م . هـ . هـ . هـ(**)
1 ـ يَسـاري اخْبارْ لِلْمُختـارْ وَدْها
2 ـ وگِلَّه اللّي فَرِضْ عَالْخَلِقْ وِدْها
3 ـ چَتِلْ راحَوْا وَاشَدِّ الْخَطُبْ وَدْها
4 ـ بَناتَه امْكَتِّفَـه ابْديـوانُ امَيَّـه
هـ . م . هـ. . هـ(**)
1 ـ يَالّلـي اِلْـعِتْـرَةْ اِلـْمُختـارْ وَدْها
2 ـ رِسـايِلْ عَـتـَبْ لِلْـكَـرّارْ وَدْها
3 ـ أو فَصِّلْ لَه اِلْمُصيبَه اوْ گولْ وَادْها
4 ـ مُصابْ اِوْديعِـتَكْ راحـَتْ هَدِيَّـه
هـ . م . هـ . هـ(**)
1 ـ يَطارِشْ هَالرِّسـالَـةْ گـومْ وَدْها
2 ـ لَبويَ الـطُّبَرْ مَـرْحَبْ وِبِنْ وِدْها
3 ـ دَخِبْرَه الأصْعَبِ امْنِ الْموتْ وَدْها
4 ـ يَبويَه اشْمـاتَـةِ الـعِدْوانْ بِيَّـه
هزج(**)
1 ـ اعْيـوني بِالـدَمِـعْ أسْچِبَتْ وَالْجودْ
2 ـ عَلَهْ اللّي صارْ أبوهِ الْفَضِلْ وَالْجودْ
3 ـ هِوَه اعْلَـهْ الْعَلْگُمي وَيْـلاه وَالْجودْ
4 ـ اِبْكِتْرَه اوْ حـايِطَـه بِيْـه آلُ امَيّه
هزج(**)
1 ـ بَيَّنْ فَضْـلَ اَبـو فاضـِلْ وَجودَه
2 ـ دونِ اِبْـنِ الْـنَبي أفْـنـَه وِجودَه
3 ـ رِكَبْ غوجَه اوْ لِگَفْ سَيفَه وَجودَه
4 ـ يَبي يِسْگي عَطاشَـه الْغاضِرِيَّـه
هزج(**)
1 ـ وَحَگْ مَنْ لِلْخَلَگْ رَحْمَـه وَجودَه
2 ـ جِزَه الْحَدْ فَضْلَ ابو فاضِلْ وَجودَه
3 ـ أرْزَمْ وِالْـعَـلَـمْ شـالـَه وَجودَه
4 ـ نِصَه الْمَشْـرَعَـه وْلا هابِ المِنِيَّه
هزج(**)
1 ـ عَضيدي اللّي انْشِكَرْ سَعْيَه وَجودَه
3 ـ و ِلي بـاعِ الْعُمُرْوَارْخَصْ وِجودَه
3 ـ شَعـايِنْ بَيرغَـه ابْكـُتْرَه وَجودَه
4 ـ اوْ عَمَدْ راسَه الْكِسَرْ ظَهْري عَلَيَّه
هزج(**)
1 ـ يَذْبُلْ مـا حَمِلْ هَمّـي وَجودي
2 ـ إوْ لِحْسَينِ السِّبِطْ لَفْدي وِجودي
3 ـ يَزَيْنَبْ جَدِّمـي مُهْري وَجودي
4 ـ امْنَ ابوچَ انَه الذُّخُرْ لِلْغاضِرِيَّه
هزج(**)
1 ـ إمْنَ ابو الحَسْنَينْ مَرْجَلْتي وَجودي
2 ـ إوْ لَبو السَّجاد أنَـه باذِلْ وِجودي
3 ـ الرمُحْ وِالسَّيفْ وِالرايـه وَجودي
4 ـ شايِلْهِنْ لـَمـااتجـيلي الْـمِنِيَّـه
هزج(**)
1 ـ صِدِگْ يِحْمَرْ وَغاها مِنْ وجودي
2 ـ إبْعَطَشْكُم مـاقِبـَلْ وَاللهِ وِجودي
3 ـ هاتي بَيَرغي اوْ سـيفي وَجودي
4 ـ لَجيبِ الْماي گُوَّه امْن الُ امَيَّـه
هزج(**)
1 ـ أنَه زَينَبْ يَگَلْـبي اِنْحَبْ وِلي جودْ
2 ـ وِلي أعْلَه الصَبُرْ مِلْكِيَّـه وِلي جودْ
3 ـ وِلي إعْلَهْ المشرعه رايه وِلي جودْ
4 ـ تِمَـزّگْ وِانْـهِـدَمْ بَيتـي عَلَيّـه
هزج(**)
1 ـ اِلدَّهَرْ لَمْلَمْ لي اِذْيابَـه وَسودَه
2 ـ او أيّامي صُفَتْ گَشْرَه وَسودَه
3 ـ ذاكْ اِلْچِنْت إلَهْ سَـيِّدْ وِسودَه
4 ـ صُبَحْ يِتْهَكَّـمْ اِبْحُكْمَـه عَلَيَّه
هزج(**)
1 ـ إمْتوني امْنِ الضَّرُبْ وُرْمَتْ وَسودَه
2 ـ أصيحَنْ وَانْتِخـي ابْحَيدَرْ وِسـودَه
3 ـ يَبـويه احْسـَينْ جَمَّعْلَـه وِسـودَه
4 ـ مِنِ الـتّربانْ وِ عْيـالَـه سِـبِيَّـه
هـ . م . م . هـ(**)
1 ـ هِرِشْ گَلْـبي تِلَـوَّه اوْ ذِبَـلْ عودَه
2 ـ عَلَه ابْنَه انْخِطَفْ وَجْهِ احْسَينْ عودَه
3 ـ يَمَنْ رَدّيْت يـوسِـفْ عَلَـيْ عودَه
4 ـ أُريـدِ اتْـرِدْ عَلي سـالِـمْ عَلَيَّـه
هـ . هـ . م . هـ(**)
1 ـ يا ذيچِ اللّيالي الـزِّهَتْ عودي
2 ـ تَراني امْنِ النّوايِبْ ذِبَلْ عودي
3 ـ يَعَمَّه انْصِدَعْ گَلْبي الْفَگِدْ عودي
4 ـ عَزيزِ اوْ فَرْگِتَه تِصْعَبْ عَلَيَّـه
هزج(**)
1 ـ يِگِلْها اصْغي الأذِنْ سِمْعي وُعودي
2 ـ بِعيدَه امْسـافِـتَـه رِدّي وَعـودي
3 ـ تِگِلَّـه الْـوالـدي وَدْنـي وَعودي
4 ـ أشِمْ نَحْرَه اوْ أخِبْرَه اشْصـارْ بِيَّـه
هزج(**)
1 ـ اِلِحْسَينْ ابْهَج الْگَلْـبي و َلا عودْ
2 ـ اوْ عَنْ دَرْبَه فَلا أرْجَعْ وَلا عودْ
3 ـ لا أُمٍ مـِثِـلْ أُمَّـه و َلا عـودْ
4 ـ مِثِلْ عودَه الْوَصي حامي الْحَمِيَّه
|
