الفصل الرابع
ويشتمل على القصائد التالية:
«شيعتي»
چني إبمصرع حسين اوگلبي لمصابه تفطر وعالأرض لله ساجد من ظهر مهره تكور إولا عظم سالم إبجسمه اولا ضلع ظل ما تكسر
چني ويـّه المهر حـاير والمهر حـاير إبأمره ايشوط نوبه او يرد نوبه او يحني عالمصيوب ظهره يشم خيـّاله ابوريده إويحط صدره فـوگ صدره
ومن هجم عسكر الكوفه المهر صد لحسين عينه اوشاف خياله رميه او سيفه طايح من يمينه او جال بالفرسان جوله إو چتل من عدهم العينه
او شاهدت للمهر حاله انصبت منها او زاد روعي من حنى اعله حسين ظهره كسر گلبي او حنه إضلوعي ادموع جسمه او دمع مهره دم حمر صبغت ادموعي
هالله هالله اشحال مهر حسين من رد الحريمه منذهل والسرج خالي يصهل إيصيح الظليمه اطلعت گبل الحرم زينب لزمت إبإيد الشچيمه
انصابت اگلوب العيال ابنايبه الما أشد منها من إجاها المهرخالي اوگطع من حسين ظنها يبست ابدمها الأرامل والمراضع جف لبنها
ويالمهر ترجف إعضامي من صريخ الفاطميه اومثل زينب صوبتني اسهام رمي الغاضريه واسمعت سكنه تنادي اتيتمت وانگطع بيه
(تمت)
«شيعتي»
* * * لفت زينب للمعـاره وإتّعكّز عالـرزيه شافت إشبول الهواشم وألأنصار إعله الوطيه إمغسله إبدم الشهـاده إمچفّنه إبذاري الحميه
* * * حنّت إو ونّت إو صاحت يخوتي دهري ولاني من رمـاكم عله الغبره إبولية إعداكم رمـاني إو صابني إبسهم الشماته إو فگّـّس إعيوني إو عماني
* * *
إمخدره عشت بحياتي إو لاغرب شافت خيالي يا هلي وإظلال بيتي إسيوف وإرماح العوالي كربله الهدمّت بيتي كربله الكفّت إظلالي
* * * إتگوم من يم جسم تگعد يم جسم والدمع هامل إو كل جسم خله إبگلبها النار تتواگد مشاعل لاچن الكسّر ظهرها جسم مسحون المفاصل
* * * هالله هالله إشلون طيحه طاحت إعله حسين زينب شبگته إو شمّت وريده إو گامت إبدمه إتّخضّب جمرة العطبت چبدك بيها چبد إختك تعطب
* * *
تبخ گلب حسين زينب چانت إبدمعة حزنها لن إجاها السوط من إيد الرجس طگها إبمتنها إو غصب عن جسمه إسحبوها وگطعت من حسين ظنها
* * * چني إبزينب غريبه وگطعت الظنه من أهلها إو صدت الشاطي الفرات ودمعة العين إتهملها وإلتهب جمر الموادع بينها وبين الكفلها
* * * چني إبزينب عله التل واجفه ومعلن نداها وين جيدوم الهواشم وين المشيد لواها گوم شوف إمخدراتك والفلك طرها وسباها
مدري أحاميلك حريمك لو تحاميني * * * چني أسمع گمر هاشم من عله الشاطي ينادي يختي كفّي العتب عني والعتب مرّد أفادي وجر النار إبدليلي إي وحگ جدچ الهادي
* * * إصواب البگلبچ ضهدني مثل عامود المنبه لا عضد لا شوف عندي والعتب يصعب عليه لون عندي إچفوف يختي چنت أحامي الفاطميه
* * * لون أدري الماي هيچي عمل يعمل بالفواطم نصبر إعله العطش چنه بس وجودك يظل سالم هاي أسرار إو إراده إتنفذت يا گمر هاشم
* * * إو چني بالعباس ناده إهنا يزينب يا غريبه حرگ المخيم حرگني إو وجر إبگلبي لهيبه مثل ما وجر إبگلبي جمر نيران المصيبه
* * * نادته إتهنه إبمنامك لسر گلبك وگر عينك وألله لحميلك خواتك وأحفظ إبعيني بنينك لاچن الگطعت گلبي شفرة الگطعت يمينك
* * * (تمت)
«ميمر مذيل»
(تمت)
«العجز هجري + حسيناوي»
* * *
|
