«شيعتي»
* * * غرس باري الكون عود الكرم بإرياض المچارم وأثمر الجود برياض الغانمه والثمر هاشم ومن ثمر هاشم محمد وإجتنت منّه العوالم والجود من تتمثله
* * * هاشم إبفيض المچارم والشرف تاريخه يشهد ومن ثمر هاشم إبروض الغانمات الطيب ورّد وعطرت عالم العلوي وألأرض وردة محمد والطيب بالهادي إنجمع
والطيب جوهر محاسن عبقريه
* * * يالجفيت البيت ردله لا تگول آمالي خابت ولا تگول إشلون أردله وآنه عنّه إجدامي زلأّت مثل هذا البيت خيمه وبعمد إحسان گامت لو تجفي دنياك وترد
* * * إهنا يهل شفرات دهرك گطعت سباح گلبك وتهت بفجوج المرامي وعثّرت بلواك دربك إخذ مرآة الولايه وبيها شاهد وجه ربك يكون إلك توفيق وتصل
* * *
إهنا يهل مكسور إرشد لا تظل حاير بأمرك وإتّصل بالبيت وأهله ينجبر بألله كسرك لون مخّ إللي براسك ماع من حر شمس دهرك ولو ضامرك رايه إنطوه
* * * إهنا يهل رايد إبعصرك چهف يحميك ويلِّمك للذي ميعرف گصدك لا تگصده وتشچي همّك ولا تمد يا صاح إيدك لعد إيد الما تلزمك لا تچهب المَبْهُم حمه
* * * يالمحب لو حزت من هالبيت توفيق السعاده إذكر البلغاضريه نامو إبحجر الشهاده وإذكر السجّاد وإذكر علِّته وإذكر إگياده سهم الشماته يگطع إبدلاله وثگّل ونين المرض سبي إعياله
والشام آه الشام مرمر حاله للشام من طبت إضعون اليساره
* * * گصد للسجاد سلم سهل ويحن الحنينه صدإله السجاد ناده إمنين هالسلم علينه گله خادمكم وفاضت مثل جرح الساگ عينه يا سهل شوف الجامعه ضهدتني وشوف الحبل من متن عمتي المتني يا سهل وإسهام اليسر صابتني يا سهل لا تنحب إبوجه اليتامه
* * * سهل صاح وجذب ونّه وما گدر يخفي نحيبه سيدي بعيوني نزلت ماي ألأسود هالمصيبه وما أوچد بعد دربي من شفت زينب غريبه ألله يا زينب ويا غربتها وين الخدر وأهل الخدر وأخوتها وين الكفلها والحده إبناگتها يا سهل تنشدني عن حامي الضعينه
* * * يا سهل گطعت گلبي إبنشدتك عن الهواشم طبرتني إبفگد ألأكبر وإطعنتني إبفگد جاسم وذكرني إبگلب أبويه الما هرش ظل بيه سالم وسهم المثل صاب گلبي مصابه وبگصتي طاح الحجر وإصوابه وگبالي نحر الطفل والنشابه يا سهل وإعله الخيم من هجمت الخيل
* * * (تمت)
(6)
«هجري» ياحبيب الباري يامن ختم بيك المرسلين(1)بيك وبسيف ابن عمك ثبت للإسلام دين * * * دوحة الدين اغرستها وافرعت منها الأحكام ابمهجتك ساقتها او شيدت من عدها القوام وابذلت جهدك او همتك واجمعت شمل الإسلام ملة اللي بيها اتعبت وآلفت بيها او حدت من يارسول الله غبت اتفرقت وحدة المله وشتت صاب المسلمين * * * تشتت من عگب عينك يبوالقاسم امتك ابعكس ما وصيت عملوا يالرسول ابعترتك هجموا او كسروا ضلع من الزچيه بضعتك وجّواعلى الباب الحطب تعلم ابياحق انعصب ويامتن بالوسط انضرب وثدي البسمار صابه اوسگط بالعصره الجنين * * *
يارسول الله او حامل راية الدين الضرب بين ايديك ابصارمه المحني خراطيم العرب چان مچتوف ابو صيتك عگبك وحگه انغصب لوله الوصيه من يصل دارك وابوالحمله عدل ما سگط للزهره حمل وچان ما( بنبود)(1) سيفه انگاد أمير المؤمنين * * * ودعت عدهم وديعه الحسن عگبك لوعوه وما رعوا ليك الوديعه إبسم دليله گطعوه وبالچفن سبعين زانه يارسول الله رموه وذبحوا حسين بكربلا ويسروا عگبه العايله وگيدوا عليله بسلسله واضمحل الدين لاچنه إحتيه بدم الحسين * * * من بنيت الدين ساسه او شلت صيوانه ابعمد ابعكس گوم أهل الضلاله المكر سنوه والحسد والفتن ثارت وصارت ورث والد للولد وظلت تشب وتنطفي ويظهر حقدها ويختفي
رادتها للدين النفي وكل زمان اتشوف ثاير ثار من الناكثين * * * وكل زمان ايثور ثاير منها ويجمع جمع غايته يمحي الدين ويطفي أنواره التشع اشما يشاغب بالديانه الدين شانه يرتفع والثاير يرد منكسر وينهتك حجبه وينشهر يالعالم اعلم واختبر لوظهر صاحب الغيبه يمحي نسل القاسطين * * * لوظهر صاحب الغيبه وبالغري ينصب سرير والخضريلفيه وعيسى من السمه ينزل وزير والثلث مايه وثلاثه او عشر وتحف بالأمير ويطلب ابضلع ام الحسن ويأخذ ابثارات المضن ويطفي نيران الفتن إبنوره وبشفرة الصارم يمحي نسل المارقين * * * (تمت)
(7)
«هجري»
* * * هاي منظومه ومعاني الخمسه بيها إتوصفت أبجد الحرفي وحسابي وبالرموز إتنظمت إهنا يهالمستمع إصغي إلهالمعاني لو بدت
* * * (الميم) منه بدت رحمه وعله المخلوگ إشملت (الح) حياة إنتجت منه وروح ألإسلام أنشأت إبثاني(ميم) إمياه قدره (الدال) دوحتها روت
* * * ألـ(ع) عالكفار صارت سيف بالروس إحصدت ألـ(ل) للباب إقلعتها وأفنت الما وحدّت ألـ(ي) يد ألله وعله يدّ المشركين إمن إعتلت
* * *
(الفاء) فاطم من تمسك بالولايه من النار (الط) طريق الجنه واضح سمح للإسلام صار (الميم) منها إهدعش چوچب زهت بالعالم أنوار
* * * (الح) حلم وإحسان صار ومنه الكون إنشحن (السين) سن الكرم سنّه وشعّت إبعين السنن (النون) نعمه وفاز بيها إللي تمسّك بالحسن
* * * ألـ (ح) وحّد فروع ألأحكام وشيّد أركان ألأصول ألـ (س) سد خلة املّه اللي بدت عگب الرسول ألـ (ي) يقين (النون) نور الهده الساطع ما يزول
* * * أنشأ المعبود خمسه وجعل بيهن هالصفات (ميم ح) و (الميم دال) أنشأ محمد للنجاة و(ع ل ) و (ي) جمعها علي وللمشرچ ممات
* * *
وأنشأ الدوحه النور النبع من عدها النمه وفازت الشيعه إبثمرها وأزهت ألأرض وسمه (فاء) (ط) و (الميم) (هـ) بالاجمع صارت فاطمه
* * * وأنشأ ألأنشأ الجود وفيّض الكون إبكرم ورضع من ثدي ألإحسان ومن ثدي العصمه إنفطم (ح) و (س) و (ن) إسم الحسن بالعالم علم
* * * وأنشأ (العلملك)(1)فضله شمل والجن والبشر وأحيه دوحة دين جدّه المصطفه إبدم النحر (ح) و(س) و(ي) و(ن) توضّحه مثل الگمر
* * *
من خمسه ميه وثلاثه والثمانين أكملت وحدر ألإثينن وثمانين البهاليل إدخلت من السمه الميتين والسبع وأربعين أنزلت
* * * يوم حدر الكسه إنجمعت وألأنوار إمهلهله ويوم عد جسم الحسين إنجمعت إبطف كربله مد رسول الله يمينه الراس سبطه إتناوله
يجد ردتك گبل ساعه إتشدلي إصواب الحجر وتجر سهم الگطع گلبي ومنه دلالي إنفطر يجد ما ظل بعد بيّه عظم سالم ما إنكسر
يجد ردتك گبل ساعه تشاهد إمصاب الرضيع بحضني إملولح رگبته وبالسهم گلبه گطيع ويابس من العطش گلبه وجسمه من دمّه نجيع
إنخشع گلب الهادي لإبنه ودمعة إعيونه تسيل ومهجته بالدمع سالت من ثمر چبده المسيل وغدت شفرات المصايب تگطع إهروش الدليل
فاطمه إتنوح وتنادي إبگلب مدمي ومنفجع ذوبت يحسين چبدي والچمت كسر الضلع ومثل مجره جروح إبنها إعيونها تجري الدمع
(تمت)
(8)
«هجري» يهل تعرض عن الآية اتگول سحرٍ مستمروالگمرآية ( محمد ) تظن ينشق بالسحر * * * اعني ابهل معنه گوم الكذبوا سيد البشر بانشقاق الگمر گالوا سحر برهان الظهر (اقتربت ) نزلت السوره الساعه وانشگ الگمر وآية الانذار تذكر (كُلُ أمرٍ مستقر) * * * يخبر الباري بكتابه الكذبو طه الأمين ابّطشه ينذرهم وبالقدر عليهم غابرين والذي أخذتهم الصيحه (واضحوا جاثمين) او بالذي (اضحوا كأعجاز نخل منقعر)(1) * * * الچذبو سيد البريه إلهم الباري نذر بآيته او مثل هلاك ( الفتعاطي) فعقر ويخبر التنزيل عن امره (كلمح بالبصر) وافتح أبواب السماوات (بماءٍ منهمر) * * *
التعصي المعبود طوفانٍ يمر بيها ويروح وينجد إللي يعتصم بي مثل ما نجد نوح والدليل ابهاي آيات نزل بيهن الروح (وحملناه على ذات ألواح ودسر ) * * * الباري بالآيات ينبي الطغت عنها ومعرضه وينذر الغافل ابغيظه وعلى الطاعه ايحرضه والكتب جاعلها للناس بيان وموعظه انزل القرآن للذكر (فهل من مُدَّكِر ) * * * بالحلال احساب باچر والحرام إعليه عقاب يذكر ابنهج البلاغه (في الشبهات) عتاب واللي تنكرهالمعاني أضحوا ابصوت العذاب مثل ما تذكر الآيه (كهشيمٍ محتضر ) * * * من يدّك الباري سبعه او يطوي السبعه الشداد (خُشَّعاً لله) ذاك اليوم ابصار العباد ( يخرجون من الأجداث غداً يوم المعاد) مثل ما تذكر الآية( كجراد منتشر ) * * *
لتتبطر على النعمه يجفي النعمه البطر اقرأ القرآن ينبيك جزاء من كفر ظل يحموم أو حميم الورد والمسكن سقر ويومهم تبديه الآيات عبوساً وعسر * * * اتقي واشكر النعمه واخذ من جهلك حذر اتبشرك الآية على الله جزاء من شكر (ظلٍ ممدودٍ وطلح وأعنابٍ ونهر) (غدا في مقعد صدق عند مليك مقتدر ) * * * لوشفت دهرك عليك ابهجمة السطوات زاد اصبر واقرأ بسورة ( كهيعص ) اتشوف صبر حسين منه اتميد وتمور الأوتاد صبر حسين هسا أخبرك عنه لاوالله ما صبر أعظم منه يوم الطاح عالأكبر ايجرونه واليشوف ابنه مقطع چيف گلبه يصطبر * * * ايعارك الأكبر او جمر العطش حامس چبدته ضامي اوثگل الحديد اظهده وضعف مهجته وحال بي « مره بن منقذ » جسم راسه ابطبرته گام ايفيض دمها وثجيله الطبره راد ايطيح من المهر عالغبره
مد ايديه ياويلي واشبگ مهره للخيم راده يوديه اويسلمه امن الغدر * * * من سگط من ظهر مهره اوصار مكور للسهام يلوج من شدة اصوابه أوشبح عينه اعله الخيام يصيح بويه امودع الله والك من عندي السلام عالتربان ظل جسم الأكبر مطروح بنفسه ايجود وحده اويعالج بالروح وبالصيوان تنتحب ليله واتنوح اعيونها اربيه أعلى ابنها او لعد جيته تنتظر * * * وأبو اليمه للمعاره يصد ليساره ويمين وليلى من لوجة گلبها تنظرالوجه الحسين ساعه لن اتشوف لونه اتغير اوفاضت العين صاحت خاف چتلواالگوم او ليدي دونه الروح افديها لو طاح بيدي عگبه اشلون أگضي الحياة أوحيدي منهو اليسلي دليلي او گلبي بيمن يبتشر * * * آه من شاهد عزيزه حسين سابح بالدمه اوعظم ما ظل بيه سالم والضلوع امهشمه ضمه الصدره يشمه ويلثمه من مبسمه حط حسين خده على خد اوليده
يطبج گام طبرةٍ طبره بيده وناده شبول هاشم تشيله بهيده للخيم جابوه اوليله اطلعت ولها امن الخدر * * * شگت الزيج اعلى ابنها اتصيح والعين اتهلي ضيعتني اوضعت مني ياوليدي ياعلي يالچنت شمعة الصيوان شجاك أو تنطفي مظلم صار يبني على صيوابي ابدمع العين م اتنطفي نيراني چيف انساك وانت اعلى طرف لساني لهجتي او سلواي ذچرك وانت ودي والذچر * * * يولدي وياعمد بيتي الأمل بالله اوبيك چان ردتك اتحضر زهابي يبني وتفصل اچفان ابكربلا ما چان ظني بيك يفجعني الزمان مني اتروح يبني واظل مكسوره روحي ابنار فگدك تظل مجموره آه ٍأه من الدهر واگصوره الدهر بصابك كسرتي اوبيش اجبر هالكسر * * * (تمت)
(9)
«هجري» تأيد بأنا فتحنا من فتح مكه الرسولوإنتصر (نصرٍ) عزيز المصطفى بزوج البتول * * * أكرمه الباري المحمد بالنبوة وبالإسلام وآمره يدعي ودعوته للهدى يهدي ألأنام بحكمه إو علمه وعزمه ومهجته الدين إستقام وبدت من عنده الفروع العشره والخمسه ألأصول * * * خاتم ألأديان دين البي ختام المرسلين گامت أركانه إبثلاثه وإنبرم حبل المتين بالنبي وسيف إبن عمه إو ثروة أُم المؤمنين أعني الكبره خديجه الحيّرت أهل العقول * * * حين راد الباري بيته إيطهّره إمن المشركين أفتح بأنا فتحتنا للنبي (إبفتح ) مبين بهيبته القهّار رشح علم عزّ المسلمين والتوشح بالجلاله يظل ثابت ما يزول * * *
خفضت إجناح المذلّه لنبي وذعنت قريش حين شافت عله الكعبه قدم للإسلام جيش يل تريد إتشوف ناظم هالخبر مستند بيش إتصفح بأنا فتحنا شوف معناها إشتگول * * * دخل بيت ألله رسوله وناده يا مير النحل يا علي هشِّم أصنام أهل الضلاله والجهل فوگ متن النبي إتعله حيدر وتدري إشعمل إضلوع أبو سفيان رضها مثل ما رض الهبول * * * وبالضماير آل سفيان إكتمت نار الأوثان وبگت تسعر وأظهروها عگب مده إمن الزمان يوم من حسين راحت كل إخوته وألأعوان چتل برض الغاضريه إو بت صرعه إعله الرمول * * * وظل وحيد حسين وتوسط الجيمان وندب إنچان متعرفوني أخبركم إبحسبي والنسب آنه إبن فاطمه إو ريحانة الهادي المنتجب آنه إبن مير اليجحده للشفاعه ما ينول * * *
من عذل بيهم إنشدني إشردّو عليه الجواب إنحاربك يحسين بغضا لعد عودك بو تراب اليوم يوم الثار قصر يبو السجاد الخطاب عند أبوك إديون إلنه ومنك إنريد الحصول * * * ومن عله بالإستجاره صوت أبو اليمه الأسد لا عمام إللي تجيره ولا عضيد ولا ولد ومن سمع صوته رضيعه گطف روحه إمن المهد والطفل للفواطم فجعها صاحت وعالوجن هل دمعها حسين ردّ إلها لمن سمعها شاف من المهد مرمي طفله عاغبره يجول * * * مد يمينه وشال طفله إحضنه إو شمه من الوريد النصرتي إمن المهد يبني إگطفت روحك لصعيد إساع أسلمك للمنيه وتنكتب يبني شهيد لاچن إمن الضمه طفله يفغر يبس ثغره ودليله تفطّر صاح لمن توسط العسكر يا شرع حرم علينه ماي المفيض السهول * * *
الگوم دون الماي أروت چبدته إبسم السهم يا رضيع الگبل منه سهم يا ناس إنفطم والطفل من هجس حرّه إبوجه أبوه صد وإبتسم وسال دم الطفل من وريده رگبته إتلولحت وأسبل إيده وأبو اليمه يخاطب فجيده يبني ضحيتك الوجه ألله وأترجه القبول * * * (تمت)
|
