(1)
«شيعتي»
لاتظل يا صاح تبحث بالمناهج والطرائق إتبصر إبنور ألإلهي إو صير من هالنور واثق هذا نور إلبيه تمشي الناس بدروب الحقائق
نور من أفق الشهاده وإبسماء الغاضريه گمر من هاشم تجله بالنجوم الهاشميه فرج للشده شعاعه إو يگضي حاجات البريه
لا تشك يا صاح لو شاهدت من هالنور آيه نور سرمد وإيتشاهد من مصابيح الهدايه ألله يشهد بيه محمد فرض عالناس الولايه
جمل الباري محمد من بهائه ومن جماله إو لعد هذا النور محفظ جعل مشكاة الرساله إو من رسول ألله تبادر نور لأرباب العداله
للبشر جاعل الباري عقل متنور وكامل والحواس الخمس بيها إتميز الحگ من الباطل وألأشباح الخمسه من هالنور يتبادر مناهل
روح أبو فاضل فضيله والفضل ثوب إيحلاله جاهد إو ناضل الدينه منشكر جهده ونضاله باهل الكوفه وأهلها إبشفرة السيف إبتهاله
سجل التاريخ يوم الگمر هاشم ما تصوّر الحمزه والعباس چنه مثل حيدر بالمشاطر إو طاح بحجور الشهاده طيحة الطيار جعفر
(تمت)
«شيعتي»
* * * كل بطل حسب إقتداره يشد مسند بالبطوله إو مسند العباس سامي يا سعد حظ الينوله إو نشر للإسلام رايه إو نشرة إفروعه إو أصوله
* * * بيَّض إوجوه القياده گمر هاشم بالقياده إبكربله إو سجل صحيفة سعد بأقلام السعاده إو عالقلم توفيقه يملي إو حبره من دم الشهاده
* * * إشلون نشرة علم حلوه نشر بحدود الكفاله من تكفل خدر زينب ما گصر جهده إو نضاله علم هز الكون علمه الموت يرجف من إخياله
* * * إشلون ملگه إشلون وگفه بين مكفول إو كفيله والعتب صار إيتناگل والدمع فجر مسيله وإبطرف راية وليها إتعلگت روح العقيله
* * *
عونچ إو عيناچ يختي صاح أنه بدر الهواشم خل يلزمون الشريعه تنضح إلماي الصوارم للخيم ردي يزينب أمّني إگلوب الفواطم
* * * ساگ غيم العالشرايع واليسوگ الغيم صعصع والبريج إيخطف عين الكون والسيف إيتلامع گمر بموسط الشاطي نزل والنور إيتشعشع
* * * حمل جوده إو صدر ظامي الگلب حماي الضعينه عارضه سيف المگدر گطع يسراه إو يمينه إو بالعمود إنفضخ راسه من توله السهم عينه
* * * (تمت)
«شيعتي»
خضت دستور الأفلاك وشاهدت للگمر حاله يبزغ ونوبه يغيب ونوبه يتجله ابجماله وبالشهر يكمل ابليله ويسفر بليلة كماله
اتبصر ابها الگمر عقلي وجمع فاكرته وحواسه يقتبس من سنى القدرة ولامن الشمس اقتباسه گال هذا الگمر نوره امن الأزل نير أساسه
ينخفي نور المشارق لون جو الكون أظلم ولو سفر عباس وجهه يجلي غيم الكون والهم وتسفر الدنيا وتهلهل لو فتح وردة المبسم
بالوفه اتشعشع جماله وفرط الأخلاق البهيه وخالطت نوره الذوايب والذوايب هاشميه حلت وأحلت بالشمايل والشمايل حيدريه
جمّله الباري ابجماله ورشحه ابنور الاطاعه عمد نوره من الوطيه ايطاول العليا ارتفاعه وعين كل مشرق ومغرب تخش متچابس شعاعه
هذا وصفه البالمحاسن وخذ من زودة الحمايه من توزم بالضعينه والتكفل حمه الرايه السيف من سالم يمينه أده للسيف الكفايه
ولعد زينب گر نواظر من تچنه بوجه زينب من اجت بالطفل ضامي ونار چبد الطفل تلهب وفطر سهم العطش گلبه وچنه مزهور ايتگلب
ترس من الماي چفه وعذل روحه وماتهنه من ذكر سكنه العزيزه تجذب على الماي ونه اشلون إله اويا النفس خطبه مثلت روح المحنه
اشلون إله اويا ألعلم موقف قدست موقفه الهمه ساعة الگطعو يمينه للعلم باليسره زمه ومن هجس طاحت يساره بالزنود الصدره ضمه
من حضر مكسور ظهره حسين عد مصرع عضيده وشاف ابو فاضل ايجود بنفسه والروح ابوريده وانگطع گلبه اعله اخيه من لوه اعله الموت جيده
(تمت)
«شيعتي»
طالع ابتاريخ هاشم يالتدور عالرياسه واخذ مقياس العوالم وانظر ابعين القياسه وشوف ضرب السيف إلمن وإلمن اتلوگ الفراسه
كل عميد امن الهواشم مثل العباس زوده ( أحد ) سوّه الغاضريه ومثل الحمزه وجوده الحمزة والعباس چنه لونشر بالوغه اجعوده
|
