1 ـ يطيب ألإسم وازكى الناس وصلاك 2 ـ ما أگدر أمر إعليك وصلاك 3 ـ علي ما حسبت ينگطع وصلاك 4 ـ إو تالي شوفتك حسره عليه
1 ـ يجري إببحر دمعي سفن وفلاك 2 ـ أخيب أمن إخوتي ماگلت وفلاك 3 ـ بره الصانع لجلنه الكون وفلاك 4 ـ صدگ لعلوج أميه أمشي سبيه
1 ـ يمن حكمك جراه ألله علملاك 2 ـ مته تنشر يبوصالح علملاك 3 ـ إبچتل حسين ما واصل علملاك 4 ـ أو نساه المشت للطاغي هديه
1 ـ يخويه ما وصل عني علملاك 2 ـ سبوني إو حزني عم حتى علملاك 3 ـ لون ميطيح عالشاطي علملاك 4 ـ مچنت أطلع يبو فاضل سبيه
1 ـ يمن تبچي البشر لجلك وألأملاك 2 ـ إو كل گلب اليودك بي وألأملاك 3 ـ نخيتك لا ضخر عندي ولا أملاك 3 ـ سوه حبك يبن سيد البريه
1 ـ علي متشوف أبوك حسين شملاك 2 ـ إو غيرك بالملك يالولد شملاك 3 ـ گلت شملي تلمه إو يتم شملاك 4 ـ مگلت إتروح يوليدي إمن إديه
1 ـ يمن أشرف أبو إبهالكون وملاك 2 ـ إبعيدك سجدت ألأفلاك وملاك 3 ـ لجل نهجك نضحي أرواح وملاك 4 ـ إبطريقك ما نهاب إمن المنيه
1 ـ هزك بالمهد جبريل لولاك 2 ـ تظن سارت سفينة نوح لولاك 3 ـ إلوف الدارت إعله حسين لولاك 4 ـ حمل وأنثر بثثها إعله الوطيه
1 ـ يگلبي إشعودك عالهضم وادماك 2 ـ أظن سهم المصيبه أرداك وادماك 3 ـ لو من حرمله وافاك وادماك 4 ـ سهم نحر الطفل بالغاضريه
1ـ وحق الشرفك يحسين واسماك 2 ـ يبن فاطم إبلب الگلب واسماك 3 ـ أشوف النظميبن الطهر واسماك 4 ـ حرز لي كل صباح إو كل مسيه
1 ـ وحگ وصفك يرب العرش وسماك 2 ـ علي ضاگت إبحزني ألأرض وسماك 3 ـ قدر حسين فوگ النجم وسماك 4 ـ صدگ تطحن إعظامه إخيول أميه
1 ـ الباري يا حسين هذبك نظماك 2 ـ بدينه لو يطح بالگلب نظماك 3 ـ يضيع حاشه إبو السجاد نظماك 4 ـ أو حاشه إتخيبك أمه الزچيه
1 ـ يتيم إنته إو قضه المحتوم عماك 2 ـ شباب إربعطعش ما وصل عماك 3 ـ صحت عمي يعگلي إشبيد عماك 4 ـ لون بيدي إدفعت يبني المنيه
1 ـ يجدمي لعد حفل حسين سهماك 2 ـ إو يف إللي عله ألأعداء سهماك 3 ـ يخصمي إنته الحقد والحسد سهماك 4 ـ وأنه سهمي الفرح لبن الزچيه
1 ـ يمهر حسين شو تسحب بعنّاك 2 ـ الخيالك حچي عندك بعنّاك 3 ـ علم شوم إمن أصد وأنظر بعنّاك 4 ـ إخبرني إشما جره إبراعي الحميه
1 ـ إبحب حسين يالمعبود مناك 2 ـ زور وحج يمسلم نول مناك 3 ـ الميهوه حسين خله إيروح مناك 4 ـ ما ريده ولا يخطف عليه
1 ـ وهن گلبي ينور العين وهناك 2 ـ إو حلالك بالشريعه النوم وهناك 3 ـ رضيت إتروح للشامات وهناك 4 ـ عداك إمعيده وإتشمت عليه
|
