م . هـ . م . م(**)
1 ـ صِدِگْ مَعْروفْ بَعْدِ الصَّبُرْ يَسْرَه
2 ـ إوْجَدْ حادي ظَعَنَّه اوْگـامْ يِسْرَه
3 ـ خِذونَه الْگـومْ بَعْدِ احْسَينْ يَسْرَه
4 ـ إوْ شِفْنَه الضَّيْم بَعْدَ اهْلِ الحَمِيَّه
هـ . هـ . م . هـ(**)
1 ـ روحَه مـا تِهابْ اِلْـمـوتْ يَسْرَه
2 ـ اِو گَـلبْ اِلْـيِعْتِني اِلْعَبّـاسْ يَسْرَه
3 ـ اِلصِّراطْ اِلْچانْ رِدْتِ اتْعَرِفْ يَسْرَه
4 ـ اِچْفوفَـه اِلْبيهنْ اِتْداعـي اِلزِّچِيَّـه
هزج(**)
1 ـ هَالْدِنْيَـه اعْسِرَتْ يَمْتَـه يَسَرْها
2 ـ إوْ بَعَدْ ذاكَ الْخِدِرْ زَينَبْ يَسَرْها
3 ـ أمَيَّه كَـتْلَ ابـو الْيِمَّـه يِسِرْها
4 ـ إوْتِهَلْهِلْ بِالْقَصِرْ لِـبْنِ الدِّعِيَّـه
هزج(**)
1 ـ الشِّمْرِ حادي الإبِلْ بِلْها يَسَرْها
2 ـ اِبْشَماتَه اتْيَمِّنَتْ وِ الذِّلْ يَسَرْها
3 ـ الْچان الْها ابْمَدَه الْخُوَّه يِسِرْها
4 ـ هَسَّه اصْبَحْ قَتيلِ الْغاضِرِيّـه
هزج(**)
1 ـ الشِّدايِدْ و ِالْعِسُرْ بِاسْمـَكْ تِيَسَّرْ
2 ـ اِعْلَه اِبِنْ وِدْ مِنْهو الْغَيرَكْ تَيَسَّرْ
3 ـ الْعَجَبْ كلِّ العَجَبْ زَينَبْ تَيَسَّرْ
4 ـ وِهي تِنْخاكْ يا راعي الْحَمِيَّـه
هـ . هـ . هـ . م(**)
1 ـ يَنْورْ الله اِشْتِفَتْ يَمْنَـه وَيَسْرَه
2 ـ عَبْدَكْ ثَرْوِتـَه مِنَّـكْ وَيُسْرَه
3 ـ يِرْيدْ اِوْصُحْبَه اِلصِّحَه وَيَسْرَه
4 ـ لِلْـبَحْرَينْ مَكْـفِـيِّ اِلأذِيَّـه
هزج(**)
1 ـ اِتْمَچَّنْ بِالْگَلُبْ جَرْحـي وَيَسْرَه
2 ـ عَفاني احْمِلْ صَبُرْ وَالله وَيَسْرَه
3 ـ عُگُبْ ذاكِ الْخِدِرْ حَسْرَه وَيَسْرَه
4 ـ وَارافِجْ زَجِرْ مِنْ غَصْبَنْ عَلَيَّه
هزج(**)
1 ـ اِلْيِمَّـه تِنْصُـبْ اِبْعاشـورْ عَشْرَه
2 ـ عَلَه اِلْداسَتْ اِضْلوعَه اخْيولْ عَشْرَه
3 ـ مَتِنْسَه الشّابِچَه اعْلَه الرّاسْ عَشْرَه
4 ـ او مِتِنْسَه اچْفوف أبو فاضِلْ وَخَيّه
هزج(**)
1 ـ زِمـانـي لا شَمِـلْ خَلَّـه وَعِشْرَه
2 ـ إوْ لَـحَّدْ وَنْ رُبُـعْ وَنّـي وَعُشْرَه
3 ـ إلْخِيولِ اعْلَهْ الْخِدِرْ هِجْمَتْ وَعَشْرَه
4 ـ عَلَـه قُرآنْ صَدْرِ ابْـنِ الزِّچِيَّـه
هـ . هـ . م . هـ(**)
1 ـ وَحَقِّ اللّي حُفَظْ مـوسى مِنِ الشَّرْ
2 ـ ريجي امْنِ الْحِزِنْ أصْبَحْ مِنَ الشَّرْ
3 ـ إشْحالِ احْسَينْ يَالْـوادِمْ مِنَ الشَّرْ
4 ـ يَزَينبْ بِالْعَجَـلْ لِحْگـي عَلَيَّـه
هزج(**)
1 ـ إلي عَتْبَه اعْلَه ابو فاضِلْ وَشَرْها
2 ـ إبْوِجودَه ما شِفِتْ ضَرْها وَشَرْها
3 ـ عَلى راسي خِذَه الرّايَـه وشرها
4 ـ وِجَتْني مِنْ عِوَضْها اسياطُ امَيَّه
هـ . هـ . هـ . ر(**)
1 ـ إبْنَفْسي لَگْصِدِ الْعَرْكَـه وَخاطِرْ
2 ـ لَخَيِّي روضْ كُـلْ وافِدْ وَخاطِرْ
3 ـ إلْخاطِرْ جَدَّكِ اوْ عودكْ وَخاطِرْ
4 ـ أُمَّكْ تِكَلِّـمْنـي اوْ تِصِدْ لِيّـَه
هزج(**)
1 ـ يَحِگْ لِلْجَعْفَرِيَّه اگـلـوبْ تَنْطَرْ
2 ـ اِلسِّبَبْ بِالْغاضِرِيَّه اِضْلوعْ تَنْطَرْ
3 ـ يا ابْنِ العَسْكـَري لِلْـدينْ تَنْطَرْ
4 ـ يوْ تِرْضَه تِجِينَـه الْجاهِـلِيَّـه
هـ . ر . م . هـ(**)
1 ـ أرُبْعَـه اعْلَـيهُمِ الـدَلاّلْ يَنْطَرْ
2 ـ اِلْهُمْ عَـزِمْ ثابِتْ عَـيبْ يَنْطَرْ
3 ـ وِالْـعَبّاسْ راسَـهْ ابْعَمَدْ يِنْطَرْ
4 ـ ذِخُرْ زَينَبْ عَلَه الشاطي رِمِيَّه
هزج(**)
1 ـ النّاسِ اِلْها قَصِدْ يَحْسَينْ وَانْظُرْ
2 ـ الْغَيرَكْ ما أديرِ الْفِكـِرْ وَانْظُرْ
3 ـ الْعادَه بَسْ أحِسِّ ابْكِدَرْ وَانْظَرْ
4 ـ اَنِدْبَكْ مِسْتِجيرْ اِوْهـايْ هِيَّـه
هـ . م . هـ . هـ(**)
1 ـ إلْمِنِيّه ابْمَرْهُفَه ايْسومـَه سِعِرْها
2 ـ اِلْكوفَه اِبْنارْ شَرْها اَنْشَبْ سَعَرْها
3 ـ ساعَـه اِيْحـيرْ بِالْشِـدّه سَعَرْها
4 ـ يِميطِ اِبْعَزِمْ مُسْلِـمْ عَالْـسِرِيّـه
هزج(**)
1 ـ وَيـنِ الـْشَچَّـلِ اذْراعَـه وَسافَرْ
2 ـ إوْ ضُوَه ابْلَيلِ الْوَغَه وَجْهَه وَسافِرْ
3 ـ يِصيرَ ايِّسْ يَبـو فاضِـلْ وَسافِرْ
4 ـ يِسيرَه اوْ بِالْـعِدَه مالـي تِچِيَّـه
|
