1ـ أگول إبيقظتي إو لا هجر بالطف 2 ـ تكمل الناس حج البيت بالطف 3 ـ وأنه محرم صبحت اليوم بالطف 4 ـ أحج كعبة ذبيح الغاضريه
1 ـ إلك شمة نسيم الخلد والطف 2 ـ تطيب إللي يمر يحسين والطف 3 ـ إشعمل دمك إبهالوديان والطف 4 ـ نسيمه أطيب من إجنان العليه
1 ـ ولا خطوه المشاها المهر ولطف 2 ـ من طب نينوه بحسين ولطف 3 ـ اليشير إبوعد وإبهه إو أدق ولطف 4 ـ إشما مركوب بدّل هاي هيه
1 ـ يكت الدمع ما فد يوم كفه 2 ـ علّي بالشريعه إنگطع كفه 3 ـ أداها ألأخوه الگمر كفه 4 ـ إبوسط العلگمي إو ما شرب ميه
1 ـ دب جيش الكفر للطف بلالف 2 ـ حاط الخيم ومصول بلالف 3 ـ تگل عباس بت حيدر بلالف 4 ـ منهو إيصدِّره زيسعد خويه
1 ـ مو ألفين يالغايب يوالف 2 ـ سبعين ألف غدروكم يوالف 3 ـ عجيبه سيفك لغمده يوالف 4 ـ وشباه الكفل وتر الهاشميه
1 ـ وحگ حسين وأجداده وخلف 2 ـ أبد ما ميل عن دربه وخلفه 3 ـ گصد للملحمه مسرع وخلفه 4 ـ خبب تتخطه أجدام المنيه
1 ـ وين الطارش اليحضر وكلفه 2 ـ يصل حيدر إبكل عزمه وكلفه 3 ـ يگله يا علي صعبه وكلفه 4 ـ تظل هالحرم بين إعلوج أميه
1 ـ أخيّچ دوم للعركه ولفها 2 ـ إبعيني واحد العشره ولفها 3 ـ لطوي الخيل بالعسكر ولفها 4 ـ ولا خلي من الكوفه بجيه
1 ـ ولف واتلگت الحومه ولفها 2 ـ ولا دونه إثبتت ميّه ولفها 3 ـ نحرها إو كارها إو لمها ولفها 4 ـ العساچر من صرخ بالغاضريه
1 ـ أريد أبچي أو أهل الدمع يا سيف 2 ـ إبجب أهويت يشبه لعد يا سيف 3 ـ لون بيه إستقام الدين يا سيف 4 ـ إخذني إو خل يتم الشمل بيه
1 ـ طاهر من رجس لحسين ونضيف 2 ـ للحبه گلب مفتوح ونضيف 3 ـ إدخل بالگلب يا محب ونضيف 4 ـ روح وگلب وعيوني هديه
1 ـ رق جسمي لمصاب حسين واشراق 2 ـ أو لجله صرت أغص بالماي واشراق 3 ـ إله غيبه إبحجور البيض واشراق 4 ـ على روس الرماح السمهريه
1 ـ محب حسين ويه الحق وفاقه 2 ـ عله إعله الباطل إبحگه وفاقه 3 ـ إبدينه فقر ميصيبه وفاقه 4 ـ إو آخرته إبجنان ألله الزهيه
1 ـ أقسم بالنيأ والتين والحق 2 ـ طريق حسين هوه العدل والحق 3 ـ أتمنه الزمن ينعاد والحق 4 ـ دمي إبدم ضحايه الغاضريه
1 ـ إشكثر فكري إبكتاب العمر ورّق 2 ـ إوسهرني إبليل إشتاي ورّق 3 ـ لتلوم الگلب لو ضعف ورّق 4 ـ شيبني مصاب الغاضريه
|
