«نصاري» مصاب الطفل
* * *
(تمت)
الطفل المنحور
(تمت)
الطفل الرضيع عليه السلام
جواب ولدها الرضيع
عن لسان حال الرباب (عليها السلام)
(تمت)
الفصل الثالث
ويشتمل على القصائد التالية:
«شيعتي»
چني بحسين اوعضيده طبَّو الخدر العقيله وكل فرد منهم ابجمر الصبر يتحمس دليله حست ابغربتها زينب صاحت ابونه ثجيله
اسهام گوس الصبر صابت ضامر العالم العلوي وصوت نايبة المصيبه بالأفلاك السبعه يدوي وانكسف بدر الحياة وگام نجم السعد يهوي
وچني ابطير المنايه يرفرف ابجو المصيبه ويگطع احبال المواصل بين محبوب وحبيبه وچني بگلوب الامان املذعه ابجمرة الريبه
وگف سير الفكر مني لاچن إبحد المخيم وصاغي ابسمع العقيده وباكتشاف الحال مهتم وشفت ريحانة محمد واسمعت كلما تكلم
صد ابو فاضل الزينب ناده عد عيناچ شوفي كون اضحيلچ رگبتي واصخي ابگطعة اچفوفي وسهم المفارگ يصيبچ من يصيب السهم شوفي
نادته أدريك توفي والوفه جوهر صفاتك وراضع ابثدي الموده والموده ثمر ذاتك خدري وشمعة حياتي تزهر ابشمعة حياتك
يخوتي هالخدر بيكم وبمواضيكم ترتب وعگب هذا النور چني بيه اشوف النار تلهب وچني بالگوم ادهشتنه ناس تحرج ناس تنهب
* * * يخوتي أديتو حگ الخوه ويايه ابوفاكم لاچن اشبيدي عليكم سهم المگدر رماكم وحگ خوتكم يخوتي لألزم الحد ابحماكم
* * * (تمت)
«شيعتي» يالتودعوني إو تلچمون گلبي
* * * چني اسمع صوت زينب بالأفلاك السبعه يدوي من أستار الخدر يظهر يصعد إلعالم العلوي يا إلهي إو هذا عهدي إگبالي چالمصباح يضوي
* * * إشما أوصّف خدر زينب وحگ زينب ما أغالي إبگلب صيوان الرساله إمركّز إبقمة معالي إمستّر إبيض الهنادي إمصگر إبسمر العوالي
* * * ليلة إوداع الهواشم ما مثلها إتصير ليله إومثل ونة گلب زينب ما علت ونه ثجيله مو وداع إتگول جمره إبگلب مكفول إو كفيله
* * * إبهدوه من ليلة العاشر زينب إخوتها إعتنوها إو ثگلو إجدام الوداع إو للوديعه إيودعوها تضرب اليمنه إعله يسره إلبت رسول ألله لگوها
* * *
هالله هالله إشهالوداع الزلزل العالم رهيبه إو گوس المفارگ إسهامه الگلب إلمفارج نصيبه إو فاضت إدموع إلمحنّه إو خمّدت نار المصيبه
* * * تعلم إبصدره إيتكسر والشمر يگطع وريده حيـِّته إبصدره إو تشمه إو ردت النوب العضيده هاك روحي إو جيب روحك وآنه عنك مو بعيده
* * * حين أتصور خيمكم تسعر النيران بيها إو حين أتصور حرمكم عگب عزها إميسريها وإعله نوگ الهزل تمشي إو بالحبال إمچتفيها
إو عالمعاره من تمرون بينه
* * * (تمت)
«شيعتي» زينب والحسين إو گمر هاشممصيوبين بمصاب الفواطم
زينب إبليلة العاشر جاعده إتحسب بأمرها لن تشوف الشمس بزغت والگمر يزهي إبخدرها حسين والعباس عدها إو شوفة إخوتها تسرها
حسين للتوديع واجف والمنايه إتحوم دونه زينب إو بدر الهواشم للعتب يتناگلونه گطّعو گلب الحسين إو ذوّبو شحمة إعيونه
هالله هالله إشلون صده صدت الحره الوليها عينها إبوجه الحسين إو لازمه الرايه بديها إتريد متمانع أخوتها والفراگ إيعز عليها
إگعدو عد زينب أخوتها والفلك وضعه تغير إو صاح أبو السجاد عندچ علم يمودعة حيدر إحنه قسمتنه الشهاده إتسجلت من عالم الذر
إهنا يريحانة محمد غربتچ هدمت حيلي آنه أدري إشيمر بيّه إو يا سهم يگطع دليلي آنه زينب والكفلني عدل وأرد أنشد كفيلي
إتجلدت بالصبر زينب واليسر لبست إثيابه إو ما دريت إشلون ردت لبن والدها جوابه إرشد إرشد للشهاده والعهد صفّي إحسابه
بعد إوصّيچ إبوصيّه لو چتل بالطف گضينه لو حده الحادي إبسبيكم مُرّي للتوديع بينه إو حگ لبو فاضل يزينب ظل عليچ إو تعرفينه
(تمت)
«شيعتي»
وگفت إبصدر المعاره إو شابچه إعله الراس عشره إتشوط نوبه إو تگف نوبه إو نوب تسگط عله الغبره هذا لتشمه إبوريده إو ذاك التحبه إبصدره
ليش متوسد الغبره يا ثمر گلبي وخليلي گوم لفرشلك چبدتي إو نام وإتوسد دليلي لون ما عندي يتامه چنت أگضّي إوياك ليلي
ودّعت جسم الشهيد إو حنّت إو ونّت وناحت إمتربه إمخضبه إبدمه إو بإنكسار الگلب گامت وصدّت إلشاطي الفرات إو وين حامي الضعن صاحت
إيهون هذا ألأمر وإختك ترعه لعيال إبّدالك إو خايفه إمن الليل لو جن منهو يحرسلك أطفالك إو منهو يتفگد يتامه حسين وإيرچد إعيالك
إو چني أسمع صوت من المشرعه الزينب يجيها إمودعه يمخدرتنه إو للعيال إتكفليها إو مثّلي يختي دلالي إو للفواطم دليها
|
