للنبي جاهد الحمزه وجابه بالله اعتصامه وشوف ابو فاضل شحصل چم وسام وچم علامه
وبوسام الثاني تدري منهو للعباس شده حيدر ابيوم اللي سلم زينب ورايته ابيده حمه الرايه وكفل زينب والمخيم لزم حده
والنياشين الحملها گمر هاشم من عمامه صدق اعليها الأمير وعقد بالرايه وسامه وفتح بيها الغاضريه وظلت اليوم القيامه
للنبي حافظ وجوده وحفظ للدين النبوه ومن ابو طالب تورث گمر عدنان المروه
وغزوة الروم ابشجاعه جعفر الطيار تشهد من حمل تاج القياده ومن نشر راية محمد وگمر هاشم بالقياده مثل جعفر حمل مسند
اشلون نزله النزل بيها گمر هاشم للشريعه كسرت من حسين ظهره وهدمت ابيوت الرفيعه واحرمت سكنه من ابوها واحرگت گلب الوديعه
گطعت اگللوب الفواطم مثل ما گطعت يمينه وصاب عين حسين سهم الصاب ابو فاضل ابعينه
اشلون للعامود ضربة صابت العباس الازهر طشرت مخ البراسه وصاح من راد ايتگنطر اشلون طيحه اشلون صيحة خلت حسين ايتخير
(تمت)
«شيعتي»
* * * گمر يزهي إبست معاني بألأفلاك العالميه إيمثل الهاشم مچارم والمحمد عبقريه إو همة الحمزه إبوجوده إو من العباس الحميه
* * * ملك وإبعرش المطهّم والعلم تاج إعله راسه إتحمس إو من بحر عينه طفح طوفان الحماسه وإيتمايس وإيتغطرس من عله إمتون الفراسه
* * * لبس درع الوفه إو درع الوفه إمفصل وإيحلاله إو شد حيازيم المنايه إو زرها ببنود الكفاله صعصع إو ساگ الغيوم العالنهر والجو صفاله
* * * لا تگول السيف آيه إو تنحدر منه الزلازل قوة الساعد حكيمه إتباشر أعضاء المناضل ساعد العباس ساعد حيدر الحرب السلاسل
* * *
مثل طي اسجل ذيچ الخيل بالصارم طواها إو منهو يگرب للشريعه إو بطل من هاشم ولاها إشلون ما يشرب الماي إو چبدته العاني ضماها
* * * ترس من الماي جوده إو سدر ظامي إو ما تهنه مسرع إيريد المخيم والمگدر أدنه منه گطع بالصارم يمينه إو باليسار النوب ثنه
* * * إنلسب گلب حسين لمن صوت إجاه إمن الشريعه إو صاح خويه إنكسر ظهري إو طاحت إبيوت الرفيعه إهتزت أركان المخيم وإنهدم خدر الوديعه
* * * (تمت)
«شيعتي» عباس لو عدَّو اصحاب السعاده
لوثبت قبله الكون وكبر وصوته ايتراعد والرمح انوه الإقامه وپركع ابچفه المهند تهاوت الإجلال سيفه الروس فوق الارض سجد
* * * ولو تخيل نيص چنه وبظهر ضاري تخيل ومن يسل السيف چن الموت من الغمد ينسل ومن ثداي الرمح ثغر الكون يروه اسموم هلهل
* * * لو سفر عن باعه چن امضيف الركبان أسفر اضيوفه وحش الفله والها إگروم بالميدان جزر والورد دم ايتفايض من نحور الشوس فجر
* * * استكشفت روح الفراسه وبيها من علم القياسه الروح بالفارس غريزة لاچن الفن بالدراسه اليسوگ الروح والفن عالفعل دم الحماسه
* * *
انشدت دستور الحرايب على الرايه وعن فضلها وادرست عزت الرايه وفضل حاملها من اهلها اشما تضم الرايه ساده ايسيد بيها اللي حملها
* * * انشغل فكري بها الشهاده وانشغف فكري ابهواها شفت الها إرجال صفوة الباري بالحكمه اصطفاها وساد ابو السجاد بيها وللوغه دارت رحاها
* * * على الناس امن الولاده زاد عباس افتخاره من بطن ايمان اشرق گمر وتهلهل انواره حسين للمسجد تعنه ايصيح يا بويه البشاره
* * *
استبشر ابمولوده حيدر والحسين ابنور عينه الطفل بگماطه تمغط واظهر العوده يمينه لليمين انتحب حيدر وثگل لليسره حنينه
* * * بدت للعباس خوه للحسين وجلت همه طفل چان ابحجر حيدر والحسن وحسين يمه حسين گال الماي اريده وشالت العباس همه
* * * أخذ من أُمه الماي ورجع والچاس اعله راسه على امتونه ايفيض مايه وما يحس من الحماسه طفل والممشه تضهده لاچن ايمشيه باسه
حنية اضلوعي وهاي للباري إراده * * * الحالة حسين وعضيده گلب والدهم تگطع وبنصب عيناه صارت كربلا وشاهد المصرع وگام يتصور مصيبة زينب وفجر المدمع
* * * (تمت)
«شيعتي»
خطة افنون الحرايب للحرب حيدر رسمها ابحبر من دم والصحيفه الموت والصارم قلمها والرمح تصديق رسمي الخطة الصارم ختمها
حفظ دستور الحرايب من أبوه اوجمع حرفه لو زحف عالكون مهره يستمر الموت زحفه هذا وصفه البالفراسه اوبالحسن حاير شوصفه
گمر من هاشم تجله ابسمه العلية اوسطع ضيه امچلچلة اعليه الذوايب والذوايب هاشميه امبسل ابسمح الشمايل والشمايل عسجديه
من بنه عرش الديانه حيدر ابذات الفقاره اوبي رفع تقرير قدسي والقدس صدق قراره السلطنه بسم الحسين اوبسم عباس الإماره
قائد الفرقه الشريفه حامل امن الشرف سبعه درگته التوحيد والتوحيد حصنه اوسور منعه مطوس ابإيمان گلبه اونسج بالإيمان درعه
من ركز عباس رمحه اورايته اترف اعله راسه اوصاح يرجال الفراسه اوحيـّته ارجال الفراسه وابگوات الباس نهضو شدّو الهالدين باسه
ابنصرة حسين برجال الدين ابوفاضل تآزر وزم لواء الحمد بيده اوكربلا صارت المحشر والصراط الحومه صارت وابن حيدر صار حيدر
(تمت)
«شيعتي»
طير سعد العهد غنه والعهد زهرت أيامه والشهاده ابثغر باسم صدت ابوجه الإمامه وانتظم جيش المنظم من التكوين انتظامه
والقلم باللوح ارسم لعد هذا العلم صوره وارسم الهاشم گمرها وزهه بأفق العلم نوره وحرز للعباس موقف حيه الاسلام بظهوره
من ظهر سر الحقائق للأمور السرمديه شما تضم خزنة اللوح من العهود العبقريه اظهرت لحسين كلها وصدق الباري ونبيه
صد ابو اليمه العضيده وعارضه نور ايتهلل يعباس العلم بسمك يوم تكوينك تسجل شروط يوم الغاضريه من تزم الواك تكمل
يعباس النوب اريدك تعتني الزينب عنايه وعلى راس اختك يخوها تنشر ابچفك الرايه وهيه تعلم بيك حد الغانمه وبيك الكفايه
|
