله والطفل لاوي جيده * * * (تمت)
«هجري»
* * * ياعلي تاج الولايه تاجك وانته الشرف وكل نبي گبل الرساله ابتاجك وبيك اعترف ولون ما يعترف ما حاز النبوه ولا إنعرف
* * * ياعلي تاج الولايه توجك بيه القدير وصدرت ابحقك إراده اتصدقت يوم الغدير من نزل وحي الجلاله وبشر الأُمه البشير
* * * ياعلي تاج الولايه انصنع من معدن النور وانته ذاك النور والتاج ابمصباحك ينور وتاجك ابسراسم الأعظم راصد ازمام الأمور
* * * ياعلي ابتاج الولايه اتقدمت عالمؤمنين وخضعت الهالتاج تيجان ملوك العالمين من يمر تاجك التيجان واهلها ساجدين
* * * ياعلي ابروس النبيين فلا يرتفع تاج إله ما تاجك برشحه ابنور بيه الابتهاج النور من عقد الولايه مو عقد معدن زجاج
* * * ياعلي ابتاج الولايه اصعدت عرش السلطنه وصغت من جوهرك للتاج عقود اتزينه وبالنصر كللت العقود وصارت امثمنه
* * *
ياعلي تاج السلاطين يصيغوله عقود والعقود ابلون واحد ما يصيرن بالوجود وانت العقود الصغتها ابتاجك الحاز السعود
* * * ياعلي من حسن ذاته الباري صايغ لك نفس وصيغ التاج الولايه اعقود من معدن قدس عقد منهن گمرچنه وعقد مطلاع الشمس
* * * ياعلي استفسرت تاجك والعقود من اليقين بناظر الإيمان شفت ابكربلا عقود الاثنين شفت عقد الچان مثل الشمس إبتاج الحسين
* * * (تمت)
«هجري»
فكري بحساب النجوم اشتغل واحساب الرمول احصرت علم الباري وفروع الديانه والأصول بعاصمه وهي المدينه وملك عاصمة الرسول
للعرش شبحت اعيوني وفرفرت مني الروح وسارت ابسير الأفكار ورايده اتشاهد اللوح عارضتها وگلت هذا العرش وأنواره تلوح
عگلي مره ايغوص برضه ونوب يعرج للسماء يالتناشدني اشيريد ايريد سر الأنبياء عدمن اتودع ومنهو الحاز علم الأوصياء
يالتحاجج لا تحاجج شوف سيطرة الزمان بخاتمه سليمان سخـّر للهوه وطيَّع الجان انچانك بالعلم راسخ طالع ابنص البيان
لو ردت برهان موسى وآيته التطوي السحر لا تظل تبحث بالأخبار ومشغول الفكر تبصر ابعين الحقيقه اتشوف سره منحصر
اتجولت بالفكر روحي ولاجت البر والبحر وغصت ببحور المعاني وحققت بيها النظر دورت ذيچ السفينه النجت نوح من الخطر
چم وچم من فيلسوف البذل جهده وهمته ماگدر يصنع الإكسير وحار ابصنعته عگلي اتبصر ابعلمه وشاف سره وعلته
من شفت گلبي منور گتله شنهو النورك گلي عن تنويري بالقرآن ربك بشرك انچان فكرك عن معاني الغامضات اتعذرك
من شفت نفسي ابحيره وعازمه اتريد السفر لعد بيت الله الحرام ورايده اتبوس الحجر گلت هاي الكعبه اقرب إلچ من لمح البصر
همت بفجوج المنايه واجرعت چاس الأجل تصورت يوم المعاد وشفت ميزان العمل وشفت محكمة العداله وللنجه صرت بأمل
ومن هوت روحي ابشده بالمهاوي المهلكات تبصر بإيمانه گلبي وهمت بفجوج النجاة استشكفت برج المشاچل شفت حل المشكلات
إعليّه من شفت المصايب من الدنيا اتلملمت ضاگ صدري وضاع صبري وروحي ملّت واجزعت ومن ذكرت امصاب زينب كل مصيبه هونت الله واكبر يامصيبة زينب بحشاها نيران المصايب تلهب عالتل تنادي وتستجير وتنحب
عيني لوشاهدت مذبوح عله امصابه بچت ساعد الله اعيون زينب چم ذبيح الشاهدت مثل ما فجر وريده اعيونها دم فجرت ضيعت وليها زينب وضيعها ظلت غريبه والدهرفاجعها تصد للغري تنخاك ما تسمعها
عيني لوشاهدت ضامي وبضميره الاشتعال تگوم تتصور عطاشه كربلا وحال العيال جف ثدي الرضعان دره وغارت اعيون الأطفال والماي مهر أُم الحسين الزهره وأطفاله اتلوع وتلوج ابكتره محرومه من شربه وتصيح ابعبره
عيني لوشافت يساره ايذوب گلبي وينصدع واذكر الكل ساع والي تفگد وبي تنفجع چني دون حسين اشوف الحره محنيه الضلع تدري اشجره ابزينب عگب واليها إصواب الشماته صابها وماذيها إتلوذ وتنادي بگوم المسلبيها
عيني لوشاهدت مچتوف او مذبوحه هله العبره تتكسر ابصدري وتظل عيني هامله اذكر امصاب العليل الگيدوه ابسلسله زينب على امصابه جرت دمعتها تبچي اعله هلها لوعلى غربتها بيك التجت من آيست من اخوتها
(تمت)
«ميمر مذيّل»
(تمت)
|
