چني بحسين ايتمثل طول حماي الضعينه اتجسمتله الغاضريه وفجرت بالدمع عينه وگام يتصور عضيده مگطعه إيساره ويمينه
صد أبو فاضل وناده ياحلات الموت دونك ليش تتمثل شبابي وليش تتهامل اعيونك وليش محنيه إضلوعك ليش خويه انخطف لونك
وچني بزينب يعباس تجيك امروعيها ما تصل لك للشريعه وتشتچي هم العليها تگف لو شافت اچفوفك بالمعاره امگطعيها
چني ابزينب غريبه امحيره ابوسط المعاره اتصيح وين اللي كفلني وخل يسوي الخدري چاره خل يكف الخيل عنه والتهب ويطفي ناره
(تمت)
«شيعتي»
* * * زينب ابخدر المحصن بالسمر واسيوف اهلها لن تشوف النور مشعل زهر بالخيمه اوشعلها طلعت اتشاهد النور اوشافته ابوجه الكفلها
* * * يعباس اعرف فضيلة رايتك واعرف قضاها مبرم اوعالجاهليه غضب يتواعد صداها نشرت أحكام الرساله وانبنه الدين ابذراها
* * * وابمسير الضعن تذكر ناگتي من گلطتها اوعلى الناگه انصبت هودج شرف والرايه انشرتها اوشبحت الرايتك عيني اويسر گلبي من شفتها
* * * گطع أرچاب المطهم من تمطه اوطفح زوده والرمح هزه ابيمينه او للرمح فصم اعجوده اوصاح هذا السيف يختي حدد الخدرچ احدوده
* * *
ياگمر عدنان تذكر من طلعنه امن المدينه منهو دگ صدره اوكفلني اوگال أنه حامي الضعينه وانته بعدك بالحياة اوماي مايحصل بدينه
* * * يختي آنه الگلت عندي اوبعد أگول النوب عندي وانتي تدرين ابحياتي ما خلفت وياچ وعدي اوما أضل مگيود ذمه اوكون أذب عالماي جهدي
* * * يعباس أدريك توصل حدك اوتجزي احدودك اتعذب الخيل اوتضمها اوما تضم الخيل زودك اونخوة الينخاك عندك أعز من شمعة وجودك
* * * عالوعد رايح يزينب واليواعد كون يوفي لوأجيب الماي لوعالماي تتقطع اچفوفي اوينفقد خدرچ يزينب مثل ما ينفقد شوفي
* * * يختي اوصيچ ابوصيه اوسجليها ابهاي عيني لو حده الحادي ابسبيكم مري بيه او ودعيني دوري ابكتر الشريعه اچفوف يسراي اويميني
* * * (تمت)
«شيعتي»
امحزم البسيف القياده اومدرع ابدرع الرياسه لوه اعنان الموت بيده اولوح امتون الفراسه اشتعل جسمه ابنار عزمه اونار عزمه من الحماسه
جبل متهزه العواصف لو رسخ بالحرب جدمه اوسور ما دون المخيم منضرب من سيف عزمه من خدرها اطلعت زينب شافته اوگامت تحشمه
نادته ادريك صل اومن ظهر ثعبان نازل اوسمك ايفسر الأفاعي اوأمضه من سم الهلاهل اومن تصك صوت الحرايب اتصك لك الحومه الهلاهل
ابعين تتمثل وليها اوللخيام ابعين صدت اولزمت ابايد الشچيمه اوعلى الرايه ابايد أومت نادته عباس تدري رايتك بيمن اختصت
عودك ابهالرايه صدق حجة إلباري اونبيه طشر الأحزاب بيها او فتح حصن الخيبريه والدك وصاك بيها اومنك اتريد الوصيه
انتعش وارتاح اوتحمس بالحماسه الهاشميه اوركز عد زينب الرايه اونبتت ابگلب الوطيه اوگال اشهدي اوخلها تشهد رايتي والغاضريه
هاشمي او زر المزرد وبيمينه السيف حاسم اولبس فوگ الدرع گلبه اوعالگلب عزم الهواشم سفر باعه اوزرگ رمحه اونگل باطرافه الملازم
حفز اعله النهر غوجه والمنايه اوياه حفزت مثل ابوه البالإشاره الأشر إعله الشمس ردت سيفه أومه اعله الحرايب گومي والرايات گامت
مثل ملك اللي يسوگ الغيم متوكل من الرب ساگ غيم العالشرايع سيف ابن چتال مرحب ثگب ويده او من رعيده العالي عالسافل تگلب
مهد ابجهده الشرايع واثمرت روضة جهاده اوراد بالروضه ايتنزه نزل من أعلى جواده
يحن لطفال ابو اليمه چان عباس ابحياته اوطفل للعباس عگبه اتيتم اوهذي صفاته والف اعله ( ام البنين ) اوكفلت الحره رباته
يالتريد ايهيج حزنك والگلب يثگل ونينه اتذكر بأم البنين الگضت مفجوعه اوحزينه امن اسمعت ( بشر بن حذلم ) صاح بأطراف المدينه
حنت اونادت علامك يابشر صدعت گلبي ؟ صاح منهو انتي اوعمتني النايبه اوما شوف دربي ؟ صاحت آنه ( ام البنين ) اوعالبنين اعيوني تربي
عظم المعبود اجرچ تره الجعفر ذابحينه وانفضخ عباس راسه أو گطعوا ايساره ويمينه نادته عطبت گلبي ماتگلي حسين ونيه
اتوجهت ام البنين الكربلا وتنادي يبني حسين ياگرة اعيوني ابروحتك گلبي لسبني واهجس اصواب البگلبك صاب دلالي وفجعني
(تمت)
«شيعتي»
* * * عن لسان الحال أخبرك يالتناشدني إعله زينب إنصابت إمن الشاطي حربه إو گلبي إو گلبك تصوّب مثل ما گال ابو اليمه ما عله المحتوم معتب
* * * نايبات الدهر ترمي وإبگلب زينب رميها إو زينب إبعصمة الزهره تشگف إسهام التجيها إو سهم وادي الغاضريه صابها إبذبحة وليها
* * * شرد أگول إبگلب زينب ورع متدرع إبصبره إبعينها إتشاهد وليها والشمر يگطع إبنحره إو من عگب حزة وريده تلعب الخيل إعله صدره
* * * أمست إبليلة الحادي عشر وإتشاگف مرامي لا خدر لا خيم ظل إو لا چفيل إو لا محامي بس أرامل واليتامه والعليل إلجفنه دامي
* * *
گضت شوط الغاضريه إو شدت الحيل السفرها أمست إو أصبح عليها الشام والكوفه إو خطرها شوف همة گلب زينب حيّر العالم صبرها
* * * شدة الكوفه گضتها إو گطعت إدروب إو منازل عين تربي إعله اليتامه إو عين تربي إعله الأرامل إو نوبه يتوجه گلبها إعله الحمل ثگل السلاسل
* * * يالعلي وألله إشهضيمه صعبه يا صاحب الغيره توگف إبديوان زينب بين ألأجناب إو يسيره لا حمه إليحمي حماها إو لا عمام إو لاعشيره
* * * (تمت)
|
