المنظورات الحسينية ـ 4 134


عباس هذا من اشتره الغانمه ابدمه ودعها يمه
وسلم مفاتيح الفرج عند أبو اليمه ودعها يمه
باب الحوائج والحوائج ما تهمه ودعها يمه
عالبعد من تنخاه يعلم ابمضمونك
بالغانمه يغنيك واغتنم ما يكفيك
بحرالكرم دونك
* * *
لوجتـّك اسهام العسر من گوس دهرك إدرع ابصبرك
وللما يعرف الغانمه لتوضح أمرك إدرع ابصبرك
واگصد صريع العلگمي لوضاگ صدرك إدرع ابصبرك
يابو الفضل ناديـه ويجاوبك عونك
او للمكرمه ينبوع من چفه المگطوع
بحر الكرم دونك
* * *
لوچتفك حبل العسر والعسر جمره لله اشكره
وصي دليلك للخلگ لايبدي أمره لله أشكره
اگصد الينبوع الفضل واسبح اببحره لله اشكره
ذاك اليحل احبـال عسرك من امتونك
واچسب الراحه اهناك واتشاهد ابعيناك
بحر الكرم دونك
* * *


المنظورات الحسينية ـ 4 135


ياصاح لو طحت ابمخاليب الرميه حل للقضيه
ايمان گلبك والصبر خلهن سويه حل للقضيه
عند النزل للعلگمي وما شرب ميه حل للقضيه
ذاك اليعرف ادواك ويطفي چانونك
وبحكمته ايداويك وبالمعجزه ايراويك
بحر الكرم دونك
* * *
عباس من روه السهم من ماي عينه جـاهد الدينه
اوشع نـور صبره امن السهم واحنة اهتدينه جاهد الدينه
والفجرت بحر الكرم گطعت يمينه جاهد الدينه
وانشد أشراف النـاس خلهم يخبرونك
للشرف باع اچفوف طب الضريح اوشوف
بحر الكرم دونك
* * *

(تمت)



المنظورات الحسينية ـ 4 136


(33)
العباس وزينب عليهما السلام

«ميمر»

طلعت تحشم زينب وينك يـراعي الرايه
لن گمر هاشم عونچ ايناديها
* * *
طلعت الحـره من براجيع النور تحشم وليها ابگلب ضامي ومجمور
يالبيك صيوان الفواطم معمور
يابـو الفضل يمهذب بحماك هاي الثايه
نعمين وانت موزم تحاميها
* * *
من سمع زينب طفح عزمه الطفاح شمر الساعـد والسعد چوچب لاح
بوجهه وتچنه وگصده زينب ترتاح
استرت وديعة حيدر نادت يبدري الازهر
ادري ابشجاعة والدك حاويها
* * *
من شافت الرايه اندهت راعيها عباس هذي رايتك تدريها
بيمن اختصت والمن امرشحيها
هالرايه المحموده ساعد الزمها ابزوده
الله ورسوله العودك امرشحيها
* * *

المنظورات الحسينية ـ 4 137


بهالرايه عـودك خاض ربع المسكون هالرايه لو رفت رجف گلب الكون
هالرايه صبت على احزاب الطاعون
هالرايه فتحت خيبر هالرايه للحق مظهر
هالرايه دين الله تأيد بيها
* * *
بهالرايه مترتب نظـام الاسلام هالرايه شرعت للديانه احكام
هالرايه آيه ونص عليها العلام
بهالرايـه سر امطلسم بهالرايه اسم الأعظم
بهالرايه ساد اعله الأمم هاديها
* * *
هالرايه نـادت ياعلي ارشدني منهو كفاتي اومنهو اليأيدني
عگبك ومنهو بالوغه ايشيدني
گلها اذخرتلچ عينه عباس وتوشفينه
يرضيچ وعيون الوغه ايبچيها
* * *
هالرايه سرها والدك بعلومك وظلت عگب عينه اترجه يومك
للحرب تنشرها ابجبيلة گومك
يابو الفضل هالرايه منك تريد احمايه
واشروط ابوك الرايته اتأديها
* * *

المنظورات الحسينية ـ 4 138


وآنه ارد اذكرك يالجبتني بحماك زينب أنا وبخدري عودي اشوصاك
وحسين سلمني يخويه ابيمناك
واليوم يوم الخوه ادريك راعي امروه
حي انته واختك تذل متخليها
* * *
لاچن يبو فاضل بچاي ونخـواي لطفال اخـوك الذوبت شحم اچلاي
مجموره من العطش وتريد الماي
ناداهـا عونچ عونچ يختي لگر اعيونچ
من ماي عيني المهجتچ لرويها
* * *
والعطش يابـدر الهواشم اثر نيران بچبود الفواطم تسعر
والطفل دلاله انمرد وتفطر
ضـامي وتغير لونه لجودك ايدير اعيونه
وام الطفل حال الطفل يشچيها
* * *

(تمت)
المنظورات الحسينية ـ 4 139


(34)
زينب والعباس عليهما السلام

«مجرشه مذيله»

حي عبـاس وإعلومه شد عله الحوممه
بالغاضريه قـرر بإسم الحسين وسدر
بالبتار مرسومه شد عله الحومه
* * *
لو ردت دستور الحرب بالمدرسه الدينيه إدرس نظامه
مدرسه وچشاف الكرب أسسها للحربيه وإدرس عمامه
وعباس من حيدر گلب بالغارزه القدسيه وأصبح علامه
للكرار وأسراره وذات الفقاره
رب البريـه صور درة فراسة حيدر
للعباس مقسومه شد عله الحومه
* * *
لو صك حريبه الملحمه وإختلف وضع الحاله والحرب دمدم
تتحجل الخيل إبدمه ومن چبدة الخياله يتفجر الدم
ما يمد إيد الغانمه إبزم الحرب واهواله غير المجدم
والميدان وأهـواله عينة رجاله
يوم الفـزع وأخطاره هاشم تشد الغاره
والعباس جيدومه شد عله الحومه
* * *

المنظورات الحسينية ـ 4 140


لو نشر گلبه إعله الزرد وإعله الـگلب إيمانه شيحمل زوده
ويهلهل إبوجه السعد يتجسم إبوجدانه وإبضي سعوده
يا فارس اليگدر بعد يتصارع إبميدانه ويمّن وجوده
والعباس من عوده همّته إو زوده
إبوجـه الحرب لو كبّر خله الرمگ تتعثر
والفرسـان منجومه شد عله الحومه
* * *
من يعبس الكـون وعله بيها الظلام وعسعس يـوم المنيه
برسوم إبن عقد الوله صبح الهمم يتنفس ينتشر ضيه
وإبساعده الصارم حله وعگر إخيول الفُرّس بالغاضريه
نور ونـار يتبادر من بدر ألأزهر
بهمته النـور أنواره والنار من بتاره
والإيمان برسومه شد عله الحومه
* * *
باللوح من خط القلم والقلم بيد القدره والحبر نعمه
سجل لبو فاضل علم ينشر الدين إبنشره بإسم أبو اليمه
علم الفراسه والهمم من صدر أبوه إبصدره دارت الحكمه
بإسم السيف والساعد يرسم قواعد
حرب البطين ألأنزع عباس بيه إترعرع
وإمغذيه بعلومه شد عله الحومه
* * *

المنظورات الحسينية ـ 4 141


لو رفرف إبچفه اللوه رفرف عله راس الدين جنح السعاده
وإبساعده وسيفه إنطوه إزمام النصر من حسين أمر القياده
فاز إبشهادة نينوه وإمسجله إمن التكوين بإسم الشهاده
شوف الجاد بچفوفه والزوده شوفه
يفرح إبيوم الريبـه يشهدله ثدي النيبه
راضع بيه من يومه شد عله الحومه
* * *

(تمت)
المنظورات الحسينية ـ 4 142


(35)
وحي الشعور

«تجليبه»

زينب حشمت عباس واليها كف زايد الخيل اهنا يفاعيها
* * *
زينب هلهلت له والدمع منهل يسيف حسين يلي بساعده منسل
يمخلي الضياغم للوحش ماچل يجيدوم الوغه ولزّام تاليها
* * *
يا صياد وين الصيـد يا ضرغام يا حران يا طعان يا صدام
خوفي من الدهر ياخوي والأيام لختك عگب عزها ابذل تخليها
* * *
يمحطم الإرگاب بسيفك اللماع يا موت الـزلم يمخيف يا رواع
الحريم ابشيمتك يا سورها المناع ثلث تنعام وانت الملتزم بيها
* * *
گلها اتشجعيني يابت مـأوى الضيف يختي اتوزميني بالحرم هالچيف
وأنا العباس المصيت حليف السيف شجاعة حيدر الكرار حاويها
* * *
عد عيناچ يختي وما يضيمچ ضيم من تعبس الدنيا والمنايا الديم
( صعصع ) وكـِّله البـاري يسوگ الغيم وغيوم اعداچ اخوچ إموكل إعليها
* * *

المنظورات الحسينية ـ 4 143


تگله امهذب ومنعـوت اعرفنك بثدى الموت راضع والحرب فنك
لاچن الفواطم رايده منك الماي الماي آه العطش ماذيها
* * *
التزم بالمـاي صول والعلم بيده فارس هاشم ويوم الحرب عيده
رج الكون رج إوأخذ صنديده وذل اگرومها ويدب طواغيها
* * *
شد واشتد عزم راعي العزم والباس زبد وأرعد تچنه وصـاح انا العباس
عيب إعله الشرايع ظل بعد حراس شلها وشالها وشلع مساميها
* * *

(تمت)
المنظورات الحسينية ـ 4 144


(36)
الراية الخالدة

«مجرشه مذيله»

رايتك يا راعيها راعيها
حيدر ذخرها الكربله واتروع الكون اوهله
سر اسم الأعظـم بيها راعيها
* * *
طلعت المتهاب الخطر من الخدر مسروره اوفرحانه
شـافت لعد هاشم گمر مثل علي ابكل صوره عنـوانه
وابذروة الرايه سفر للفلك يسطع نوره ابإيمانه
صـاحت هله اومية هله بحزامك السيف ايحله
بالماضيات اعلومك من يومك
يالمثلت عقد الوله بحماك هاي العايله
ماغيرك اليحميها راعيها
* * *
عباس رادك والدك تنطي الحرب مرسومه بعلومه
بالغاضريه ايشاهدك يومك يمثل يومه بعلومه
شد على الصـارم ساعدك واتچنه عالملزومه بعلومه
عباس هذي ساعتك ولِوعودك أوفي ذمتك
والجهد يوفي الذمه بالهمه
للدين جـود ابنصرتك واخبط الحومه ابرايتك
اولحسين اخذ صافيها راعيها
* * *

المنظورات الحسينية ـ 4 145


صد يا حليف الغانمه لمخيمك واعياله ابيا حاله
انظر ودايع فاطمه من العطش واهواله ابيا حاله
اوطفل الحمل جمـر الظمه وايلوّع إبدلاله ابيا حاله
والمرضعات اللايـعه من العطش متلوعه
سوي الحرمكم چـاره من ناره
اورايتك بالله امـودعه وگوم التگف عالمشرعه
طي السجل تطويها راعيها
* * *
صد الوديعة حيدره ناده يزينب هودي بوجودي
سموني سبع الگنطره والغانمات اشهودي بوجودي
كوني ابرغد يمخدره دونچ لذب مجهودي بوجودي
لا تهمين ابغربتچ كفي يزينب دمعتچ
هاچ اخذي ماي اعيوني يعيوني
بالمـاي ردي الخيمتچ من مهجتي اومن مهجتچ
لعيال اخوچ اسجيها راعيها
* * *
نادت يبن عودي علي ما گصرت ويايه ابمسرايه
فصم اعجود السمهري اوهز ابيمينه الرايه بالثايه
ناداها يختي اتدللي هاچ الفرات اومايه بالآيه
تدريـن يختي ابصارمي جيش اليگف عالعلگمي
يخبط المـاي ابدمه وايزمه
وادري يخويه ابصارمك او راية الدين اتحشمك
لـو حشمت حييها راعيها
* * *

المنظورات الحسينية ـ 4 146


واسمعت لابن أمى خبر يمرد يخويه أُفـّادي ابهالوادي
من يگف مكسور الظهـر هل من مجير اينادي ابهالوادي
عباس اوصيك ابمسر گلب الرسول الهادي ابهالوادي
لحسين حافظ خوته وانصر الدين ابنصرته
ضحي لخـوك ابشوفك واچفوفك
وامن الأجر جنحان إلك بيهن تطير اوبالملك
وابجنتك تلـگيها راعيها
* * *

(تمت)
المنظورات الحسينية ـ 4 147


(37)
راية العباس عليه السلام

«مجرشه مذيله»

رايه او بيد راعيها والنصر بيها
يالتنشد اعله الرايـه اگصد للمسانيه
واخـذ اعلوم ماضيها والنصر بيها
* * *
هاك أخذ عنوان اوخبر راية علي المشهوده اوحكمة قضاها
تزهر مثل شمس الدهر عالعلگمي اوبحدوده عالي ضحاها
واترفرف ابذروة گمر هاشم اوتنشر زوده بارض اوسماها
وللإسلام مرصدها إومانعة حدها
متعنونـه ابحاملها خلها تدلل خلها
اوهل عنـوان يكفيها والنصر بيها
* * *
هالرايه تأسيس الشرع بيها ثبت بنيانه اومنهج نظامه
والدعوة الهـادي درع يكشف رمي عدوانه لو نشرت أحكامه
هالرايه مصبـاح او تشع بالعالم او سكانه اليوم القيامه
للتوحيد تعريفه وللعـدل سيفه
والعـوج تكسر عوده وإعله المشرِّع جوده
او للحاجـات تگضيها والنصر بيها
* * *

المنظورات الحسينية ـ 4 148


هالرايه لو ما ينعقد بيها النظام السامي بسيوف أهلها
ما بقت بأرض الطف رصد بالعالم الإسلامي ويركن ابظلها
قايس يمن عندك رشد خوض ابّحرها الطامي واعرف فضلها
منهو الـچان ناشرها والمن ضخرها
حيدر نشرها ابگومه اوعباس اخذها ابيومه
إوبإسم حسين صافيها والنصر بيها
* * *
رايه اوعلت وامهلهله ابجو العزم والهمه مظهر كرامه
واليعتنيها امن المله مهموم تكشف همه او تسعد أيامه
وصيوانها ابطف كربلا شمل الإسلام ايلمه باسم الإمامه
راية جـود تتنسب للكفل زينب
للرايه بـاع اچفوفه نوّر ضواها ابشوفه
اومشعل نور تلگيها والنصر بيها
* * *
رايه او تركزها الشيم والدهر ما يطويها او ترغـم دهرها
ما يحصى معناها القلم رب العله امعليها عندك خبرها
نور المعاجز والحكم منها اوتشعشع بيها ابزهرة گمرها
نور ابنور يتبادر من شبل حيدر
والرايه تحچي ابزوده واتخلدت بوجوده
او للرايات تطويها والنصر بيها
* * *

المنظورات الحسينية ـ 4 149


راية وفه ابذروة حمه مو رايه لاچن آيه وامطلسميها
اهنا يهل عندك موزمه إگصد لعد هالرايه واعرض عليها
گبلك وديعة فاطمه يوم اللفت شچايه اتعلگت بيها
واحنـه ابيوم شدتنه اوساعة المحنه
للرايه والصاحبها بالغانمه الطالبها
او جود ايفيض جاريها والنصر بيها
* * *

(تمت)



السابق السابق الفهرس التالي التالي