المنظورات الحسينية ـ 4 166

(44)

يا قمر العشيرة

سدوا الماي الماي

يا ضوه عيوني

يامن الهاشم گمر

وانته ملزوم إبهاي

يا ضوه اعيوني

* * *

اطلعت من برج السعد بت علي واتگول		يا سعادتنا
يالمطوگ بالعهد اوحارس المسؤول		عن كفالتنا
دنت ساعات الجهد والجهد مبذول		دون خـوتنه

إشـرد عليها العباس

ما تنشدوني

صاح آنه الموت الحمر

چى يمربيچ الخطر

وآنه سيفي ابيمناي

يا ضوه اعيوني

* * *

صاحت ادري ابشيمتك لليريدك عون		تلزم احدوده
خويه وادري ابهمتك تنسف المسكون		تعدم اوجوده
ياعجيد اورايتك ما يضمها الكون		ابعـزمك او زوده

ضنوتي او لو ظنيت

صدگت اظنوني

بيك يا رب الوفـه

راحتي اوعيشي صفه

ابنزلتـي وابممشاي

يا ضوه اعيوني

* * *

بالخيم سكنه اسمعت صوت بحر الجود		ويّه عمتها
اطلعت لاچن شطلعت		او شچت حالتها
يعم عطشانه اصرخت والچبد ممرود		ماي رادتها

المنظورات الحسينية ـ 4 167

يعم وابهذا الحـال

لا تخلوني

يعم چـاتلني الضمه

او نار گلبي مضرمه

وجمر تجـدح عيناي

يا ضوه اعيوني

* * *

ناده يا سكنه ابورع دخذي يالتردين		ماي من عيني
والله لو بيدي تگع رخصه من حسين		چان شفتيني
ما يهم عمچ فزع وأگلب للمصوبين		بس تحشميني

واليهمون الكـون

ما يهموني

هالحرم ومخيمي

او كربلا والعلگمي

تدخل ابسور احماي

يا ضوه اعيوني

* * *

زينب اوسكنه اوگمر هاشم ابحالات		من مصيبتها
من المخيم ظهر صوت والحسرات		تشب جمرتها
إمن الظمه چبدي انفطر مات طفلي مات		علت صيحتها

إمحيره بيّه اوبيه

لا تخلوني

ماي اريـد الهالطفل

اوخل دليلي يشتعل

واينشف ابجسمي المـاي

يا ضوه اعيوني

* * *

حنت اگلوب الوفه واخذته من امه		زينب الكبره
وابحنان اوعاطفه اتحبه اوتشمه		والكفل أمره
شهر بيده مرهفه والعَلم زمّه		ومن لكـد مهره

صـاح يختي ابمسراي

لو تفگدوني

المنظورات الحسينية ـ 4 168

وانتي يا بـت فاطمه

بالعيال اموزمه

اوسايريها ابمسراي

يا ضوه اعيوني

* * *

إرشد إرشد نيتك أوفي وعـدك روح		وإخذ ماضيها
والعيال إبغيبتك من نمير الروح		ماي أسجيها
والتضل ابذمتك للإخو مسموح		اخته توفيها

إواصبر اعلـه المقسوم

والصبر عوني

وصبري يرعالك حرم

جهدي يوفيك ذمم

اوما يگـصر مسعاي

يا ضوه اعيوني

* * *

(تمت)

المنظورات الحسينية ـ 4 169

(45)

بطولة العباس عليه السلام

صفت الخيل الخيل

هـا يخياله

وين اليهيج ابعزم

هاشم إسباع الخيل

ها يخياله

* * *

من وصـل طف كربله

ضعن أبو اليمه

اونزل بحدوده

گام ابن عقد الوله

للعلم زمه

اورفرف ابزوده

اوشد وسام المنزله

بساعد الهمه

اوخطب بجنوده

والفـرع كون ايعيد

ماضي آصاله

يخوتي اوعدكم نزل

وابأصلكم متصل

اوضللو إعليـه تضليل

ها يخياله

* * *

صاحت إرجال الهمم

عونك اوعيناك

شد يا جيدومه

هاشم ابيوم الصدم

للحرب وياك

تاخذ اعلومه

نـدري ياراعي العلم

گصدگ اومنواك

خطط مرسومه

المنظورات الحسينية ـ 4 170

ابخطتك للإسلام

ريحت بـاله

نصـرة حسين للگصد

اومنوتك يوم النكد

نذكـر الله ابتهليل

ها يخياله

* * *

صـاح فاروق اللوه

يمن بالكونين

للشرف مصدر

هـذا وادي نينوى

اوهذا يوم حسين

والسعد جهجر

راي عالموت إنطوه

لنتصار الدين

وآنه ابن حيدر

اوساعدي ابحـد السيف

عاقد آماله

ياعمامي اويخوتي

هاكم اخذو ابصيحتي

نخوه واتشد الحيل

ها يخاله

* * *

إبشرإبشر يالصحـت

بالعزم والباس

تنعم اعيونك

طحنه گبلك لوطحت

والله ياعباس

ننذبح دونك

اونـدري بيك اتگفلت

زينب او لا باس

توفي يدرونك

والكفل خدر اعيال

يحرس اعياله

اوهاشم ابحـدك تگف

بالوفه اتمثل شرف

او بيها صـح التمثيل

ها يخياله

* * *

المنظورات الحسينية ـ 4 171

بشر ضنوة حيدره

الهاشم اوعدنان

وابفراستها

اوعرف يوم الزمجره

يخبط الميدان

دون نحوتها

صاح آنه البالگنطرة

إميدب الفرسان

وابشهادتها

أفگس ابرمحي اعيـون

گوم الضلاله

صارمي يوم الخطر

بالحرب يمطر حجر

وابحجر من سجيل

ها يخياله

* * *

لاحت اظهور الرمك

او صاحت للشجعان

شاهدك زودك

يا گمر هـاشم ملك

گلبك الإيمان

وازهر اوجودك

بالوغه اتدير الفلك

او تنسف الجيمان

همة اجنودك

والهمم بالميـدان

تنسف اجباله

بالرمـاح المُشرعه

وإلسيوف اللامعه

اتـدمر اصحاب الفيل

ها يخياله

* * *

خلدت هاشم مجد

لعد يوم الدين

فخر يكفيها

وارصدت بالطف رصـد

عزة الدارين

المنظورات الحسينية ـ 4 172

او حيت ماضيها

فازت ابجنة الخلد

يذكر ألتبيين

كل مساعيها

والعمل خيـر ايشوف

ناتج اعماله

حكمة البـاري اقتضت

اوبالكتاب اتدونت

اوبالرسالـه التفصيل

ها يخياله

* * *

(تمت)

المنظورات الحسينية ـ 4 173

(46)

العباس بن علي حامي الحمى

حي العلم حيـاه

والناشره ابيمناه

من حده ابناگة زينب
* * *

يالرايد العنوان		عن زينب او طلعتها
دسمع او شوف اشچان		متگيد ابخدمتها
چم فارس او حران		متواضع الهيبتها
والملتزم بسنان		رمحه ايحمل گبلتها

سار الضعن بحماه

والنصر سار اوياه

من حده ابناگة زينب
* * *

نور الجلاله أسراج		يتشعشع ابطلعتها
والكوكب الوهاج		متمركز ابعصمتها
منفرش بالديباج		للمالكه او رفعتها
الهودج عرش والتاج		راية زعيم اخوتها

او روح القدس بسماه

يتمثله اويرعاه

من حده ابناگة زينب
* * *

المنظورات الحسينية ـ 4 174

او صفوة رجال الدين		صفت ابحد الهودج
او للأمر متمثلين		ومصدقين المنهج
اوسيدة حور العين		منها الدليل اتبهج
ابراية عضيد حسين		راس العقيله اتوج

محلا السعد محلاه

يتشعشع ابمعناه

من حده ابناگة زينب
* * *

الهودج بجو النور		تخطف الكون انواره
وعلى الخطر منشور		من هيبته القهاره
اوتزهي ابأفقه ابدور		هاشم او سرها استاره
والملتزم مذخور		من اليحامي جاره

متنومس ابمبـداه

للشرف يتعلاه

من حده ابناگة زينب
* * *

وابخطة الأحكام		خدر الأعيال إتنظم
او سار الركب بجدام		تثبت ابحد الملزم
والقائد المقدام		بالغانمات اتغنم
من لزم بيده ازمام		ناگة البيها اتوزم

هالغانمه تلگاه

محرب يهز الواه

من حده ابناگة زينب
* * *

المنظورات الحسينية ـ 4 175

عالضعن گام ايطوف		والرايه متكللها
واينادي خلها اتشرف		زينب التتأملها
وابمهجتي والشوف		خلها اتدلل خلها
ابسوگ الجهاد أچفوف		يوم العهد بعتلها

حي اليبيع إدماه

للسدرت بحماه

من حده ابناگة زينب
* * *

ما گصر المجهود		ضنوة علي بفعاله
زم أعله متنه الجود		وأتنحر الخياله
رايد ابماي الجود		يروي ضمير إعياله
وأتعرض العامود		راسه او دنت آجاله

وافه العهد وافاه

بالواجب الأداه

من حده ابناگة زينب
* * *

(تمت)

المنظورات الحسينية ـ 4 176

(47)

إستغاثة الحوراء زينب بأخيها أبي الفضل العباس عليه السلام

«بحر الطويل»

يبن أمي إنگطع گلبي		وعيني ظلت إربيّه
وين العلم وين الجود		وين إچفوف راعيه

* * *

زينب عله التـل إتصيح		لحد يا حماة الجار
علينه حرگو إخيمنه		إو بينه ما دريتو إشصار
وين إللي تطفي النار		بالنار وتشب النار

وين إلمـا تلمها إدروع

وين إلما تهاب إجموع

وين إلما تعرف الروع

وين إمدربة حيدر

وين التحيي ماضيّه

* * *

يهل الخيل إجتنه الخيل		وين إللي ترد الخيل
وين إللي تشد الحيل		بالحيل وتهدم الحيل
هيجو إمن الثره هيجو		حرايركم ولاها الليل

لتخلوهن إبهالحال

يالمتوسدين إرمال

نزل عدكم إو بيه إعيال

إو نزل إلما إله حمّاي

تتهدم مبانيه

* * *

شاطت للمعاره إتريد		تـدوّر جسم أخوها حسين
نوبه إتعثر نوبه إتگوم		ما تندل دربها إمنين
متگلي إشتشوف العين		لو فگدت إصبيها العين

المنظورات الحسينية ـ 4 177

إو ظلت بالمعـاره إتحوم

إو عالغبره تشوف إجسوم

رميّه إمغسله بدموم

والريـح إبعجاج الخيل

چفّنهم إبذاريه

* * *

إو من شافت وريد حسين		مگطوع إو يسح دمه
إنغشه إعليها إو هوت فوگه		إومن مجره إلدمه إتشمه
تگله سهم البگلبك		شعل گلب إختك إبسمه

يهل نايم عله الغبره

إو دم طبره إبأثر طبره

جسمك من سحگ صدره

إو ظهرك يا بعد عيني

ليش إضلوعه محنيه

* * *

يبن أُمي إخلصت روحي		شلي إبروحي عگب روحك
دم تتفايض إجروحي		إو مجراهن من إجروحك
نشف ريع الگلب موحه		يخويه من نشف موحك

خليني أرد أموت إوياك

ما أگدر عله فرگاك

يبن أُمي وعگب عيناك

يرميني إبسهم چتال

لو شامت يصد ليه

* * *

إو صـدت للشريعه إتصيح		عسن لا چان ردت الماي
حياتي إنعدمت وشنهي		حياتي من عگب ولياي
ردت بالماي أبرد إحشاي		جمر خله إبضمير إحشاي

العذر لله يراعي الباس

شگولن شعتذر للناس

المنظورات الحسينية ـ 4 178

عله الماي إفگدت عباس

ريت العلگمي لا چان

نهره ولا جره ميه

* * *

يخويه إو ضربة العـامود		حالت بينك وبيني
وسهم إللي فگس عينك		مثل عينك فگس عيني
إلگطع يسراك ويمينك		گطع يسراي ويميني

وما عالينچتل معتوب

إو گطعنه للسعاده إدروب

رضينه بالذي مكتوب

إنته إعله النهر مطروح

وأنه للشام مسبيه

* * *

(تمت)

السابق

الفهرس

التالي