«هجري»(1) سايره الدنيه بهلها مثل عيس الهايمهتحمل الماي إبظهرها إو دوم چاتلها الظمه * * * ناعم إملامس الدنيه لاچن إيزول الحياة واليلامسها إيتلسع بألأذناب أللاسعات لو ردت برهان قاطع جرّب إتشوف الممات لامس الحيّه تجدها إشلون سلسه أو ناعمه * * * لو تشوف إزمام دنياك إبيمناك إنطوه لا تظن للصبح شمعه إيدوم إلك منها ضوه لو ردت شاهد إسليمان إتسخَّر له الهوه وين گلي صفه إسليمان إو عرشه إو خاتمه * * *
الدنيه لو شاورت فكرك لا تشاورها إبأمر (تجنب)(1)الظاهر إو خوض الباطن إتشوف المكر هذا كون إو فلك دوار إو شانه إبكل عصر يجعل الدنيه الدنيّه إبوجه واحد باسمه * * * لو چنت قارون عصرك لا تغرك ثروتك إبماي عين أللطف ساقي فرع شجرة نعمتك خاف بيك ألأرض تخسف وإتسجل دعوتك وتنسأل بحساب ألأموال أمام المحكمه * * * لا تحث جدامك الدنيه إو بعزم غيها تزوم هاي زومه الطاح بيها بعد لتظن بي يگوم إبهاي يشهد لك القرآن يخبرك ما تدوم لا چن إيغرك الشيطان يگلك دايمه * * * أرض غي دنياك صبخه بيها لا تغرز شجر إو لو غرسته إيروح تعبك هدر ما يحصل ثمر لو ردت شاهد إو برهان إلك نص الخبر من الصبخه إو من ثمرها (لا)(2)لترجه غانمه * * *
من جهل نفسك إو دنياك الباري حذرّك إبمحكم التنزيل آيات إو بيهن أنذرك إنچان فكرك من التفسير عجز وإتعذرك طالع إبنهج البلاغه إتشوف شرح الترجمه * * * لو ردت من المهالك تبرح الدار السلم أبد لا تكتم شهاده إو من ينصبونك حكم علم لا تظهر الباطل لا تضم للحگ علم لا حرام إتحلل إو لا حلال إتحرمه * * * إتجلد إبجلمود صبرك لو شفت دهرك جفاك إحتسب هاليوم باچر تتسع باب النجاك إو لو يوصّوك إبوصيه حافظ إحگوگ الوصاك مثل ما حافظت زينب حگ وصية فاطمه * * * تدري إبهاي الوصيّه فاطمه إشچانت تريد إهنا يزينب لو عزيزي حسين ظل بالطف وحيد لا معين اليذب عنّه إو لا نصير إو لا عضيد
من تخوصر بالمخيم جذب من چبده الونين إو صاح حل الوعد يعيال إو بألله إمودعين
حنَّت إونت أم كلثوم إو نادت يا غريب عِلم الفراگ إبضميري إنطبع وأثگب باللهيب أسلمت يحسين للموت والمفارج جريب
سدر من عگب الوداع حسين والضامر جريح وبضعيف الصوت خلفه سدّرت زينب تصيح نوب تعثر نوب تنهض نوب عالغبره تطيح
نادت إكشف لي وريدك يا شبل داحي البوب عرف شنهو گصد زينب رفع عن صدره الثوب
إتعلگت زينب بخوها إو للمدينه إتوجهت من گلب مرعوب يم الحسين يالزهره إصرخت چان إلچ عندي أمانه إو لبن الساعه إوصلت
هاي شمّه إو بعد شمّه شمّت حسين الشهيد من بگت جثته بلا راس رميّه إعله الصعيد إتخضبت من دِمه إجروحه إو شمّته من الوريد
(تمت)
«هجري» النفس تعلم بالقيامه إشقدمت وشأخرتإشتعتذر من ينشدوها إشلون باعت وإشترت * * * يا سفيه الرا ي غير إللي توثق بالدهر يظن ما تنفني الدنيّه خابت إظنونه إو خسر غرز شجرة طمع بيها إو منها يترجّه ثمر أظن ما سامع أخبار (إذا العُشار عُطّلت) * * * (لتتجسر)(1) عالمعاصي إو ياخذك بألله الغرور خمّس إو زكي أموالك محتسب كون إو شكور لا يغرك حسن دنياك تره الدنيّه تمور إيميد تشييد البناء (إذا السماء إنفطرت) * * * إنتبه وإجمع أفكارك بالجهل لا تنغفل (لتتحزب)(2)بالضلال إو لا تلم للغي شمل تنفصل كل ألأحزاب إو شمل ثابت ما يظل ما سوه الباري يدوم (إذا النجوم إنكدرت) * * *
يمن بالميزان تطغه إو عن قسطها منحرف بخس ألأشياء إشيفيدك من موازينك تخف يا من إبزهرة أيامك وإبهواها منشغف وشتفيدك زهرة ألأمس (إذا الشمس كورت) * * * حَرَّم أخذ (الربا) الباري إو بيه بعضا عاملين الويل الكم يا من الحگ اليتامه غاصبين إشلون تنكر هالجريمه إو عله إمتونك كاتبين إبد ما تخطي إبحروف من (الصُحف إذ نشرت) * * * والذي يحضر شهاده إو من شرحها يختلس إيشارچ المجرم إبجرمه إو من ذنوبه يقتبس والذي إبدنياه طاغي إو يستحل قتل النفس إشيعتذر لو صار (سؤل بأي ذنب قتلت) * * * لا تبث بالناس فتنه(أمضه)(1)كل السيئات إو بعد أبيّن لك الغيبه ذاهبه للحسنات إو لا تصد بالحسد لو شفت المباني الشامخات تنهدم يوم ألأهوال (إذا الجبال سيرت) * * *
تحث نفسك عله التوبه إو تود للباري تتوب لكن إيماهدك عنها إبليس (يشرع)(1)لك دروب إيگلك إصبر بعد حين إو ألله غفار الذنوب توب من ينفخ الصور (إذا القبور بُعثرت) * * * إبهاي صح المثل إلنه الضاربيه العارفين التهتدي بغراب يهديها الطريق الهالكين لكن اليهتدي إبنور الهده إو حبل ألله المتين يحظه بالجنه إبعروس (إذا النفوس زوجت) * * * الما يموت إعله الولايه بالشفاعه ما يحظه أبد ما يجزي الصراط إبغير صك المرتضه حطب لجهنم يصير إو يطمرونه باللظه إو يشرب الماي الحميم ( إذا الجحيم سعرت) * * * والصلاه والصوم راس الدين والحج والزكاه هالذي والد اليمّه أو خامس أصحاب العباه أوچب إبوسط المعاره من حكم وكت الصلاه
بعكس گوم أهل الضلاله القدمو وألأخّرو بالطفوف أنصار أبو السجاد باعو وإشترو من حمه سوگ المنايه إبسوم ألأرواح أرخصو
سيف عزم حسين من يمناه طاح إعله النهر إستوحدوه الگوم وبچتله إطمعت حرب إو صخر دارو إعليه بالسيوف إو بالرماح إو بالحجر
إيجيب العنان إو يسلمه بيد إبن حامي الدخيل إو يصك وجهه إعله الوطيه دون المگنطر چتيل إو مرّغ الناصيه إبدم حسين وأثگب بالعويل
منذهل والسرج مايل وإيتعثر باللجام يصهل إينادي الظليمه إو من وصل حد الإخيام إمن الخدر طلعن بنات المصطفه سيد ألأنام
چني أنظر حال زينب وأسمع الحره إشتصيح إهنا يمهر حسين وين حسين خليته طريح أظن ما ظل عظم سالم بي إو لا مفصل صحيح
إو زينب إستنكرت جسم حسين لمّن شافته إمترب إموذر إمعفر بالدمه إو ما عرفته إنته إبن أمي إو عزيزي إو نور عيني نادته
مغشيه إعله حسين وعليه الفواطم حايمه هاي التشمه وذيچ التمش عن وجهه الدمه إو زينب إتنادي يخويه إبجاه أُمك فاطمه
(تمت)
(5)
«هجري» تنتصب محكمه كبرى للخلگ بالآخرهشافع الأمه محمد والمحامي حيدره * * * اعمل ابدنياك صالح تنجح ابيوم النشور ما يدوم الدهر (والدنيا متاعاً للغرور) انچانك راغب الجنه وتود تستخدم الحور كل وكت حط المعاد اگبالك اواتصوره * * * واحذر اليوم اللي بيه الحامل اتذب الجنين وكل فرد حاير ابروحه للفرج شابح العين وعنه ماتغني أمواله ولايفيدونه البنين وتنظره الوادم اسكاره ابغيرخمره مسكره * * * والشمس من سمه الرابع تنزل بأول سمه تصلي مخك والوطيه نار حدرك مضرمه وما إلك أمر التكلم فاك ربك خاتمه والحساب اگبالك وخلفك جهنم مسعره * * *
حين تسجيل الإفاده والمناقش بالحساب ايفور تنور القيامه ويجري طوفان العذاب والسفينه التنجه ( بيها حب علي ) داحي الباب بالولايه اعتصم واسمك خل يقيده ابدفتره * * * (يجري)(1) التحقيق لمن ينعرض للانتقام يگوم قانون العداله بحكم ابين الأنام منهم التوقيف حكمه ومنها بجهنم عدام والذي تاخذ تبريه ابنور عصمه امنوره * * * ينزل أمرالله لمحمد والعلي يوم الوعيد (ألقوا) بجهنم الكافر والتعرفونه عنيد الكافر الشك بالنبوه وجحد قرآن المجيد والعنيد الما تبصربالولايه ناظره * * * ثلث تقسام البريه بالحشر يتقسمون قسم أهل بيت الرساله البيهم اتكون الكون وبصريح الآية همه (السابقون السابقون) ومن عواطفهم تمس (اللاحقين) المغفره * * *
وفرقة الثالثه من الله ينزل عليها الغضب وبالسلاسل يسلكوها وهي تزحف عالركب (بصورة الجن بآية الخامس عشر خصهم الرب)(1) منهم اتمنه البرائه انچان عندك فاكره * * * اتمسك ابحبل المتين وعروة الملها انفصام ولا تظل تبحث وخوفي ايعارضك سوء افتهام اختم الأخبار كلها واخصم وياك الكلام ما يعبرك غير ( حيدر ) من تگف عالگنطره * * * كل نبي وكل وصي ابذاك اليوم يندب حاجتي باإلهي الناس تعتق من عذابك رگبتي بس نبي الرحمه ينادي ياإلهي امتي
* * *
ابظهر ناگة نور تتوسط المحشرفاطمه ناشرة ثوب الحسين الناجع ابفيض الدمه ياإلهي الماي مهري وفطر چبد ابني الظمه
* * * والغريب المات ظامي حسين وبكتره النهر من يطب للحشر متخوصر ومحني الظهر جثته بلا راس لاچن يبدي صوته من النحر
* * * والحجر شاهدته يارب حين صكها الجبهتي وشاهدت سهم المثلث من توسط چبدتي وطحت من الغوج ساجد إلك يارب سجدتي
* * *
والفرضته علي يارب گمت بيه ابكربلا وهذا راسي بين ايديّه وهاي جثتي امثله وعاهدتني بالشفاعه او واعدت بيها المله
* * * يرد من الله جوابه ياعزيزي ياشهيد الك مذخوره الشفاعه اشريتها ابدم الوريد بين اديك الناس كلها اختار منها اشماتريد
* * * (تمت)
(6)
«هجري» إعمل الدنياك چنّك (بيها)(1)عايش للأبدوإعمل ألآخرتك إيكون غداً يوم الوعد * * * لا يشغلك حرص دنياك إو تحرص عاليجيك إو لا تبيع الملك لو جاك مثل ما هوه إعليك والفرع لو جزت من ألأصل ما يحصل بديك إتصير مثل أللي وجوده فوگ مجهوده إنمرد * * * أبد لا تحزن عله الراح إو تفرح بالإجاك إو أمر نفسك لا تطيعه إو خطوه لا تتبع هواك وإبصريح ألآيه (كل البسط لا تبسط) يداك إمحسّر إو مالوم تگعد صك من الباري ورد * * * بعد أمثلّك الدنيه إمن المثل معنه إقتبس لو لمست الدنيه چالثعبان ناعم باللمس وإنته من لسعة الثعبان ينايم ما تحس؟ شايل إصوابك إبعزمك ساعه وإصوابه ما برد * * *
إو بعد أبيِّنلك معاني إو حكم عن رأي مصيب عاشر إبدنياك صاحب ذي ثقه إو كامل أديب حيث لن الطبع شانه يكتسب من كل صحيب صاحب العالم تعلَّم صاحب الفاسد فسد * * * لو ردت حر نفسك إتعيش إو بالك مستريح الناقصات العقل ليكون لعد سرك تبيح إو لعد غيرك لتحفر بير گبل منه تطيح چم وچم گبلك حفر بير نزلها إو ما صعد * * * إعمل إلدنياك معناها ضمن هاي ألأبيات لو درست إبهالمعاني إبطيب عيشك بالحياة لو ردت تعمل إلآخرتك عمل بيه النجاة ترشح إبمعناه سورة (قل هو ألله أحد) * * * ما تمس النار گلب إلبيه إيمان الجليل ثابت إو لو ردت مني إبهاي برهان إو دليل إلك أستشهد إبنيران إبراهيم الخليل إشلون برد إو سلم صارت إله إو لاهبها خمد * * *
والذي يعتصم بألله يعصمه إمن الخطر إو لو ردت برهان أستشهد لك أبنص الخبر موسى بن عمران لمن راد يعبر عالبحر إشلون جاري الماي لجله إبقدرة الباري جمد * * * والذي يجعل الباري حسبه إو نعم الوكيل لو إبگيد إيگيدونه ينفصم گيد الثگيل لو ردت برهان أستشهد لك إبگيد العليل يوم الچان بالسلسله إمگيدينه إگبال إيزيد بالمجلس إموجفينه الراس حسين عالطشت شابح عينه يصد نوب إعله ألأرامل نوبه لأطفاله يصد * * * لو أريد أبدي المصايب كلهن إيطول المقام لاچن أرد أختمها كلها إبفگد طفله من ألأيتام ساهره إو متعوبه لاچن شافته إبرؤيا المنام لن إتشوف يمها حضر واليها آنه حسين يا مهجتي إيناديها الصدره إتشوف گلَّطها ويشم بيها گلها باچر يا عزيزة روحي بالجنه الوعد * * *
فزَّت إمن النوم(1)تبچي إو تصك راحٍ فوگ راح إو ثگل من الفاطميات نحبهن والنياح رجن الشام إبّچاهن والخبر ليزيد راح صاح إيزيد شوفو اليساره إشبيها وألأطفال شنهو الذي ماذيها تنحب ليش منهو الذي إمبچيها جاوبو لحسين طفله تبچي چي منها إنفگد * * * گال أظن ما درت مذبوح إو راسه إعله السنان لاچن إخذوا لليتيمه راس أبوها يغلمان خل تشوف إبثغر أبوها أثر عود الخيزران خلها إتشوف شيبه إبدماه إمخضّب خلها إتشوف بالترب خده إمترب وإتصد ليه إو تنظر جبينه إمصوب أو بعد لتظن يرد ليها ذاك عزها والسعد * * * آه لمن للفواطم جابو الراس العبيد إتگلطت ليهم الطفله باچيه إو مدت ألإيد ما تناشدني بيا حال خذت راس الشهيد
إتجلب بيه وإمن الوريد إتشمه وألأيتام عالطفله صارت لمّه وإتناديه لحد يعود اليمه يتيمه إو ذاك عزنه ما يرد لينه بعد * * * (تمت)
|
