الفصل ألثالث
ويشتمل على القصائد التالية:
«شيعتي»
انشد التاريخ واسمع فضل قدسية علينه اشلون من حان الغروب الشمس ردت بالمدينة او عالرسول انغشه او حيدر سنده الصدره او يعينه
هاك اخذ هاي البشاره البشّر الباري عباده گال ياعبدي اطعني اتصير إلك بأمري اراده او حيدر ابنور الاطاعه ثبت بالله اعتقاده
هاك أخذ من المصادر والعقول الجوهريه عن مرد الشمس آيات او حوادث واقعيه او شوف ابو الحسنين فضله اشكثر عند الله ونبيه
ملة ابراهيم دين او كمل دستوره أبمحمد وانبنه عرش الديانه وابعزم حيدر تأيد او من رجال الدين اول رجل والاسلام يشهد
اوعاصمة دين الرسول أبساعده او سيفه بناها من ذبح عمر بن ود وباب خيبر من دحاها
حيدر اثمانين غزوه ابدعوة الهادي غزاها والحروب الجاهليه ابساعده دارت رحاها او شمعة الملّه علگها او شمعة الفتنه طفاها
(تمت)
«شيعتي»
* * * يا علي من ثمر حبك طابت إنفوس البرايه إو من تطيب النفس تشعر جاذبة حبك هدايه إو جوهر ألإكسير فضلك ما ترك للمحب سايه
* * * يا علي صارم ودادك گطع گلب الجاهليه والملك حبك دليله ملك حب ألله إو نبيّه تأفل إنجوم الموده إو تطلع الشمس المضيه
* * * يا علي المرآة حبك جوهرة فضلك (تسجل) صورة تعكس للرساله والجلال ألله مشعل والصور تعكس معاجز والشدايد بيها تنحل
* * * يا علي عشاگك إحنه إو يرعه كل عاش رقيبه إو كامرات الحب تصور صور للعاشگ غريبه إو ذكريات الطيب تجمع بين محبوب إو حبيبه
* * *
يا علي گلب الموالي ورع ما يسمع ملامه مدرع إبحبك إو حبك للعذل يشگف إسهامه والعگل هايم إبشوگك مغرم إو مشتد غرامه
* * * خل يعاذل روحي خلها إبروضة الحب مستراحه لو گلت مجنون حگك لاچن إجنوني فصاحه ما تگلي يا فصيح إلما يشم ورد الملاحه
* * *
يا علي إو ساعة البيها تشخص أبصار البريه ناس تدركها الشفاعه إو ناس بجهنم رميه وإحنه نعبر عالصراط إبلا عريضه إو دعوتيه
* * * يا علي شيصير گلب البيك متعلگ وداده لو سمع شيبك تخضب إو خضبته إدموم الشهاده وإنجسم راسك إبطبره ما ثبت بألله إعتقاده
* * * (تمت)
|
