1 ـ گلبي إبيا سبب يبني وداعي 2 ـ تصد عني إو لا تسمع وداعي 3 ـ أنا ما طالب إبحي وداعي 4 ـ گلي إوداعة الله إو هاي هيه
1 ـ يالأكبر هاك إخذ گلبي وراعه 2 ـ يبني وإدرع إبصبره وراعه 3 ـ وخذ الماي من چبدي وراعه 4 ـ إتغذه إبمهجتي إو شد عالمنيه
1ـ عجز چفي ولا ينگل يراعي 2 ـ إو دوم الحزن بگليبي يراعي 3 ـ ما واحد بگه إلزينب يراعي 4 ـ عگب عباس حماي الحميه
1 ـ ضربني الشمر بسياطه ولي راع 2 ـ يخايب راجب الباري ولي راع 3 ـ حرمه وأگطع البيده ولي راع 4 ـ أبولية كفر ما عدهم حميه
1 ـ چم دوب أحمل الشوغات ويراع 2 ـ إو گلبي إمن الدهر مرعوب ويراع 3 ـ إگطعتها باليسر وديان ويراع 4 ـ وأخوتي إمصرّعه بالغاضريه
1 ـ وحگ سورة بره إو ياسين ونزاع 2 ـ ما ينـّزع مني الحزن ونزاع 3 ـ أخوي إلما شفت له إعلاج ونزاع 4 ـ وكت موته وأتچيله بديه
1 ـ رُبح كلمن إبهذا الحفل ساعه 2 ـ وإبرزقه إمن إله الكون ساعه 3 ـ إنولد سبط الرسول إبأجل ساعه 4 ـ إمن أجل أم وأبو فوگ الوطيه
1 ـ وحگ من طاف حول الحجر وساع 2 ـ كظيم إو جرحي من هظم وساع 3 ـ إنگظه عمرك يجون إوياي وساع 4 ـ إتركني إو لا تظل محتار بيه
1 ـ الجهاد إمن إخوتي دربه وساعه 2 ـ تلم الكون ميلمهم وساعه 3 ـ يفرحني الدهر ساعه وساعه 4 ـ عليه إيلملم أحزان البريه
1 ـ سره جدمي إبحزن لهلي وساعه 2 ـ فگدهم جرح دلالي وساعه 3 ـ أميل إعله الصبر ساعه وساعه 4 ـ ألج بالنايحه غصبا عليه
1 ـ يمن روضك ينوف الخلد لوضاع 2 ـ إلك ناظر يصد ويشوف لو ضاع 3 ـ وترك يبن حامي الدين لوضاع 4 ـ بعد سيفك ميامر بالمنيه
1 ـ العاذل ما برح يحچي وناعي 2 ـ وأنه أفدي حسين بوجودي وناعي 3 ـ فجيعه ناعيه تنعه وناعي 4 ـ ملت سمعي إو سطت بالدهر هيه
1 ـ زينب ما تنام الليل ربعه 2 ـ أخيها إنچتل وألأنصار ربعه 3 ـ إو عنها الگمر غاب وچان ربعه 4 ـ الدنيه مظلمه إبهاي المسيه
1 ـ إمدوهن لا خميس أعرف وربعه 2 ـ حزين الحيهم الموحش وربعه 3 ـ أون لم البنين أفدت أرُبعه 4 ـ ولدها للحسين إو گضت هيه
1 ـ نص الليل ما نامه وربعه 2 ـ وشوف حسين جدامي وربعه 3 ـ روحي أرد أقدمها وربعه 4 ـ قرابين ألإبن حامي الحميه
1 ـ حب حسين چلمه من طبعها 2 ـ تحبه الناس كلها من طبعها 3 ـ دم العين كتت من طبعها 4 ـ حمره إتصير من غصبن عليه
1 ـ وحگ أول إملبّي البيت ودع 2 ـ إو من يشفع إبيوم الضيج ودع 3 ـ إلزهره إنفجعت إمن حسين ودع 4 ـ گبر جده إو گبر أمه وأخيه
|
