(تمت)
«حسيناوي + عجز دارمي»
(تمت)
«فائزي» زينب تنعت للمعاره إتنادي يحسينوإمنين إجتني كربله إو هالنايبه إمنين * * * يحسين يبن أمي إو ثمر گلبي إوخليلي سهم المرد گلبك مرد گلبي إو دليلي إو ظلت إعيوني ساهره إو ما نمت ليلي وأحسب إحساب الغربتي وأصفج بالإيدين * * * ألله من شافت وليها إعله الوطيه طاحت عله جسمه إو تجر ونّه خفيه يحسين كلمني إبجاه أُمي الزچيه يا جرح گلي ضاهدك يا قرة العين * * * يا ريت سيف الحز ويدك حز وريدي إو خنجر الگص إيدك لونّه گاطع إيدي يحسين أريد إوياك أظل لو يطح بيدي ويّاك أظل إبلا غسل وإبغير تكفين * * *
وأحنت ضلعها إو شمت حسين إبوريده وإتجلب إجروحه إو تدوّر عاليچيده زينب لعد إصواب المثلث تريده وإمنين صارت طبـّته والمطلع إمنين * * * ودعت جسم حسين عالغبره رهينه إو گامت تحوم إعله الجثث وَلْها إو حزينه وإتصيح وين ألأكبر إو جسّام وينه إو لن جاسم إبدم رگبته إمخضب الچفين * * * صاحت إمبارك حنتك يا مهجة الروح تتناك رمله إو جاعده لفراگك إتنوح ما درت بيك إمخضب إبدمك إو مذبوح وأخذت النار إمصيبتك ويّه الصواوين * * * (تمت)
«ميمر مذيل»
(تمت)
«دارمي»
يا خويه خليناك عالغبره عاري إمغسل إبفيض إدماك والچفن ذاري روحي بگت وياك والجدم ساري أمشي وأدير العين للغاضريه * * * أدري إبسهم مسموم چبدك تگطع وإصوابه مگبل صار والمگفه مطلع إبذاك السهم يحسين گلبي تلوّع سمه إبضمير إحشاي ناره سريه * * * يبن أمي أدري الخيل هشّمت صدرك إو بيدي عله التربان وسدت نحرك يا خويه وإبممشاي حيرني أمرك لاچن إفراگك صار غصبٌ عليه * * *
غصباٌ علي يحسين عالغبره عفتك والحجر لو ما چان يفضخ جبهتك ما چانت إمن السوط تتلوع إختك نوب أنطي متني ونوب أشگف بديه * * * إبحالة غصب يحسين عنك مشينه يبن أمي منهوبين وإمگيدينه إتجدد عهدها إوياك رادت إسكينه مانعها ضرب السوط من آل أميه * * * يبن أمي من إعداك أرد إشتچيلك مثل السهم يحسين أمرد دليلك وإنجرحت إمن الطوگ رگبة عليلك گلبي إحترگ من نار ونته الخفيه * * * لو طفل من الجور تغمض إعيونه من عله الناگه إيطيح لمّن يجونه من عوض ميسلوه ويرچبونه بالخيزرانه إيگوم من عالوطيه * * *
يبن أمي يا هي إتهون وأصبر عليها إشحال الحرم لو راح منها وليها إو طبت الكوفه إشلون يبن أمي بيها إصواب الشماته إصواب علته خفيه * * * وإلما عليها العين تغمض جفنها والنايبات إبنار روحي سلنها يبن أمي طبت الشام ما أشد منها وافتني گبل الشام ريت المنيه * * * يبن أمي سوط البيه متني تألم يبن أمي ذاك إيهون لاچن ألأعظم سوط إبن هنده إلبيه ثغرك توسم (ثغر اليقبله چان سيد البريه)(1) * * * وإصواب فوگ إصواب ماضي إبگلبي إبقسمة الباري إرضيت والباري حسبي وإگضيت وعد إلبيه واعدني ربي وإمن اليسر رديت وإصوابي بيّه * * * (تمت)
«ميمر مذيل»
(تمت)
زينب إتنوح وتنادي والدمع هالي مني يا هالناس أضحه منفجد والي (إبضيعة حسين إو چفيلي ضاعت آمالي)(1)
إمحيره وتلوج ظلت بالمعاره إتنوح وتنخت إو تجذب الونّه من چبد مجروح ولن أخوها حسين عاري إعله الثره مطروح
وسهم المثلث إويلي نابت إبگلبه ونابته إبجسم أبو اليمه چم وچم حربه مرضرضه إضلوعه (وسافه)(3) إبحافر السربه
شافته مطروح أخوها سابح إبدمه ومنذبح عطشان ضامي والنهر يمه طاحت إعله حسين زينب تبچي وتشمه
نادته يحسين خويه يا شبل حيدر يا عزيز الروح نايم بالشمس والحر وعالثره مطروح عاري جسمك إموذر
نادته يحسين خويه منهو حز نحرك ومنهو بالحافر يعزنه إمهشمه إلصدرك ومن ذبح يحسين گلي طفل إلبكترك
بين ما تنعه وتخاطب عز بني هاشم لن إجاها السوط ويلي من زجر ظالم ودعت عزها رميه إعله الترب نايم
نادته أدريك خويه صاحب إمروّه وأنضرب يحسين دونك وأنسحب گوّه ادري متخليك تهجع شيمة الخوّه
أيست إو صدت تنادي حامي الضعينه من وطنّه إبشيمتك يا بو الفضل جينه إبولية العدوان بالطف لا تخلينه
(تمت)
«موشح» مرعلى الشاطي يحادي ارچابنهانريد للعباس نبدي اعتابنه
|
